" انت ملجأي ف بأي حق اتركك حتى وإن لن تكن موجود ف رائحتك تطوف حولي تجالس وحدتي بينما انت هناك ف سلاماً على قلب ارتبط ب روح و ظلوا عالقين ف الهواء الي الأبد لا مكان لهما خوفاً من خطأ و نظرات عباد الله وليس من الله الغفور الرحيم سلاماً ثم سلاماً ثم لم يبقى كلاماً... "
_ هي ساره مش جايه النهارده كمان؟
= لا عندها شغل
_هي لسه بتشتغل في الصيدليه
=ايوا ربنا يعينها على اللي هي فيه
_ يارب حقيقي صعبانه عليا اوي تشيل هم و مسؤولية و هي صغيرة كدا تعب باباها و ظروفها
= ربنا يقويها انا هخلص و هبقي اروحلها اديها محاضرات الاسبوع اللي فات و دا
_ تمام و لو احتاجت اي حاجة بلغيني
= تمام يا بسنت انا همشي انا بقا
_ ماشي يا ايمان اشوفك بكرا سلام
احيانا الظروف بتقسي على الطيبين لا مش احيانا هي علطول بتقسي على الطيبين اللي بيمشوا يخبطوا في الدنيا و يحاربوا فيها عشان يعيشوا و يحموا نفسهم
_عاوز العلاج اللي ف الروشته دا لو سمحتي
=حاضر
و بعد عشر دقايق رجعت
= اتفضل
_ حسابهم كام
= 150
الدنيا عباره عن يوم واحد بيتكرر نقدر نقول زي علبه المناديل كل المناديل جواها متشابهه و كل ما نسحب منديل يطلع التاني وراه بنفس مواصفاته ميفرقش عنه غير انه جديد لسه
على قد ما حزنها باين في عينيها اللي لمعه الدموع سيطرة عليها على قد ما شدني ليها ازاي هي بتضحك كدا و في عيونها كميه الحزن دي تقريبا انا بقالي اكتر من شهر يتحجج ادخل الصيدليه عشان اجيب اي حاجة حتى لو علبه مناديل او برشامه و ارميها بعدها المهم اني ادخل و كل مره بدخل فيها عينيها و حزنها بيشدني اكتر و اكتر حتى انها ملحظتش ترددي الكتير على الصيدليه هي مبتركزش في الوشوش اصلا
هي لو بتركز كان لاحظت حاجات كتير اولها اني تقريبا بقيت ادخل الصيدليه يوميا بمجرد ما اعرف انها جوا بدخل انا ممكن أقف و اشوف حد داخل اخد منه الروشته و اجيبها
انا مش ناسي اول مره شوفت عينيها فيها سرحانها وهي حاطه الهاند فري و ماشيه ف الشارع كأنها تايهه بين البشر الموجودين تفاصيل دموعها اللي نزلت على طفله صغيرة متعلقه ب باباها السر اللي ورا حزنها كفيل يشد اي حد عشان يعرفه
ديما بسأل نفسي اما عيونها و هي حزينه بتشد كدا امال لو اتملت فرحة و بهجة هتعمل فيا ايه...
