#منقوله
الحلقه 1️⃣💫💫
مرام : اوعدني يا محمد تتجوز بعدي وماتخليش بناتنا من غير ام 😢مانبيهمش يتربوا ايتامه
محمد : 😔نوعدك حبيبي لكن مستحيل ان نحب غيرك
""وبعدها ارتخت ايدها وامشت روحها وكأنها تراجي فيه يطمنها بوعده ليها ""
محمد : مرااااام حبيبي حبيبي ردي 💔
آيه:...............🔕
""😟محمد قاعد مش مصدق انها خلاص مرام حبيبته ومرته ماتت وحس كأنه روحه انجبدت معاها 💔💔""
نعرفكم عَل بطلنا محمد 👇
((محمد عبد الرحمن
رجل اعمال
عمره 29
😍طويل واسمر عيونه عسليات وجسم عضلات))
🤤😍 من الآخير زين ياكبدي
عايش في فيلا مع عائلته الّي تتكون من اخته ((إيمان ))
((وخوه أيمن ومرته سهام وعندهم بنيه ووليد ويخدم مع محمد ))
اما بالنسبه لمحمد مرته ماتت وخليتله زوز بنوتات الكبيرة مريم وعمرها سنتين والصغيرة سماها عَل اسم أمها"" مرام"" الّي ماتت وهيا تولد فيها وعمرها سبعه ايّام
"بعد مرور سبعه ايام من موتها ومحمد كل يوم يمشي المقبرة ويقعد عَل قبرها يبكي ومش طايق الدنيا بعدها وحتى في الحوش يفتح صورتها ويقول علاش خليتيني علاش خليتي بناتك اني وياهم محتاجينك معانا 💔..وكره بنته مرام لان اعتبرها السبب في موتها"
وهوا في الحوش يسمع في بنته مرام تبكي امشألها 😠
لقاها بروحها في الدار وفحمت من البكي لن رايحه زرقاء😳 وأمه كانت اديرلها في شيشيتها في المطبخ
يقعد يشوفلها قلبه عصره عليها وماقدرش يخليها تبكي😔 قامها بين أيديه وهيا سكتت 💕وهوا ابتسم عَل وجه الملائكه الّي بين أيديه 👼
خشت أمه عليه وشافاته 😍 وهوا ارتبك وقاللها ..
محمد : اسمعتها تبكي جيتها 😕
أمه :ياوليدي مرام مرتك ماتت والله يرحمها وبنتك ماليهاش ذنب
محمد : عندك حق ومش عارف روحي كيف قدرت نكره هالملايكه ♥️
واهنئ خشت عليهم سهام مرت خوه
سهام : هيا سلم سلفي شد عليا بنتك 😂😂
محمد: 😂اسمعتي يابنتي خالتك
وخشت بنته مريم تجري
مريم : بابا قيمني حتى اني 😭 مش مرام بس😒😭
محمد : تعالي بنتي 😍 وقامها
وأعطي مرام لامه
سهام : مالا خلي نمشي للجنون الّي عندي 😑 "تقصد عَل صغارها😂"
وقاتله فكر في كلام اختي مرام الله يرحمها وطلعت
أمه : مرت خوك عندها حق بناتك صغيرات ويبي من يهتم بيهم واني كبرت ومرت خوك عندها صغارها وأختك عرسها العام الجاي
سكت بعدين قاللها
محمد:....😔
#يتبـع
