كانت حيث اكون💛
لم أكن املك من المال ما يساعدني للبقاء على قيد الحياة ..
ربما هذه الوظيفه كانت املاً جديد للاستمرار
-إسراء مش عاوز اي غلط مع الزباين فاهمه ولا لا
= تحت امرك يا مراد بيه
- تقدمي الطلبات من غير كلام و متنسيش مهما حصل متفتحيش بوقك مبحبش اخسر زباين المطعم
=اكيد حاضر
-اتفضلي على شغلك..
اعرفكوا بنفسي و بقصتي،،
انا اسراء فقدت كل حاجة كل ما بتقدم شويه ف العمر او زي ما تقولوا كدا كل سنه جديده بتيجي بتاخد حاجة مني قصادها السنه دي بالذات خدت اخر حاجة باقيالي
من سنتين صحيت الصبح على صوت عياط ماما بتقولي انزلي نادي على عم احمد اللي ع اول الشارع قوليله يجيب معاه كفن و واحد يغسل ابوكي...
ابويا ابويا ماله يغسله ليه انتي بتعيطي ليه فين ابويااا
محستش اني مليش ضهر غير اما مات و سابني انا و امي الايام تبهدل فينا و معرفش اني امي هتتخلي عني هي كمان السنه اللي بعدها و تسيب الايام تبهدل فيا لوحدي ياريتني روحت معاهم ليه سابوني لوحدي هنا
- إسراء روحي شوفي طلبات الناس
فوقت على الصوت مسحت دموعي و روحت
= ايوا يا فندم تطلب ايه
خدت طلباتهم و مشيت حطيتها للشيف يحضرها
ازاي الناس بتطلب بالبزغ دا هما لو شافوا نص جوع ولا حرمان الفقير كانوا اتكسفوا على دمهم و طلبوا ع قدهم
- خدي يا إسراء قدمي دا طلب 5،9
انسان الي شغال و بس على وشه ابتسامه ساذجة زيه و زي حياته كل اللي بيعمله ياخد الطلب و يحطه عشان يجهز و يرجع يقدمه يوم بيعدي ورا يوم الايام كلها كئيبه ممله حياتي اتحسنت؟
يمكن اه من ناحيه الفلوس بس اما بروح بفضل ف اوضتي الحزينه مؤخرا حبيت اجددها فدهنتها اسود
قد ايه اللون مريح للاعصاب و قد ايه حياتي بقت متلونه بيه مش اوضتي بس
كل يوم بيبقي نسخه ب الكربون من اليوم اللي قبله
بس اليوم دا مختلف وحشه الاهانه و تقليلك ف وسط الناس
- تطلبي ايه يا فندم
= امممم لسه مختارتش روحي دلوقتي يااا و بعدين هناديلك
- تمام يا فندم
عدي اكتر من نص ساعه و كان المفروض اروحلها تاني هي و جوزها اللي باصص ليها و ساكت دا شكلها ست مفترية حبتين
- اختارتي حاجة يا فندم
= ايه الغباوه دي مش قولت هبقي اناديلك اما اختار
- ايوا يا فندم بس حضرتك بقالك حوالي ساعه الا ربع و مختارتيش
= مبقاش الا خدامه زيك تتكلم
-انا مش خدامه يا فندم انا بشتغل و كل واحد له شغل معين وانا شغلي ف مطعم مش بمسح بيوت و حتى لو في بيوت ف خدامه احسن ما ابقى واحده مش كويسه
= والله عال انتي بتشتميني فين المدير اللي هنا
اعتقد اني مش هكمل شوبة و يوصل استاذ مراد و طبعا هيقولي انا الغلطانه و يكمل تهزيق و يطردني
- ايوا يا فندم انا استاذ مراد المدير في اي حاجة ضايقتك
= الاستاذه بتشتمني
ابدا والله يا استاذ مراد كل اللي حصل اني جيت اخد الطلب و هي قالت لسه مختارتش ف مشيت و استنيت تنادي عليا منادتش و عدي نص ساعه ف رجعت اسألها شتمتني و غلطت فيا
= اول مره اشوف حد بيكدب بالطريقه دي
- هو دا اللي اتفقنا عليه يا إسراء اتفضلي اعتذري للهانم
يا استاذ مراد والله انا بقول الحقيقه
=انتي كمان بتكدبيني
_عشان انتي كدابه يا علا
لحظات صمت غزت المكان اللي كل اللي فيه كانوا متابعين الموضوع بس معقول جوزها بيكدبها قدامنا
_ يا استاذ مراد إسراء فعلا معملتش حاجة و كل كلامها كان صح و علا كدابه انا اسف يا استاذه إسراء بس يظهر اللي فيه طلع مبيغيروش
