💙فاطمةالطاهر 💙
(80%حقيقية20%خيال)
قبل ما نبدا في الرواية خلي نبدو في المقدمة
في حوش كبير في ضواحي العاصمة
عيلة الحاج يوسف
متكونة من ولاده اتنين لكبير طاهر عنده ولدين وبنت متزوجة حنتعرفو عليهم من سياق الأحداث
وطارق يلي عنده بنتين فقط بيان ورزان
امهم أطلقت من بوهم وهما صغار بحجة أنه مافيش تفاهم بينهم وكانو طول لوقت يتعاركو يتعاركو وصوتهم ديما طالع آخر شي لما كبرو شوي بيان ورزان زادت اكتر لمشاكل بين امهم و بوهم امهم أطلقت من بوهم ورفعتهم معاها لحوش خوالهم قعدو شهور بعدين بعتتهمله ومعاهم ورقة.......هما بناتك وانت أولى بيهم واني حبيت واحد تاني واني نبي نشوف حياتي مازلت صغيرة نبي نتزوج........
انكسر طارق 💔بالرغم من أنها كانت واعرة وصعبة معاه الا انه حبها بس هيا اختارت الانفصال وفعلا بعدها تزوجت وخلتله بناته رباهم ومن لما تزوجت معاش سئلت عليهم ولاعاد شافتهم وكأنها ماعندهاش بنات اصلا 💔
وطبعا عندها ولاد وبنات من زواجها التاني بس ماعمرهمش تلاقو ولايعرفو بعض بحكم تزوجت من خارج منطقتهم ومعش شافوها 💔
طارق كره النساوين وسيرتهم ربى بناته بروحه هوا وجدهم جدتهم كانت متوفية
ولحد ماكبرو قعد الحاج يوسف وولده يتشاركو في تربيت بيان ورزان وماحسوش ابدا باي نقص
لحد ماكبرو ولو صبايا
بيان الكبيرة م97 مواصفاتها طولها وسط وضعيفة ونقشها كله ع الاكحل رقيق بس حلو وجداااابة جداااابة هلباا الي يميزها شعرها طويل وكيرلي من ربي يقتللل طبعا بيان في الشبه طالعة لبوها❤️ طبعا بيان بنت جدها اكتر شي وخدت منه صفاته من شجاعة وقوة وطولة لسان وراس يابس وعناد 😂
رزان م99 عكس بيان مايشبهوش بعض في الشكل كأنهم مش خوات رزان تشبه لامها...قصيرة ودبدوبة هلباا عيونها ملونه وشعرها بني❤️دبدوبة وحياتها كلها ماكلة وحلو مشاغبة هلبا ودمها حلو
متعلقة بي بيان هلبا كأنها امها ❤️
بيان محتملة مسؤولية الحوش كله فوق راسها قرت معهد ومن بعد قعمزت في الحوش ماشتغلتش لان ماتلحقش بين شغل وحوش
رزان مزالت تقرا في الجامعة
بيان تحب ولد خالتها وعلى علاقة معاه تلات سنين جي مرة خطبها بس رفضو جدها وبوها لأنه كان طايش وعنده شوية في سكة الشمال 🥃🍾
ورغم هكي هيا تحبه ومزالت على علاقة معاه ويحاول كل مرة يحسن وضعه ويتقدملها رغم أن في كل مرة يرفضوه
الكاتبة fa toom ✨ ✨
بيان/بجد ياروحي تحكي
أنس/اي والله ياقلبي استني عليا بس هالايام نشوف الشغل الجديد ولو قبلوني ع طول حنكلم جدك وبوك ونطلبك منهم ولو ماوافقوش حنقعد كل يوم ماشي جاي نزهفلهم كبودهم
بيان/ان شاءالله هالمرة يوافقو والله خلاص مليت
انس/ان شاءالله حنخطبك ويوافقو هالمرة ونبدو نتلاقو ايمت مانبو وتبدي تكلمي فيا بدون ما تخافي من حد خلاص معش عندي صبر أدعيلي يقبلوني في الشغل هدا
بيان /أن شاءالله ياروحي واني ديما ندعيلك
فجأة سمعت صوت دوشة و ضرب رصاص لبرا
بيان /بخوف...انس نكلمك بعدين مش عارفة شن صاير لبرا
انس/اوكي كلميني وطمننيني بعدين
بيان /ماشيي ً.وسكرت
بيان /طلعت بسرعة..رزان شن صاير
رزان /ماتطلعيش..خاشة بعضها لبرا ماتدخليش
بيان/طلعت بدون لاتسمعلها
الحاج يوسف/تموتو ماني طالع من الحوش والأرض لو كان بنحرق روحي ونحرقها بلي فيها
مقداد/ورب الكعبة ماتطلعو الامانهدها فوق روسكم
كنان/شد السلاح في وجهه
الحاج يوسف /استهدي بلله ياولد مش هكي تنحل
طارق/هييي كيف توجه سلاحك على بوي ياحيوااااان
طاهر عم بيان و رزان /يامقداد نعرفك مش هكي غلط الي ادير فيه
مقداد/ لا مش غلط الأرض ملكي وانا نبيها
كنان/غدوة تطلع انت والشايب هذا وتفضو لحوش ومعش نشوفو خلايقكم والا عيلة كاملة ننهيكم
مقداد/سمعت ولدي شن قالك ياحاج ههه
الحاج يوسف /ولدك طالعلك قليل اصل
كنان /اعرف كيف تدوي مع بوي 😡
طاهر/هدو ياجماعة مش هكي الأمور تنحل
بيان طالعة مع لباب وشافتهم وجت تجري وقفت قدام جدها وعيونها ناار 🔥...هييي انت نزل سلاحك
كان البرا ظلام شوي ومش واضحين الي قدامها غبر السلاح في وجها
كنان/ومنو هاذي تاني من وين طلعت
طارق بو بيان/شن مطلعك بيااان خشي
بيان/تشوف لي كنان وعيونها شرار قلتلك نزززززل سلاااحك من على جددي تووووااااااا
كنان /ابتسم على جنب...ياسلام قوييية بنت جدها
طاهر/بيان خشي شن مطلعك 🤦♀️
بيان /لا مش خاشة جاين نص حوشنا ويهددو
الحاج يوسف /بيان بنتي خشي مادخلكش في هذا كله دوة كبار امشي خشي
بيان/كيف نخش واني نشوف فيهم كيف يهينو فيكم وجايين لنص حوشنا ورافيعين سلاحهم علينا بأي حق
كنان /قوللها ياعصام باي حق
عصام محامي..فتح لملف وفيه هلبا أوراق وبدي يقرأ فيهم......
