هلاوو طبعا اشكر هل بنيتين اللطيفتين هههه
عل تفاعلهم الحلو وطبعا نورت القصه بوجود كاتبتنه الجميله اديان 💙
ADEAN_aliو هاي لبنيه اللطيفه AliAli429589
💙💋
....
نبدي
.....
مينا.. ضليت كاعده عل اعصابي ولمن كلت تريدون كرار لان عدكم عوانس علي وكرار كام يضحكون اني حيل ضجت اضوج من اني احجي وشخص يضحك باوعتلهم صفح وكملت كلامني نوب نط ابن عمي وترزل من عمي الله يچرم ..
عمي .. تجون ويانه غصبااا عليكم
مينا كمت وكفت عل حيلي وبينت ملامح الاستغراب عل وجهي.. اكلك شنو بكيفك تره احنه مو زعاطيط كدامك واني هسه مستعده اتبره منك اووو منكم
عمي.. شنو هل حجي ست مينا احنه عمامج وهسه هاذ ابن عمج مستعد ينهي عليج
مينا.. هههههه وين شخصيته اشو عبالك جاهل كاعد كلساع تلطمه عل حلكه
عمي.. بس تره عمره 22سنه لعلمج
مينا.. عمووو تفضل بره لا اعرفك ولا تعرفني يلا وليسئلك هاهيه مينا وكرار ميتين زين لو لا
عمي.. هاي تالي عمري بنت اخويه تطردني
مينا .. ونته وييين معترف بابويه هسه من صارت ماديات وفلوس جيت زحف مو ركض اطلع بره
علي.. عمو هاهي لا كرار ولامينا يردوكم
كرار.. اي نعم منربيدكم
ابن عم مينا.. هيي احجو عدل ويه ابويه تره اكبر منكم
مينا كمت احىرك بايدي وجتفي.. هيي هيي ذب لعلج من حلكك واحجي عدل كبور تلفك انشالله انته رجال لو رجرجه ناقصك وصله وتركص اهناااا امشييي لك عندي رجوله اكثر منك بره بسرعه انته وابوك الطماع
علي.. بس اعصابج مينا وروحي يم نبأ هسه يروحون
كرار.. اي حبيبي دخلي جوه كافي
مينا.. هاي كعدتي هناااا لو يطلعون بره ولو البيت مو بيت ابويه بس اطلع بره د
علي.. لا انتي من اهل البيت وحقج اكيد
عمي.. ليش بنتي احنه. نحبج
مينا.. اطلع بكرامتك عاد داكلك انته لاعمي ولا اعرفك شنو هل كرامه تره كرامتك نمحت بلكع كااافي
كرار.. كافي لهيج تحركين بدمج يالا تعالي جوه
علي.. تفضلو بره عمو هاهيه شتريد تسوي سوي ميجون وياك
عمي.. لا يجون غصبا عليهم تصرف حيدر
حيدر.. صار
جرني قوي وجتفني وخله ضهري عل صدره وعمي وكف كدامي وعلي وكرار نصدموو
علي.. عوفها لا اشك حلكك
كرار بصياح.. عوف مينا لا وحق الله امسح الكاع بيك
عمي .. مجيتو بلعين واغاتي الا هيج روح اخذها للسياره
مينا.. لك عوفني مخنثثث
حيدر.. هه عبالج صدددك مخنث ولج تمثيل منو ليخابرج وتحضري ها نسيتي ست مينا
علي.. ولك تهددها كدامي الله يطيحضك هدها واجه ركض
عمي وكف كباله ودفعه
حيدر .. شوف هاذ المسدس افرغه براسها فعوفنه نطلع
علي.. لك انته هسسسه ببيت عسكري وحق القرأن اعفنك بسجن
حيدر.. هههههه شسوي سوي اخذها لمينا اخذها يلا يابه
علي.. لو تدخ راسك بلحايط متاخذها
مينا.. كبر لفككككك انشاللله كبرررررررررررر كمت اصيح نبأ نبأاااااااااا جتي نبأ تركض فتحت لباب قوي نركع راس حيدر بلباب هدني وضربته دفره وبوكس بوجهه وعمي جتفه علي وكرار ركض عل حيدر واني ويا جتفنا
نبأ.. هاااي شكوووو عزززاااا
علي.. ماكو شي ماكو شي بس جيبي تلفوني وطلعيلي رقم النقيب احمد
نبأ.. وين تلفووونك
علي بصياح... ولجج فووووك اركضييي
نبا.. اي اي بس لصيييح
راحت نبا جابت لفون وجتي ركض خابرت عل نقيب ونطته لعلي
