روايـة وهــام المَـجون
الكاتبة زينب المياحيةة
الـبارت الـثالـث
گلت تهوّن ما هانَت
يَربي شلون نگضيها
أضمهَن بالگلَب كلهَن
بَس نظراتَي تحچيهَا!
°
°
بقيت واكفـة يم السياج وعيني تتجول بـ سطحهم عيوني دمعت مشتاقتلـة
اتذكرت اول مره التقينا بالسطح
من شفته يباوعلي وضليت اخزر بيي جنت بعدني توني رايحـه متوسطـة وملتزمـه بالحجاب وهوه شافني بدون حجاب ضليت اخزر بي وعفت الملابس بالسطح ونزلت اخذت شال وصعدت لكيته بَـعده ع وكفته وعيونـه عليـه
رضـا : بَـعد شفت شعرج الـمن لبستي حجاب
خزرتـه ومارديت عليه ابد، ومرت الأيام هوه كلما اشر ملابس اشوفة كبالي
ويوم من هذا الأيام قدملي نستلـة انـه ماكلت لا تقربت ع السياج ( الحايط) مالتهم واخذتها مـنه
وصار كلـما اصعد ينطيني حلويات تعودت عليـه وفرحت بسـالفـه الحلويات
هوه ٢٤ ساعـه فـوك لان يطير حـمـام
فَـ بـأي وقت اصعد اشر ملابس أشوفه يوم بَـعد يوم ضليت اتعود عليه بدت المدرسه بقـه يسألني عن الدراسـه ومن نجحت جابلي هديـة عـلبـه جُـكليت حتى بقت يـمه كُـلما اصعد ينطيني منهاا،
سولفلي عن اهلـه رغم اعرفهم بس هوه تعمق اكثر لان معرفتي بيهم سطحيـه وانـه متونسـه ع سوالفـه
صرت أعرف شخصيـته وطبـعه واهله والأشياء الي يحبها و الي يكرهاا بـعدها صرت اسولفلـه عـن أهلي وعمامي
وصارت علاقتنـه قويه بـ الثاني متوسط بـ عطلـة نص السنـه اعترفلي انو هوه يحبني
رحبت بالفكره وقوت العلاقـه وبدون مااعترفله عرف مبادلته المشاعر
وكَـلـ مره يريد يجي يخطبني بس انـه مااقبل لان ابوي ماينطي البنيه صغيره...
فزيت ع صوت بزونـه
كـبل نزلت خاف احد ينتبه على غيابيي
شفت فَـطُـم ويَـقين يتعاركـن ع الريمونت عفتهن ورحت للغرفـه فتحت الكنتور وطلعت المحبس مالت بيبيت رضـا
لبستـه وضليت اتلمسه بأيدي شَـكـد حـلــو
_هـذا مالـمنن!!!
°
°
°
كاتمه انفاسيي وكاعده بداخل بوفـية بيبي واسمع اصواتهم تصيحح بأسمي
أسمع بيبي تكلهمم مااجت لـهنا تكسحوو
شويـه وصوتهم اختفـه اتنفست براحـه خفت افتح الباب رغم أحس تكسرت واختنكت من المكان بس خاف وحده من زوجات عمامي باقيه يم بيبي
بقيت بحدود الـ ساعة ونص وانفتح باب البوفيـه
ام جبران : طركعج ان شاء الله وطركع سوالفج يمصخمـه اطلعيي نامي جوه الجربايه احسن بَـعد مايجون هناا
