# حب خادع ......(9) ....☆☆☆....☆☆☆......☆☆☆......
جواهر .... ياقهرتي ياحليلي يا نكبتي وااك عليا وااك وين امشت البنت وين هربت او مع من الله لا تربحك يا فرح كله منك انتي انتي اللي ناديتي عليها وساعدتيها !!
فرح ... انا والله مادخلي والله
جواهر ... خذت تليفونها واتصلت بالمهدي
العرس نقلب من فرحة لي مشكلة عرض و شرف و كرامة ناس انعفست و مشت تحت الرجلين !!
سيف .... خش لي اخته تعالي جاي وينها بنت عمك اه تكلمي بنت عمك وين او مع منوو مشت !!
فرح .... والله والله مانعرف ؟
المهدي .... تكلمي ربي يهديك اختي وين ماهيش من النوع هذا من لبنات
اختي صغيرة ومتربية تكلمي بالك فيه حد ضحك عليها ولا لعب بي عقلها اتكلمي !!
فرح .... كانت تبي تتكلم بس مش قادرة لانها ح تنفضح انانيتها و خوفها عموو ع عيونها !!
حسين ... تكلمي يابنت وينها رؤيا
فرح ... خلااص والله مانعرف والله و مشت تجري لي دارها !!
محمد ... هيا نطلعو اندورو عليها
سيف .. هيا نمشو للمكانات الكل !
و طلعوو زي المجانين ايدورو على رؤيا !!
فرح .... خذت تليفونها واتصلت با احمد
وينهاا رؤيا شن درت فيها
احمد .... شن دخلك انتي شن درت فيها شي هذا مايخصك يا حلوة الهي بي روحكك احسنلك او مرة تانية معاش تبعتي صورك للمفرخ اللي زي أيهم صدقيني انه بكفين ح يعترفو بكل شي !! 🤤🤤
فرح ... يا حيوان يا حقير
احمد ... زيدي قللي ادبكك او ح تندمي
اامهم سكر توا عروستي تستنى !!
فرح .... عروسة شنو
والخط طووط طوووط طوووط
شهد .... دفت الباب وخشت
ياوسخة يا واطية ماتوقعتك هكي ليش ما قلتي
فرح ... 😱😱😱 شش شش شش شن فيه
شن تبي اطلعي من اهني شن تبي مني ابعدي عليا
شهد ... مع منو هربت رؤيا
او بالاصح شن درتي لي رؤيا او من هوا الحقير هذا
فرح ... شي مايخصكش بكل
شهد ... اوكي اهو نقول لي سيف او توا تعرفي من يخص الموضوع هذا
فرح .... هربت مع أحمد
شهد ... احمد منو
فرح .... احمد سلفكك
شهد .... شنهوا سلفي احمد !! منين تعرفه هيا
وانتي كيف عرفتيه هوا !! تكلمي بسرعة
فرح .... تعرفت عليه من قناة تعارف ليبية او قعدو فترة يحكو على الفوون او مرة طلعنا للمحلات تلاقو او وقتها عرفت انه احمد سلفك بس ماقديت انقوللها
شهد ... يا كلبة ليش ما حذرتي بنت عمك هذا اكيد ح ينتقم منها ع اللي صار بس هيا ماليها ذنب ؟؟
فرح .... شنو اللي صار
شهد .... الله يلعنك يا نممم الله يلعنك
خدت تليفونها واتصلت بي راجلها ( سالم)
سالم ... ايواا شنو استحشتيني فيسع فيسع
شهد .... احمد خوك وين
سالم ... خيره شن دار
شهد .... هرب بي بنت عمي
سالم ... ماتقولي هرب بي رؤيا
شهد .... اي
سالم ... الله يهديه مليون مرة قتله انسى اللي صار
خليني نمشي اندوره وين او ردي بالك اتقولي لي حد
ع الموضوع توا نلقاه ونرد البنت !!
شهد ... باهي
__________________________
احمد ... مقعمز ع الكرسي قدام رؤيا و مولع دخان
اما بالنسبة لي رؤيا فكانت فاقدة الوعي من المخدر اللي شمته متكية ع سرير زي ملاك ماليها ذنب في اللي صار ابدا ..🔥🔥
رؤيا ... فتحت عيونها بشوي بشوي كان شعرها طايح على وجها وفمها مسكر بي شريط لاصق او ايديها و رجليها مربوطين قعدة تشوف لي احمد بخوف !!
احمد .... خايفة
رؤيا ... هزت براسها بمعنى اي
احمد ... حتى سوار بكت هلبا و نحرقت هلبا
رؤيا ... تشوف با استغراب منو سوار
احمد ... بينك او بين روحك تسألي منو سوار صح
رؤيا ... هزت براسها بمعنى اي
احمد ... سوار اختي اللي خوك امير حطمها او دمرها ولعب بيها بكت هلبا و نحرقت هلبا و بسببه انتحرت و نحرمت من اختي بس زي ماهو حرمني منها حتى انا ح نحرمه من اخته !!
رؤيا ... تشوف لي احمد بعلامات ضحكك و هزوة
احمد ... تضحكي او هازية
رؤيا ... قعدت طلع في اصوات كانه تبي تقول شي او مش قادرة !!
احمد .... نحالها الشريط من ع فمها
تكلمي شن تبي تقولي
رؤيا .... تحساب انك لو قتلتني او اغتصبتني او عذبتي ح ايحس امير او يتعذب صدقني لاااا
هذا مش انسان هو وحش او حقير مش ح ايحس بشي او لا يفهم شي الله لا تربحه هو دمرلي حياتي او هو سبب موت امي او سبب كل شي مش اخيييي صار في حياتي !! ضحكتها كانت مخلطة بدموعهاا و تتكلم بهستيريا و شكل غريب كأنها مريضة نفسية ..
احمد ... كيف انتي اخته اكيد ح ايحس بيك او بي شي اللي بيصيرلك
رؤيا .... اللي ناوي بديره انت هو داره من زمان !!
احمد ... شن تقصدي
رؤيا .... فهمكك كيفايةةة
احمد ... لاااا لااااا مستحيل الشي هذا ايصير تكذبي
رؤيا .... ما نكذبش
احمد .... احكيلي نبي نعرف !!
رؤيا ... اوك ح نحكيلك !
أنت تقرأ
حب خادع
General Fictionتحكي على بنت صغير تحب 💗💗 بس تنخدع با الحب و تفهم انه الحب مش بالبراءة اللي كانت هيا تتصورها .... ؟؟
