#انتحا_طفلة 6🙂
وباش تطلعلكم الحلقه طول ديرو لايك لصفحه يلي انزل منها وتفاعلو متخلونيش ننتحر مش نعتزل بس
سراج:ماسك جنبه يتألم ومنار حطت يديها علي وجهت تبكي
سراج:وقف بصعوبه مكان الاصابه توجع فيه ومسكها من رقبتها...لللللليش تبي تهربي وانتي عارفه ان رح ترجعي لي بوك في النهايه وين تبي تمشي تكلممممممممي
منار:منبيش نرجع لي بوي😭
سراج:قعمز علي الكرسي ...نعم؟
منار:اي منبيش نرجعله انت مش فاهم شي ومش رح تفهم خليني نطلع من هنايا بالله عليك 😭
سراج:سيبها وخش الحمام لان الجرح كان ينزف💔
منار:قعمزت تبكى وهيا تحاول تبين انها قويه 💔
__________________
هناء:طول الليل تفكر في كلام هشام علي سراج ..هل ممكن يكون صح وغريزة سراج تغلب اخلاقه وشخصيته؟قاطعها تالفونها يشرين
هناء:بي استغراب...الو؟
اوس:مساء الفل يا زميله
هناء:بصوت واطي...اهلين
اوس:اليوم مناربه انا نبي نسألك علي مفاتيح الخزنه وين
هناء:في الدرج متع سراج تلقاه
اوس:اممم به تمام ..اليوم عبيتلكم النضاره 4حالة سكر والباقي تعدي علي العداله
هناء:تعدي شنو؟
اوس:يشبحولي في شبحات اخي تعدو عليا يعني
هناء:🤦🏻♀️🤦🏻♀️🤦🏻♀️
اوس:فتح الدرج متع سراج وهوا قاعد ع الخط..هناء بنسألك
هناء:شنو
اوس:شن قصة الاصابه يلي عند سراج حتى الدرج متاعه معبي قطن فيه دم !!
هناء:علمي علمك والله محكاليش قاعد
اوس:امم
هناء:يالله خليني نرقد توا
اوس:تصبحى علي خير وشكرا
هناء:العفو ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:واقفه ع الباب تشوف في سراج كيف يعالج في الجرح متعه ...أذيتك صح؟😥
سراج:اقلبي وجهك من قدامي احسن ما نقتلك
منار:😥اسفه لاك.....
سراج:اقللللللبي وجهك منار
منار:كانت اول مره تسمع اسمها منه ❤️
سراج:كمل ولبس التيشرت متعه
منار:به ممكن تسمعنى؟
سراج:مش ممكن غضوا المهزله هاذي تكمل منبيش نسمع منك شي وإلا ودين محمد نفسدلك وجهك
منار:سكتت ورجعت لغرفة النوم وهيا نادمه كيف تعمدت تضربه علي الجرح!!...صح هوا مد يده لاكن مش زيها هيا خلت الجرح متعه ينزف وهوا كان ردة فعل عشان تهدا 💔
سراج:طول الليل ياخذ في مسكنات ويدخن ومنار مرقدتش تفكر بعد يلي دراته شنو ممكن يدير فيها تاني يوم ؟
___________________
ثاني يوم ⛅️
ناصر:صباح الخير 😊
هناء:صباح الورد عندك ضيف يستنى فيك داخل
ناصر:خذي قهوته...ع منو تحكي ؟
هناء:تقلب في الملفات يلي في يدها...منعرفش بس واضح عليها مدام
ناصر:تمام ..اء شن بنقولك قبل ما ننسى خبريهم ان اليوم فيه اجتماع ولازم الكل يحضر
هناء:بخصوص شنو؟
ناصر:منعرفش سراج امس كلمني ومنسق هوا واللواء
هناء:تمام حاضر
ناصر:سيبها وخش لي مكتبه وهوا لاهي في جاكيته يساوي فيه لين قام عيونه وشافها ❤️نفس البنت يلي خذت عقله من اول يوم شافها فيه نفس العيون يلي كل ما يذكرهم يتلخبط ويتوتر
غزلان:اهلين سيادة الضابط
ناصر:اهلين بيك تفضلي
غزلان:قعمزت
ناصر:اءء يا ..شنو قلتي اسمك؟
اسمي غزلان
ناصر:ياغزلان ..طبعا حكيت مع محاميه وفهمتها وضعك تمام؟طلبت تشوفك تحكي معاك وتاخذ منك الادله بلي حكيتي عليهم عشان تحاول اطلقك من اول جلسه
غزلان:هزت براسها....اي تمام
ناصر:اءء اوكي خليك مستريحه هنايا لين تجي لان حضرتك جيتي بكري شويه
غزلان:ارتبكت...اسفه سامحني مش قصدي لاكن خفت الموعد يفوت و.....
ناصر:لالالا عادي ولا يهمك بلعكس خوذي راحتك
المكتب مكتبك
غزلان:ابتسمتله...صحيت بجد❤️
ناصر:حس بي جسمه سخن مره وحده وبعدين برد...ولا يهمك😅