علي.. الو نقيب احمد
نقيب احمد.. اهلا ملازم علي شونك
علي.. والله بخير سيدي بس دزلي دوريات للبيت عل سريع
نقيب احمد.. ياستار صاير شي
علي .. لا شغله عائليه بس ليتاخرون فدوه
نقيب احمد.. صار هسه ربع ساعه همه يمك
علي. ماشي سيدي
مينا.. تففف عل وجهك شجابك هنا
حيدر.. والله الا اندمج ياكلبه
علي بصيحه هزت لهول.. ولكككك احترم نفسك لا اجفص ببطنك
العم.. يابه عوفنه وعد بعد منتقربلكم
علي.. هههههههههععععع وتريد اعوفكم هيج لا وحق الخلقك لا اسويها محاكم
العم.. يابويه دلطف بينه
مينا. ولك ملطفت بينا لمن ماتو اهلي وجيت ولك باجر دفنتهم ماتو اربعه من عائلتي وجاي تبيع محنه براسي اسكت لا افرغ كل السلبيه بيك انته وهاذ المخنث
حيدر. هاذ لمخنث لميعجبج حيطيحضح
مينا.. هه وتريد اخاف منك باوعت عل علي وغمزتله . ولك اني بضهري عسكر مو عسكري
دريالك مني تره لطخ راسك براسي تره اشبعك نعل
حيدر.. ماشي الله مريم يصير خير
علي.. نبأ جيبلي قندره
نبأ. عزا ليش شرح تسوي
علي. خل اخليها بحلك هاذ ال د**
نبأ.. صلي عل نبي هسه يجون وهمه يتصرفون
علي.. ماشي
وره شويه جتي دوريتين ونزلو منها ضباط ثنين وشرطه اربعه دخلو للاستقبال انصدمو نبأ طفرت للغرفه واني ركبي خالتها عل ضهر حيدر وايدي عل ركبته وكرار كاعد عل رجله وعلي مجتف عمي وباطحه بلكع دخل الضابط شال سلاح بوجهه عمي حته يكعد وسلم عليهم علي وبده يحجي .
علي. شوف سيدي انته انته تعرف شنو وضعي مو
نقيب.. اي علي اعرف
علي.. كرار ومينا خليتهم يمي لان عمامهم وخوالهم ميعرفوهم انته تدري وكتلك
نقيب.. اي شصار بعد وهل شي ومنو هذول
علي.. اجوي عمها وابن عمها اليوم ودخلتهم طلبو من عندي كرار ومينا اني طبعا معارضت لان هل شي ميخصني هوه عمها بعد صح وتعرف انته لبنيه واعيه ولولد هم واعي مو تكول صغار عمرهم ١٢لو١١ لمهم استشاريت الولد ولبنيه ومقبلو لان همه من جانو صغار عدهم مشاكل وياهم علمود ورث وهسه عمها وابن عمها طمعو بيهم علمود الورث وعدهم اربع بسوت وابوها مهندس وامها موضفه اامهم لبنيه مقبلت وكامو يهددون عينك عينك ولزم مينا حاول ان يخطفها لاكن مينا بذكائها دارت عليه وجتفته زين هيه وكرار وانته بعد شتسوي سوي وتعرف شنو تسوي مووو
نقيب. والله يااابني هوه جاي عل بيت ضابط ملازم ويهدد ويحاول يخطف ويطلع وجبر بلموضوع ميصير وهاي عليها حكم زين لو لا
عمي.. يابويه دعطفو علينه
نقيب.. مسئلت نفسك شرح يصير لمن تجي وتهدد
علي.. سيدي وين متاخذهم اخذهم تسجنهم تحكمهم وصل خبر لاخوانهم واهلهم وهايه واسجنهم
نقيب.. ماشي ولا يهمك الشغله عليه بعد
علي. والله متقصر سيدي اعرفك ابو وكفات
نقيب.. حبيبي ... يلا اخذوهم ثنينهم كلبجوهم واخذوهم
الشرطي.. ماشي سيدي
اخذوهم باوعت عليهم صحت قوي
مينا.. بس دققيييقه اوكفووو
علي.. شكو
كرار.. ويننن مينا
مينا بس تعال حيدر ابقه لازمه لزمت وجهه بايد وحده وحجيت بهمس
مينا.. انته اكبر مخنث شفته بحياتي يامطي يلا ولي جزاتك السجن يامخنثث ودفعت راسه قوي هوه يباوعلي بحقد عبالك كاتله ابو
علي. شنو تخبلتي
كرار.. ميصير مينا هيج سوين
مينا. مسويت شي غلط اوكي
