الكاتبه:سفيرة( افنان فرج الفقية)
رواية: "اخرجتني من الظلمه"
الحلقة7
ريان:وفجاءة سمعت صوت
رضوان( اخ ركان):هلا من السمحه هذي
ريان:اهلين🤭
ركان:قام حجبه وشاف نظره لرضوان تقتل🤨
رضوان: اءء روز
روز:نعم
رضوان:بصوت واطي)) هذي النت الا تحكي عليها امي جيبها ركان
روز:اي اي
رضوان:لكن طرف ولا
روز:اتي اسكت خير ميسيعنا ركان
رضوان:باهي باه
ركان:شاف لريان ))وقايم حاجبه علي عادته ))ودخل
روز:هيا ريان تعالي
ريان:هيا ))ودخلو
روز:هذي امي
حبيبة:خير
ريان:خيرات
حبيبة:دخليها روز لغرفتها ترتاح
ريان:مسكتها العبره
روز:خيرك
ريان:ياريت امي جنبي زيك))😭ودموعها ينزلن بدون صوت
حبيبة:وجعتها مع انها مش فاهمه قصتها بس متأكدا انا ركان ميجيبش حد بسهل لحوشهم وبذات ان هما في وزاره الدخليه
حبيبة:حضنتها:: لا لا يا بنيتي
ريان:زادت اكتر بكاء
ركان:مع نزالت ركان كان لبس توت سوده وطالعه عليه تجنن😍
ركان: طبعا حجبه قايم ديما :))شاف لروز بمعانه رقيها لفوق لغرفتها✔
روز:خلاص عاد تعالي ريان
ريان:هيا
وبدات روز توري في ريان غرفتها وجنبها ركان
روز:هدي انتِ وهدي ركان
ريان:ليش انا جنبها وانتِ بعيد وليش مفيش في القصم هدا غير انا وركان وكلكم بعد😐
روز:انا ورضوان نخافو من ركان ولو شفتي اي شي حاولي متحكيش ولا اديري شي ولو قالك ديري هدي ديريها وانتِ ساكته
ريان:وليش
روز:لو تبي نحطك بعد معانا عادي لان نحنا منبوش جنبا
ريان:لا عادي
روز:معناها ادخلي ارتاحي وتوا انديلك علي العشاء ولو مليتي تعالي في داري او نديلي
ريان:اوكي
روز:باي
ريان:دخلت لغرفه وكانت كبير هلبا وفيها بلكوني وغرفه لملابس بروحها تجنن ريان:بدات متنحه في الغرف😍
ريان:بدلت ملابسها لبست توته لونها بودري هدي نظام كم وفيها فتحه من عند الكتوف ومن سروال فيه وسعه وفيه استيك مرفعها اشوي ورفعت شعرها ديل حصان وطلعت خصلات بس كانت تجنن 😍🤤
عند عمر
عمر:مجتكش يا حنين بكل البنت ريان🤨
حنين:لا انا مستغربه وين قاعدة توا
عمر:منندري بس احسن وفكينا منها
حنين:اي والله
عمر:شن صار في موضوع ايوب
حنين:مزال مترداد بس توا نزيد نقوله
عند ايوب
ايوب:شن تقولو انتو
عصام: (صاحب ايوب):انا نقول ديرها
نصر:حتي اني بس معقولة مش عارف شي عليها
ايوب:خلاص انا ريان بديت نسيها ولو يدور الزمان منحبها خلاص
عارف: (صاحب ايوب):اي والله اي خانك فوته
ايوب:واهلي لم كانو يتعاملو معها هك كانت تستهل وانا نقول حرام
عارف:ربي يصبرك يا رفيقي
عصام:ووافق علي هدي خيرلك
ايوب:واني نفكر هك
ريان:مليت بروحي خلاني نمشي لروز
وطلعت ريان وشافت غرفت ركان مفتوحه دخلت له
ريان:مستغربه كنها الدار سوده كلها بس كانت فخامه وكبيره ورائحه برفانه تقتل وفجاءة يد تمسك يد ريان
ريان :تلفتت وشافت ركان ورها
ريان:اءء انا كءءانت كانت
ركان:بنظره تقتل وبصوت عالي)) متدخليش غرفه مش لك اطلعي وفك يد
ريان:بدات دموعها ينزلو))انءء اني كءانت بءس بس
ركان:بصوت عالي)) اطلعييي
ريان:طلعت تجري وهيا تبكي
