نصائح رومانسية

استطلاع رأي

مساء الخير عليكو اينما كنتو...

اولاً ...انتو مش عارفين اد ايه انا فرحانة ان فيه ناس بتحط الكتاب في مكتبتها و بتعمل فوت بجد فرحتوني جداً

ثانياً ...لو انتو متابعيني من زمان انا كنت بنزل روايات بس بطلت من فترة طويلة و الشيطان كان بيوسوسلي من فترة عشان احذف الكتاب و اد ايه انه محتوي غير مهم و ان انا كتاباتي سخيفة و شوية افكار سلبية كتير

اللي خلاني اكتب دلوقتي هنا هو ان انا عايزة اعمل استطلاع رأي في موضوع شاغلني جداً الا و هو الجواز التاني

فعايزة رأيكم...

دلوقتي اللي انا شايفاه الفترة دي هو ان الرجالة كلها بقت بتدور علي جوازة تانية بحجة ان الشرع محلل اربعة و ان دي سنة منسية و كلام كده كتير بس انا عمري ما افكر في كده و بصراحة
انا شايفة ان دي حرية شخصية لو انت و مراتك حياتكم سعيدة و انت بتدور علي جواز تاني عشان تكمل دينك و مراتك راضية كان بها انما بقي لو مراتك مش راضية يبقي خلاص هتفسد بيتك ليه؟  و تحاول تقنعها و تكسر دراعها ليه ما دام هي مش راضية ؟

انما لو انت و مراتك حياتكم كلها مشاكل و انت عايز متنفس او ربنا مرزقوش بالخلفة و غيره من المشاكل اديها الفرصة تختار مش تروح تتجوز من وراها في ستات عندهم عادي و ستات لا

انا شايفة ان الموضوع مش عيب و لا حاجة بخصوص طلاق المرأة هو اه طبعاً الموضوع ميبقاش بالإسفاف اللي شايفينو الأيام دي و ان الزوجة علي اقل حاجة تقلك طلقني و الكلام ده

و انا شايفة انه زي ما الراجل ليه حق الزواج التاني يبقي الزوجة ليها الحق تتطلق و تتجوز غيره

انتو شايفين ايه؟  يا ريت تتكتبو رأيكم يا جماعة زي ما قلت ده استطلاع رأي فلازم تقولو رأيكم مش فوت و خلاص...

دمتم سالمين و معافين.............