احببته ولكنه بعيد النصيب اقوى من الحبيب

احببته ولكنه بعيد والنصيب اقوى من الحبيب💔💔

الحلقه(2)احببته ولكنه بعيد💔💔
الكاتبه:بنت العنقاء❤❤

جي وقت مرواحة الناس وعيلة مهاب روحوا كلهم
وبدت الزحمه تخف وقعدوا خلات الين وبناتهم وغيداء وخطيبة خالها ريان
ريان:ربي يهنيك حبيبتي وان شاء الله بالذريه الصالحه
الين:تهز في راسها بحزن سلمك ريونه والفال ليك انتي وخالي
ريان:ان شاء الله يارب
رغد :لينو هي عاد تعالو نفتحوا الخير اللي جابهولك مهاب 😊😊ونص البضاعه ليا راه😍😍
الكل:ههههه
الين: ميغلا عليك شي كلا ليك
ميسون:تقسم في الحلويات لخواتها وبنات اختها
من كل حاجه جابها مهاب
رغد:😗امواااه لي الين بكلاوه عسل
الين:مهبوله والله عالماكله تبيعي حوايجك
رغد:البطن قبل الوطن قال الله اويس🤣🤣
غيداء:ههه دمك عسل رغوده
رغد:😁😁عارفا اي
غيداء :🤣🤣🤣-هي باي ليونا بابا يتصل بروح
رغد:مزال خيركم
غيداء:هوا هكا بنروح
الين:باي ياعمري 😍😍
غيداء:كلمني مسنجر لينو
الين:ان شاء الله
وصلت ميسون غيداء ومشت هيا وخواتها للكوجينه يرتبوا في البضاعه
بيسان:طالعه طرف غزاله تهبلي اليوم😍😍
الوقت كلا عايش معانا ابوعجيله في حوش خوالي
الين:خزي عليك قبل مش حلوه اني 😭
ريان:لالا حلوه وعسل تقطري-بشوي الا ليونتي
بيسان:وانتي شن حرك شعيرك توا اعوذ بالله منك
ياكبدي دحناسا هذا كلا على خاطر خالي باش الين
تفسخ خطوبه
الين:بيسان احترمي نفسك منين تجيبي فيه كلام اهوا بعدين اني شن دخلي اني في ريان وخالي ندخل بينهم هاذي خصوصياتهم
ريان:خيرك معاي يابيسان اني شن درتلك توا خيرك هك تعاملي فيا
__________________

خوله :بنت سميه مطول لسانها هذا شن
ميسون :الله غالب حتى امها مش مسقمتها لسانها طويل
ايمان:تبي جلد بالعصى تو نوريها
خوله:تبي تحريشه في معتصم خوها
ميسون:واعر ياكبدي مرات يشد يقتلها
ايمان:هيا مدايرا راسها من راس ريان تقول ضرتها
خوله:اي حاله هذا شن
ميسون:ربي يهديها سميه والله حرجت منها معقوله دجيش تباركلي على بنيتي حتى5د هذا كلا حزن على سلفها (طبعا متوفي ليه 3اسابيع)
خوله:ربي يهديها ويصلح امرها
ايمان:محمد جابلي500د وقالي اعطيهم لالين
بكري جي تحشم يخشلها
ميسون:ربي يهديه لاه عليه هوا في باب بني وحوش
خوله:خوي اللي في ايدا مش ليه
ايمان:اي مشاء الله

__________________________

بيسان :فكيني منك لفعه من تحت التبن مبسل دمك
سرور:😡خلاص ضمي فمك شن دخلك فيها
بيسان:انا سكتنا وتو تشوفو منها خير العيله هيا
سرور:سبحان الله
رغد:خلاص هي اسكتووو😡😡
ريان :ربي يهديك يابيسان /هي باي ليونا بابا جي
بيسان:تكلمي باه مدايره روحك جو سلو كان مش من عيونك خالي ميقبل وجها تلاك اصلا
ميسون كيف خشت مع خواتها::بيسان خلاص هذا شن اسكتي
بيسان:باه😤
ريان:هي سلام ياعيله
الين:ماما اطلعي وصلي ريان لا الباب
ميسون:هي ريان تعالي
ريان :ربي يهنيها بنيتك فرحتلها
ميسون :سلمك ريونا
ريان:العفو حبيبتي
ميسون:سامحيني بنيتي بيسان طولت لسانها عليك
ريان:الله غالب معليشي
ميسون:اي الله غالب تو نكلم امها
ريان : لالا عادي مش لازم تكبروها
ميسون:بنية طيوبه مشاءالله
ريان:😊سلمك ياعمتي
ميسون:هذا بوك متع الكيا
ريان:اي هي تصبحي على خير
ميسون:انتي من اهلو قدامك كل خير
ريان كيف طلعت تلاقت هيا واوس
اويس:اهلا اهلا بمرت خالو
ريان:تحشمت واطت راسها اهلين بيك
اويس:فكينا من الحشم عاد شن جوك
ريان:هههه تمام وانتا
اويس :تمام بوك يستنى على ماضن نعطلش عليك
خالو يغار بعدين
ريان:هههه دم خفيف
ميسون:هي تعال نوتيلك صفرتك
اويس:خالي كلب طرف زح خطيبتا
ميسون :شن قلت
اويس :لالا شي ياغاليا
ميسون:هي خش تعالى
اويس :من في الداخل روحو جمهور ذافويس كدز
ميسون:خش وصكر فمك من خفت الدم في خلاتك وبناتهم
اويس:هما عاد الطرف واخته وهما مشعرات تقول فصيلة قروده استغفر الله عليا العضيم
ميسون:الصبر يارب اكثر من الصبر مانبي شي
اويس :تبيش بابي الغالي
ميسون:😩😩الصبر
اويس:هي نمشي للقروده توا
ميسون:بارا تو نلحقلك صفرة عشاك
//////////______________/////////