💙فاطمةالطاهر 💙
كنان شادها بقوة ويعيط عليها وهيا شادة روحها بلسيف..اخر شي طفح الكيل وتكلمت
بيان/خلاص كافي كااافي
كنان/😳
بيان/كل مرة نفس الشي اي كل شي صار بسببي بسببي وكل المصايب من تحت راسي واني ماننفعش وانت تزوجتني وسترت عليا بارك الله فيك ع المعروف هذا ارتحت توا
كنان/😳
بيان/بس لا ايمتا حتقعدو تعايروني بي هالشي اااه
كنان/يحاول يبعد عيونه من على جسمها الي نصه عريان
بيان/عار عار يزي خلاص..اي عار الي قاعد تحكي عليه انت اني حبيت من قلبي ومشيت بنيتي ياعمي حتى انت تحب وتكلم خيرني ماحاسبتكش ولا لأنك رااجل
كنان/يسمع وساكت ومصدوم في ردت فعلها 😳
بيان/أو جاي تحاسبني على الصور الي شفتهم اني لو بعتت هالصور بي ايدي كنت واجهت و تكلمت مش خايفة من حد ومافيش حد مايغلطش بس اني متأكدة اني ماغلطش ولاعمري درت شي يواطي راس عيلتي وربي عالم بهالشي وهذا يكفيني أما أنت وغيرك فكرو فيا كيف ماتبو مايهمنيش
كنان/ حس انه غلط شوي في لكلام معاها
بيان/اي شي نتحمله عادي الا ان يتهمني حد بشي مادرتاش وني مش عارفة على شنو تتكلم توا بس الي نعرفه اني ماقلت شي لي اختك يزعجها اوكي لا أدخلت في حياتك ولا نبي ندخل اصلا ونحي يدك من عليا معش تلمسني
كنان/نزل يده من عليها أما عيونه مزالو في عيونها
بيان/دموعها ينزلو... عدلت لبست طرف الروب الفوقي بسرعة ....عمره حد سئلني شن نبي شنو نحس شن نحب شن مانحبش كلكم تجو تعيطو بيان بيان اي شي سيئ يصير تحملوني مسؤوليته تحكمو عليا وتقررو عني بدون لاتهتمو لمشاعري حتى وبيااان شنو ماتحسش تحسابوها
كنان /مصدوم في قوتها لأنها طول الوقت هادية وساكتة بس شكله البركان تفجر في ليلة ..
بيان/يكفي اني كنت متحملة كل شي على راسي يكفي اني يتيمة الأم رغم أنها عايشة محرومة من حب الأم وحنانها هالشعور وحده يقتل مش غلطي اني حبيت بس الغلط أن الشخص الي حبيته طلع مايستاهلش لوكنت جربت حب الأم ماكنتش جريت ورا حب تاني بش نعوض روحي 💔
كنان/مش قادر يقول ولا حرف لان كل كلامها صح 💔
بيان/تبعد في شعرها من وجها وتمسح في دموعها وتشهق بقوة... اطلع لو سمحت نبي نرقد وبدون ماتعطيه اي اهتمام مشت السرير تغطت ورقدت
كنان/قعد واقف لحظات وبعدين طلع وسكر الباب
________تسريع في الاحداث_______
من بعد هديك الليلة 👆كنان معش ضايق بيان بلكلام وعصب عليها بس مزال يتجاهل فيها و يعامل فيها زي قبل رسميات وبس ومش عاطيها اي اهتمام اوحاول يقرب منها ويفهمها بكل 💔
وهيا ومعش اهتمت بولا شي غير نفسها وزي ما كنان مش معتبرها حتى هيا بدت كذالك التعامل بلمتل 👌
_______
كنان/بيان
بيان/تغسل في لمواعين..قلبها وقف اول ما نداها بي اسمها..تلفتت..
كنان/حطي الي في ايدك نبيك شوي
بيان/نشفت يديها ولحقاته ع الصالون
كنان/مدلها تلفون جديد ءء هذا خديته ليك ركبتلك فيه شفرة تبي تكلمي اختك ولا حد و انا مرات نبدأ مش موجود فتحتلك فيه النت تكسدي حتى عليه وحتى لما نطلع أو تبي شي كلميني
بيان/شكرا كنان لأنك فكرت فيا
كنان/ابتسم..مادرت شي انا
بيان/ربي يخليك
كنان/يلا انا ماشي للصالة عندي تمارين
بيان/كنان قبل لا تمشي بنقولك
كنان/نعم
بيان/ءء نبي نمشي لأهلي ترفعني غدوة
كنان/باهي أن شاءالله الصبح نرفعك
بيان/ابتسمت وخشت كملت شن في ايدها
وكنان طلع
_________