_بصي ي ست سارة دول محاضرات الاسبوع اللي فات و دول بتوع الاسبوع دا و حاولي تيجي يوم السبت عشان في ميدتيرم مهم
= متشكره اوي يا ايمان تعباكي معايا
_ يابت احنا اخوات مش صحاب
= ربنا يديمك والله
_ المهم عامله ايه و باباكي اخباره ايه
= بابا شكله هيسيبني يا ايمان
_متقوليش كدا بكرا يخف و كل حاجة ترجع احسن من الاول
= يارب يا ايمان يارب
_ انا همشي دلوقتي و هكلمك بكره عشان آكد عليكي تيجي السبت
= حاضر بإذن الله
مش تصنت بس غصب عني الحوار شدني وقفت برا الصيدليه اسمع واللي فهمته ان والدها شكله تعبان و حالته متأخره اوي و دا اللي خلاها تشتغل
لا أعلم آيحزن قلبي على حزن عينيها ام علي حزن قلبها لما قست الحياه عليها اتستحق كل هذا
مر اكثر من اربعه ايام لم أرى عينيها الحزينه لما كل هذا الغياب أيعقل ان والدها تعافى بهذه السرعه و اجلسها في المنزل ام واظبت على محاضراتها
يومان اخرين ولكنني لم احتمل ذهب إلى الصيدليه بحجة شراء دواء
_ لو سمحت عاوز حاجة للصداع
=اتفضل
_ هو... امال فين استاذة ساره اللي كانت شغاله هنا
= حصل عندها حاله وفاه
_ والدها؟
=ايوا
_إنا لله وإنا إليه راجعون
طب حضرتك متعرفش بيتها
= لا بس هي المفروض هترجع الشغل بكرا
_تمام شكرا
ظللت يقظاً لليوم التالي كيف سيكون شكلها و كيف ستكون عينيها بعد زياده الحزن أضعاف داخلها بل انكسار
طغى الحزن على قلبها ليغير سواد عينيها للون اقتم منه
_البقاء لله
=الدوام لله
لم أشعر الا وانا مدد يدي لامسك يدها اشدد عليها لكنها سرعان ما سحبت يدها
فوالله لقد تشابكت القلوب قبل الأيدي بعمر و ما قد نشأ بيننا غير هين فوالله ان بكت عينيها لانفلق قلبي بكاء عليها و ان فرح قلبها تراقصت دون وعي بما حولي ف ماهي إلا رفيقه روح و ما الروح بدونها الا جسد سقيم لا أمل له للحياة ف ان احببتوني يوما ادعوا لها كثيرا
كالعاده مبتاخدش بالها م الوشوش عدي ما يقارب سنه على نفس الحاله ما تغيير بسيط انها بدأت تلاحظ ترددي على الصيدليه بس بتحاول تتجاهله
_ عاوز حاجة للبرد
= حاضر
_و للصداع
=حاضر
_و ليا
=نعم
_اقصد للقلب
=فين الروشته
_ اهي
خدت الورقه و طبعا معرفش من تعبيراتها هتشتم ولا هتزعق ولا هتقطعها ولا هتعمل إيه
بس لاقيتها وشها احمر بس و خدت قلم و كتبت عليها
=حاجة تاني
_ عاوز ورقتي
=اتفضل
بفتح الورقه لاقيتها كتبت غير متوفر ب الصيدليه
_نعم يعني كاتبلك بحبك من حوالي سنتين و طالب ايدك و كلام رومانسي و بتاع و مكلف نفسي و اتصدم كدا
بس صدمتي زادت اما ضحكت يا وووعددددي
_طب ايه هو مش الاستاذ عمرو دياب قال ضحكت يعني قلبها مال
= اتفضل خد دواك و روشتك و عمرو دياب و امشي
_ همشي بس بحذرك اني لو مشيت هرجع تاني عادي
ضحكتين مره واحده لا احنا هنهزر بقا
عدي اسبوع و اتنين و تلاته على نفس الحال و نفس المرمطه دي بس اعتقد ان الدنيا اتيسرت بينا شوية و اتخرجت الهانم خلاص
_ من الاخر انا جاي انا و أهلي بليل الحقي روحي عشان تجهزي عصير فراوله عشان بابا بيحبه
= نعم
_ خلاص انا اللي بحبه
= انت بتقول ايه
_ لو هتغيري من العصير فأنا بحبك انتي
_اعتقد النهايه معروفه عشان انا شاب حلو طمعت فيا و في جمالي
= احمد
_ خلاص انا اللي طمعت يا هانم كانت جوازه ما يعلم بيها الا ربنا
= والله
_ لسه مكملتش الجمله كنت بقول انها جوازه ما يعلم بيها الا ربنا وانها ازاي جوازه قمر يعني و كدا
= ناس متجيش الا بالسود عيونه
_ياولاااا
_إسراء محمود 🖤🦋
#ماسه✍️
Israa Mahmoud 🖤🦋
https://www.facebook.com/israa.mahmoud.507679
