الفراق صعب

اني ما محتاج
بس الله
وابوي
وشيلت امي الدافيه

شعندي غير امي وصﻻتي
البيهن اكشخ من امر ابالهم
ادري ما عندي عدو
بس

جم صديق
هواي يتمنوني اطيح اكبالهم

امي (ღ˘⌣˘ღ)
انتي مــو أم لابشر انتي ملاك
انتي من الله الج هيبه وقدر
أنتي الله مفضل عليج بنعيم
يعني قدرج عالي وأعلى من الكمر
تحت اقدامج الجنه يكـــــــول
جنه وشلون أرد أوصفها بسطر
يانهر يابير زمـــــــــزم والحياة
أنت أعجب من عصا ألشطرت بحر
ألله حط كل الصفات بقالبج
وكدر يجمع ماي وي كومت جمر
أليغص بالزاد يتعنى للمــــاي
من أغص انه تصيريلي نهر
عشتي يمه العمر كله انتي حصار
وشافج بعينه تخبزين العصر
يعني ماهمج حصار ولاحروب
وللوكت مامره تحنين الضهر
وألكمر صح بالسمه وماله مثيل
ويمه علكاع انتي احلى منه

لو جبت كل الكون وتحطه يمي
ما ابدلنه بخيط من شيلت امي

يمـــــــــــه

يمة البيت عكبج يبجي عالبيت
وسود وداعتج شفت الحياطين

وعتبة بيتنة زعلت على الباب
وعلينة أتسودنت ما ترضة ترحين

وشفت دمع البلابل والعصافير
طاح إعلة المكان البي تكعدين

وشفت لطخة حزن بخدود الورود
وصبح بستانة يبجي البساتين

فراكج مو سهل يذبحني كل يوم
كل يوم بسنة لاوالله عشرين

ييمة بفركتج نص عمري مأخوذ
ولاجن وفركتج يايمة يومين

ماأدري شيظل لوطال الفراكَ
على هذا الوضع ينراد عمرين

شكظ من الدمع ودموعي شلال
وعليج تسودنت ماتسكت العين

جلمة يمة منج بلسم جروح
وجلمة بعد بيتي أتداوي جرحين

ا موجودة يمة نصير عقال
ونصير بغيبتج مثل المجانين

على وجهج لكينة الحزن مرسوم
وكبالة الفرح ذابحتة السنين

تروح بروحتج ما تبقى أرواح
جسد واكَف جذب بس أحنة ميتين

تحت جدمج جنان وتجري انهار

مثلج ماكو مثلج أقسم أثنين

أغفة بحضن صبرج وآني شبعان
وأحس جوعانة كلش من تنامين

أمي الجنة أنتي منزلة بيت
وتنام بظلج أبيوت الجوارين

سكوتج أدري يمة يحير الليل
مثل صفنة البحر لمن تصفنين

وأذا تحجين بلبل يعزف ألحان
ومن حلكج يظل يطافر التين

خيط السبحة أنتي أخذينة وياج
نطشر خرز لمن تروحين

من جرف الحزن والتعب والآه

شربت وارتوت امي او روتنه

گصيرة ايد ، والله امبارك الإيد

او على الطيبات كلهن علمتنه

شباب احنه او مشاكلنه ثگيلات

او نست امي نفسها او مانستنه

لو جار الوكت حصته المساكين

او صارت حصته امي او عبّرتنه

حدر جنحان امي .. عُمر غافين

وسنين المصايب طشرتنه

شيلة امي حضره او چفها شباچ

او بختها العافية او بي حزّمتنه

بأطراف العباية انكت الدموع

دموع العوز لو ظلت عمتنه

من اتغيب امي يظلم البيت

او يشع بالنور اذا شفناها اجتنه

ابمحبتها تبّرد غيض الگلوب

واذا تنگل جدمها اتطفي فتنه

لو ما دمعة امي او رشّة الماي

چان اعله السواتر غربه متنه

* * *

امس من غمضت امي بچه البيت

او ذبل وحشه لأن فارگ ضواها

حتى الهوى ضاگ او شح بالصدور

لأن چنه عُمر نشتم هواها

الها ابكل زوايا البيت تذكار

سبحه او ادعيه او سلة دواها

ويه امي ابسفرها انصف حمامات

بس هالسفره عافتنه وراها

مو نيّة سفر .. بس قدر محتوم

اشتاگ الطيبها الباري او خذاها