عصام /ومما يتبت أن الحوش والأرض هاذي ملك لي آل.......... من بعد وفاة خوه وبما أن خوه ماعنداش ولاد يعني ماعنداش وريث فيورثها خوه من بعده وحسب الأوراق الأرض مزالت ضمن الوارث ومن حقهم
الحاج يوسف /لاوراق غلط فغلط المرحوم باعلي الأرض اكيد في أوراق عنده زيد شوف وتأكد
مقداد/ماصارش منه الكلام هذا بكل الأرض لينا ا وانت عيني عينك تبي تسرق لو كان ليك هات الأوراق الي تتبت هالشي
الحاج يوسف /الأوراق مش عندي بس كل شي بعلمك كيف هكي يامقداد كيف تنكر حرام عليك راك بتشتت عيالات
عصام/ياحاج مافيش اي ورقة تتبت ان الارض ليك للاسف لو ماطلعتش حتتضطر الحكومة اطلعكم وتهدم لحوش ولي خوي مقداد الحق في كل شي لو يحب يخليكم مابين لقيتو مكان تسكن فيه أو تطلعو من الليلة
كنان /قام حاجبه تطلعو بكرامتكم وإلا...
بيان /تشوف لجدها....لالا كك كيف اطلعونا من حوشنا وين حنمشو بوي تكلم
طارق/ساكت...
الحاج يوسف /لاحول ولاقوة الا بالله...طول عمري عايش في هالحوش عمره ماحد وصل فينا ولا ضرينا حد...
طاهر/طول عمرنا الأرض لينا والناس كلها تعرف هالشي من وين طلعت توا ليكم
عصام/لاوراق هيا يلي تتبت ياخوي طاهر والاوراق من ضمن أملاك عيلة ال.......
مقداد/🤨اسمع قدامك تلات ايام ياتطلعو من لحوش يالينا كلام تاني...هيا يا كنان وطلعو
طارق قعمز ع الوطا...شن لحل توا
الحاج يوسف /لف جرده...الي بيصير يصير طلوع من الحوش مش طالع الا في ثابوت بعد هالعمر بيجو ويطلعون من أرضي يحلمو
بيان /بعيد الشر عليك عمرك طويل ياغالي
الحاج يوسف /سلم بنتي خشي حطيلنا لعشي وماتفكروش فيهم أن شاءالله ربي يحلها بي إذن الله
بيان /بس منو هادم ياجدي اول مرة نشوفهم
طارق/بيان خشي ومعش تطلعي مرة تانية وتدخل في أمور لكبار
الحاج يوسف /تو نحكيلكم كل شي توا خشي لداخل صقع انا وبوك وعمك بنقولو كلمتين
بيان /حاضر....خشيت حظرت لعشي اني ورزان وقلبي ناغزني مش مطمنة للي صار ليوم وخايفة شن حيصير بعدين
روح عمي وبوي وجدي خشو
طبعا هوا حوش كبيير الي ساكنين فيه بس قاسمينه عمي وعيلته نص واحني ساكنين في النص التاني مع بابا وجدي ❤️وحوالي الحوش سور كبييير ومعشب ورد وشجر كله زرعناه اني و رزان ونور بنت عمي عايلتنا حلوة هلبا ومترابطة مع بعضها ❤️
نكملو
بيان/تعشينا وطول لوقت جدي وبوي ساكتين قررت نكسر حاجز الصمت هذا ونتكلم
بيان /بوي
طارق /نعم
بيان/منو هادم الرجاله وعلاش حياخدو منا الحوش
رزان/فمها معبي...ااه ياخدو حوشنا
طارق/مافي حد حياخده ماتخافوش
بيان /كيف ماتخافوش والولد كان ساحب سلاحه على جدي
طارق /ماتدخلوش في أمور زي هاذي..وناض من على السفرة
بيان ورزان شبحو لبعضهم بخوف...
الحاج يوسف/لحق طارق وطلعو لبرا يحكو ومايبيش لبنات يسمعو هم
بيان/ربي يستر مش مطمنة بكل للموضوع
رزان /ماصار شي معش تخافي وخلينا نكملو عشانا
بيان/هذا شن هامك انتي بطنك بس 😂
رزان /البطن أهم من الوطن 😂