اخذوهم واني واكفه بلياب ومجتفه ايدي واهز برجلي حركو السيارات واني بعدني واكفه
علي.. مينااااا يلا طبي جوووه
مينا... الله يكرف هيج عمام ادبسزيه وطماعين
كرار .. دنجبي وتعالي خل نسولف هناك
دخلنه للهول وجتي نبأ تصنف علينه
نبأ.. اكلكم عبالك فلم امريكي لمن فتحت الباب ونركع هاذ ااطنطل وكرار ومينا كمز جتفو والله فزيت ضليت فاكه حلكي عبالك عدنه سجن بلبيت علي مجتف رجال ومينا وكرار عل واحد
كرار.. لعد شنسوي هههههه نبوسهم يعني عل تهديداتهم
علي.. بس وحق الله متت ضحك عل مينا لمن كلتله لعمها بناتكم عوانس وجكمات المي طلع تزحلك منت خشمي
مينا.. استغفرالله يعني اني جنت احجي بجديه انتو تضحكوون شكوووو
علي.. والله متحملت نوب طريقه كلامج لمن كلتيها تموت ضحك وهاي لو نبأ هنا جان فضحتنا فضيحه الله
نبأ.. ليش بالله
علي.. مو انتي سخيفه عل كلشي ضحكين
نبأ. هلو هلوووووو شنو هاي لتحجي عليه ولاك
كرار.. تره مينا مو هسه قويه من زمان هيه هيج كون احجيلك عل مصايبها
علي.. عليك الللله احجي
نبأ.. اي اي احجي حباب حباب
مينا.. كرار تنجب وتسكت احسسسسن
نبأ.. لا حبابه حبيبتي احبج احبج
علي.. ههههههه هههههههه شنو تخافين ليطلع جبار لبداخلج
مينا.. استغفرالله
كرار.. يلا يلاااا خل احجي
مينا.. لا اني احجي سالفه وانتاه سالفتين
علي.. يلا اوكي
مينا.. ماشي .. مره جنت رايحه للمدرسه اني وسما اختي لصغيرونه ثنينه نفس لمدرسه فوصلنه وره المدرسه مو كدامها لمهم الجيش زواحف دخلت من يمهم ضلو يلحون بلحجي ويحلوه ويكيمر اني مشيت السالفه كت جفيان شر وصلنه بباب المدرسه لحارش ضل يذب حجي اني طفرت روح روحي مو بس روحي نداريت عليه كتله انعل ابو لخلاكم بلجيش عل اقل خلي احترام لبدلتك العسكريه امده هيج دوله حاميها حراميها عاد هوه راح اشتكه للاداره فوك ماهوه غلطان يذبها براسي دزو عليه الاداره اول درس لان يعرفوني عاد دخلت للاداره بكل غرور ورافعه خشمي واحجي وياهم من وره خشمي اجتي اامديره كلتلي ليش تهينين الحارس مال مدرسه وجان واكف يمها هوه كتلها نعم ستتتت اني اهينه والله لو هوه يحترم نفسه اني مااهينه بس هوه ممخلي احترام لنفسه هوه لو ثكيل الكل يحترمه بس خفيف ست مو ذبين اللوم عليه وتعرفين اني منو بت منو مو صح كلتلي اي صح بس شنو ليثبت انو انتي مهاينته كتلها ست اختي صف ثالث جانت واكفه يمي كلتلي صيحيها رحت ركض صحتها وجيت عاد اختي حجتلها من طئطئ للسلام عليكم اامديره رزلته كدامته وكلتله اذا مره ثانيه تعيدها تنفصل من دوامك عاد هوه ضل يباوععلي اني كلتلي روحي نداريت ومشيت بفخر وبنصررر اوفيييش هههههه
علي.. بس والله كويه
كرار.. اي مو اكلك حته بوكتها استدعو بابا يمكن
مينا.. لا هاي بذيج السالفه مال بنيه بت البرلماني
علي.. منو بنت البرلماني هاذ عزا
مينا.. بنت *****.******
علي.. لا بربج وياكم جانت
مينا.. اييي وياانه ومعغرروه ولكل يخاف منها ومحد يخلي راسها براسها الا اني كل يوم اتعارك وياها
علي.. عود ليش
مينا.. مو لان بنت حزب
كرار.. مره صارت مشكله للضالين
علي.. ليش خررب
علي.. اشو نبأ ساكته
نبأ.. وتاالله صافنه عل خبال مينا
علي.. ههههههه بله سولفولنه عل مال بنت الحزب
