رسل من مواليد ١٩٩٨ طويله حنطاويه وضعيفه شعري طويل عيوني كبار ملونات زيتوني طوخ بكول المناسبات يكولولي انتي احلى وحده بخواتج وهذا الشي جان كولش يفرحني
ريام من مواليد ٢٠٠٠ قصيره وناعمه ضعيفه شعري كاريه احبه ما احب اطوله عيوني كبار ملونات زيتوني احنه كولنه عيونه بيهن لون صف سادس اعدادي ادبي
رنده من مواليد ٢٠٠٢ طويله جسمي وسط بس مو ضعيفه شعري طوله وسط عيوني كبار بس مملونات جانو ملونات ب كول ما أكبر يخف لونهم صف خامس اعدادي علمي
رونق من مواليد ٢٠٠٥ اني طويله وضعيفه شعري طويل بس مو سرح عيوني صغار ملونات زيتوني صف ثالث متوسط امي دائما تكولي انتي الصغيره بس انتي عندي افهم وحده بخواتج
ننتقل ل رسول من مواليد ١٩٩٥ مرحله اخيره ادرس صيدله من شفت الجامعه والبنات البيها منعت اختي رسل من الجامعه تخرجت من السادس بمعدل ٨٦ ومخليتها اداوم اني عصبي ع خواتي من اكعد وحدي ابجي لان مسؤليه عليه ابويه متوفي واني عمري ١٢ ف امي خلت شخصيتي حيل قويه صح جنت حيل صغير بس دائما تأخذ رئي ومن كبرت صرتلهن اب واخ بس عصبي وياهن حتى لحد تميل مسؤليو البنات جبيره اامجربين المار بيه اني راح يعرفون الكاعد احجيه اشتغل شفتين من الخمسه الصبح ل١١ بفرن وارجع ابدل واروح للجامعه ارجع ب ٥ اسبح وابدل اروح للكراده اشتغل بمحل احذيه وهيج مخلصها طلبات البنات هوايه اني اوفرلهن الي اشوفه معقول ويفيدهن مو كلشب اجيبلهن
اسماء ام رسول من مواليد ١٩٧١ يمه البنات يرده موبايلات رسول ماكو موبايلات اولا يشغلهن عن دراستهن وثانيا اكو شغلات تنعرض بيه مو حلوه بنيه ممزوجه وبكدهن تشوف هيج سوالف رسل انت ماعندك ثقه بينه رسول رسب إذا مسكتين اكوم الطمج ع حلكج رسل اي اي سكتنه الام يمه وين يخلصن وقتهن لا طبه ولا طلعه مخنوكات بهل بيت
رسول اي احسن من شوكت عدنا نسوان يطبن ويطلعن انتي مو راح يصير عمرج خمسين يايوم مخلينج اطلعين وحدج ريام إذا ع فلوس احنه مجمعين رسوول شو انتي متعرفين تحجين ما جنج راح اصيرين عشرين سنه يا يوم كاض فلوس عليجن مو اشتغل من الصبح لليل حتى اوفلكم كلشي تحتاجون رسل ع كيفك الي يسمعك يكول مصعدنه سيارات رسول يلا راح اجيبلكم موبايل واحد وراح يصير ل رسل كول وحده تلعب بيه ساعه وممنون اي برنامج ينزل رنده لعد احنه المن نجيبه غير حتى ندرس بيه رسول يلا راح انزللكم بيه بس يوتيوب واربطه ع حسابي واشوفكم شتباوعون ريام شنو هل ثقه الزايده رسول مو شغلة ثقه بس ما احب خواتي يسمعن اغاني ويباوعن مسلسلات مدبلجه