قلع الدبله و حطها على الترابيزه و مشي
لابس الدبله ف اليمين يعني خطيبها... بس اي دا معقول انا كنت سبب من ضمن أسبابه انه يسيبها ياريتني كنت قولت اني كدابه
قعدت مكانها مسكت الدبله و عيطت و بعد دقيقتين رمت الدبله ع الارض و مشيت
خلصت شغل و طالعه لاقيت الدبله شيلتها و معرفش ليه حطيتها ف الشنطه و روحت
قعدت على السرير و طلعت الدبله و سرحت هو قال اللي فيه طبع مش بيغيره معقول يكون قصده انها كدابه بس ليه تكدب عليه؟ ايه اللي ممكن يخليها متقولش الحقيقه ازاي الإنسان ممكن ياذي حد و يكدب عليه بالشكل دا
بس من الواضح انه كان بيحبها الدموع اللي كانت ف عينه كانت بتقول انه سامحها كتير اوي بس طاقته خلصت منها
من الواضح النوم بيغلبني كل مره و يتعاد نفس الروتين الممل
-إسراء دا طلب رقم 8 و هاتي طلب 2 وانتي جايه
=ماشي
حطيت الطلب و روحت على تربيزه 2
=تطلب ايه يا فندم
- انا اسف
بصيتله و استغربت
-مش فكراني صح
هزيت راسي ب لا
- هاتيلي قهوة ممكن
= اكيد اي حاجة تاني؟
- لا
مشيت وانا مش فاكره و مش عارفه هو بيتاسف ليه بس ملامحه مش غريبه مهو طبيعي متبقاش غريبه ممكن يكون جه هنا قبل كدا ما انا بشوف كل يوم ولا يجي 50 واحد
الطلب جهز و روحت حطيته اتفضل يا استاذ..
-سامر اسمي سامر
=غريب
-هو ايه الاسم ولا انا
=الحقيقه .. الاتنين
-ممكن نتمشى بعد شغلك شويه
بصيتله و سيبته و مشيت بس و انا راجعه مالاقتوش مكانه
خلصت يومي و رجعت للاوضه السودا بتاعي
فكرت انا شوفته فين قبل كدا و ليه بيعتذر و ازاي يطلب يقابلني و كالعاده الدبله جمبي مسكتها وانا سرحانه و عماله افكر ايدي حست بحاجة محفوره بمشي ايدي عليها لاقيت س ا م ر اتصدمت و رجعت مره واتنين و بصيت مصدقتش عيني هو معقول؟
نمت و صحيت كالعاده ع الشغل يوم ولا أتنين جاب شهر و كل يوم افكر و انا ماسكه الدبله اللي مبقتش مفارقاني تقريبا لا صبح ولا ليل وفي يوم لاقيته هنا
-فكراني؟
=سامر
-طب مانتي ذاكرتك حلوة اهو
=تطلب اي
-قهوة
= حاضر
مشيت و قدمتها له
=حاجة تاني؟
- شكرا يا إسراء
تقريبا من اليوم دا و هو يوميا بيجي يطلب قهوة عدي اكتر من 3 شهور و تقريبا لازق في الترابيزه ولا ف قلبي ولا ايه
- إسراء
=تطلب ايه؟
- عاوز اتكلم معاكي شويه
=قهوة؟
-هستناكي بعد شغلك
=هجبك طلبك
خلصت شغل و طلعت لاقيته واقف
-ممكن نتمشى و نتكلم
=اتفضل
فضلنا بنتمشي اكتر من ساعه ساكتين
=وبعدين
-مش عارف
= طب انا هروح
- عمري ماكان عندي شغف او ماسك ف حاجة قد دلوقتي مريت ب حاجات كتير صعب اشتغلت كل اللي ممكن يجي ف دماغك معنديش ف الدنيا دي الا امي و خطوبتي من علا صالونات بس محصلش نصيب و الغريب انه ف نفس اليوم شوفتك جيت المطعم مره و اتنين و عشرة عشان أكد احساس قلبي و غبت فتره عشان ازود نفس الاحساس مش عارفه اعدي اليوم من غيرك يا إسراء
=....
_ انا بطلبك على سنه الله ورسوله
=....
- انا اسف انا همشي
طلعت الدبله و مديت ايدي بيها
- دي دبلتي!!
= معايا من نفس اليوم
- يعني؟
= اعتقد انا محتاجة أم في حياتي
- اعتقد انا لازم اسجد دلوقتي
و اعتقد اكبر لازم نكتب الكتاب
نسيت اقولكوا انه رسم ورد و شجر و سما كبيرة ف اوضتي السودا 🌻🖤
#إسراء_محمود ✍️
#ماسة 🦋
https://www.facebook.com/israa.mahmoud.507679