مينا.. كرار اني لو انته
كرار.. احجي انتي
مينا.. ماشي
مره جان عدنا نهايه اسبوع يعني محد يداوم وجنه كاعدات اني ولبنات شلتنه بلكع يم الحصو فهيه دخلت من يمنا صحت بصوت عالي اجتي بنت النبي وج** البنات كلهن طكن من لضحك جتي ليمي هيه كلتلي اول شي ابويه اشرف من شرف وابويه احسن من ابوجن اني رديتلها كتلها والله يابت الله احنه عل اقل ابويه يجيب الفلوس بلحلال الحمدالله مهندس وعل كد حاله خو ما مثلكم يبوك نص الشعب وميشبع هاي شبيجح نتي بابا ولي مني وجهج يطرد العافيه مو اانعمه ولي مو صار عندي جالي كلتلي شون تندكين بيه الا اكل للمديره كتلها روحي لج سبع حصوات وراج يبت الله يلا يلا يلااااا عاد هيه تخبلت خبال راحت للاداره خامس درس دزو عليه الاداره نزلت يم الباحثه الاجتماعبه كلتلي ولج مينا شبيج شاده وبيه بنت فلان كتلها ست تقبلين تكول ابويه احسن من ابوجن كلتلي لا كتلها ست منو لعايل اني لو هيه كلتلي طبعا هيه كلتلي اي بس انتي جيبي اهلج جفيان شر عنها كتلها ليش ست تخافون منها ماشي اني باجر اجيب اعلي ولا يهمج عيوني انتي كلتلي يمه من لسانج روحي صعدي يلا لدرسج جنه دنمتحن امتحانات شفويه اني صعدت دخلت من صفها مفتوح لاباب شوي رجعت ليوره وغمزتلها وطلعت لساني ومشيت هيه احسها شبت نار ونطفت بيها متت ضحك رجعت للصضف متحنت والاحد اجوي اهلي عادي امي كلتلي بعد لتندكين كلشي يسوون يجوز يخطفوج هههههههه بس والله عفتها لخاطر امي مو لشي اني مخايفه منها اصلا ..
علي.. خرب يومج هاي سالفتبن وهيج مسويه لعد لو يكمل كرار
كرار.. خليني ساكت هاي نبذه عنها ههههههه
نبأ.. طلعتي مخبله ومتتحملين شي
مينا.. هههههههه اي شسوي ياعينبي اركصلهااا اذا هيه متنطاق
علي.. هههههههه دكومو نامو يله باجر ورانه طلعه
مينا .. ماشي يلا كوم كرار لغرفتك ونبأ ويايه وانته ياسيدي هم روح نام
علي.. ام لسان هسه ارزح انام ههههه يلا تصبحون عل خير
مينا.. وانت من اهلو
كرار.. تصبحون عل خير
نبأ.د وانت من اهلو
رحنه صعدنه كل وتحد لمكانه جتي نبأ يمي ونمنه ثنينه كعدنه الصبح ساعه 7 كلنه دنطلع للدفنه اني مقهوره داخليا طبعا ميته قهر مو بس مقهوره بس مداابين اووف ياربي اوف طلعوه اني وعلي وكرار ونبأ وام علي للدفنه واخذنه جثثهم وخلوها بتابوت عبالك خلو روحي بتابوت وطلعنه بسياره علي كلنه اني وكرار ونبأ كاعدين ليوره وام علي يم علي بلصدر اني كاعده بين كرار وبين نبأ وروحي مسلوبه احسها رايحه لمهم تزابيت كدامنه واني دموعي تنزل بهدوء نتبه عليه علي بلمرايه خزرني قوي اني مسحت دموعي عل سريع ودرت وجهي عل كرار ديباوع عل توابيت وعيونه غركانه بس مديبجي اوف ربي حضنته خليت ايدي عل بطنه وكمت ابجي ضميت راسبي بصدره وهوه حاضنني وكمت ابجي بشويه صوت يعني بين شهكتبي وصوتي طبعا ام علي تبجي ويايه ونبأ هم تبجي ويايه وكرارر حاضنني ويبجي وعلي بس يريدنه نسكت منكدر المهم وصلنه للمكبره عساني اني ولاهمه اخخ ياربييييييييي عاد نزلنه اني كعدت عل تراب عل ركبي وواكفين بصفي بدو يدفنون واني روحي شايطه بس ابجي كعد كرار يمي ويبجي ونبأ حاضنتني ...
.............
2000كلمه....
تابع..............
