حب خادع

(10)

# حب خادع

....(10) ...☆☆☆....☆☆☆.....☆☆☆....

شهد .... رؤيا اني اسفة ع الشي اللي صارلك بسبب فرح بس ماكنت متوقعة احمد ايدير هك
رؤيا .... شهد نبي نفهم شي واحد بس
شهد ... اللي هو
رؤيا .... من هيا سوار و شن قصتها مع امير
شهد .. فيه هلبات حاجات ماتعرفيها و حتى اني لي توا مانعرفها حلقة ناقصة في القصة بس ح نحكيلك كل شي بالتفصيل !!

# نرجعو بالزمن حوالي سنة و نص ..

سيف ... يا هلبةةة شن ديري
سوار ... شي يالحب
سيف ... مقوى سعدي وليت الحب
سوار .... و هل في قلبي حب غيرك 🤤🤤
سيف ... حي عليا حي
سوار ... اممم حي عليك صار
سيف ... هههه هيا نوضي
سوار ... وين
سيف ... جعان بنموت
سوار ... واككك سيفوو من يوم ماعرفتكك وانت جعان
سيف ... هههه تبي شاورما و لا بريوش
سوار ... الاثنين لا
سيف ... امالا شن تبي
سوار ... اثنين همبورغا او وحدة مفروم و حكة بيبسي
سيف .... 😱😱😱😱 مالا هايشةةة
سوار .... هههه برا برا اهو نستنى فيك تحت نخلة
سيف .... باه
بيسان ... سوسو شنوو ديري تحت النخلة
سوار ... شي نستنى في سيف امشي للكفتيريا
بيسان ... اهاا
سيف ... هيا اتفضلي أميرتي
سوار .... او رومانسي اكثر من اللازم
بيسان ... بدت تغلي من الحقد
و الشي هذا بسبب حبه لي سيف او غيرتها من سوار
سوار ... حقة بيسا قوليلي شن رايك لو ناخدك لي خوي
بيسان ... كانت تاكل شرقت اه خوك
سيف .... ههههه خوك امك داعية عليه بياخد بيسا
بيسان .... اوووف ياهمي مبردك
سوار ... شن قلتي
بيسان ... اكيد لااا
سوار ... باه تعرفيش وحدة هكي بنوتةة حليوةة وكويسة
بيسان ... هاا شن رايك في اخت سيف شهد تجنن
سيف ... اختي هههه
سوار ... وليش لا سيفوو خوي ياخد اختك او انا ناخدك انت و نكونو هكي متعادلين
سيف .... اذا كان بشرط ناخدك انا هكي موافقك
سوار .... هههه حيوان المهم جديات روح قوللها بش لاعشية انجو احني و خوي اوك
سيف ... وانتي بتجي
سوار ... اي
سيف .. باه تعالو لاعشية
سوار ... اححيه محلااك قداش خاطري نحضنك بس عيب
سيف .. فيه قاعة فاضية الداخل ايجي فيها الاحححيي
سوار .... 😍😍😍😍😍
سيف .... 😍😍😍😍😍
بيسان ... احمم احمم 😡😡😡
سوار ... تنحتني للصبح طززز
بيسان ... زعلت ناضت
سوار ... خيره النمم هذي
سيف ... طز شن دوري فيها
سوار ... اوك تليفونه يرن
وااو سالم يتصل خلي نطلع اكيد البرا
سيف ... باي بنتساحشك
سوار ... ههه لعشية توا نتلاقو قول لي اختك خيرلك
سيف ... باهي من عيوني
سوار ... باي
بيسان ... جديات سيف بتقول لي شهد
سيف ... اي مه سوار طلبة مني نقدرش نرفضلها طلب
بيسان ... سوار سوار اوووف منها 😡😡😡😡

سيف بمجرد روح للحوش قال لي شهد و امه على القصة و بالفعل سوار جت هيا و خوها شاف شهد و عجبته و تم الموضوع على خير و تفاهمو ومرت الايام و قررو انهم يتزوجو !!

سوار .... كانت وقفة برا خيمة العرس تستنى في سيف
بس من حظه جت عيون أمير عليها
أمير ... اوو فيه بكلاوة عندنا و انا ما علميش
سوار ... هههه
أمير ... نتعرف بيك امير
سوار ... انا سوار
امير ... صاحبة شهد
سوار ... لا اخت لعريس
امير ... 😍😍😍
سوار ... ههههه خيرك
امير ... شي
سوار ... باه ربي يشفيك
امير ... انتي مرض ربي مايشفي منه
سوار .... ههههه
خشت و خلاته
بعد ايامات امير قدر ياخد ايميل الفيس بوك تع سوار و بدي يتقرب منه و علقها فيه كان يعرف كل شي عليها و شن تحب و شن تكره و لحد هذيكا ليلة
سوار ... عندها فترة وهيا متغيرة هلبا من ناحية نفسية
شهد .. خيرك سوار شن فيه
سوار ... مافيني شي نخليكم توا
وبالفعل سوار خلتهم في هذيكا الليلة لانها انتحرت و خلت رسالة ...
احمد ... كان مروح من السهرية بس صدمته كانت كبيرة انه القي اخته اللي يحبه شانقة روحها في شجرة
حاول ينقضها بس ما قدرت فات الاوان لانه ماتت
الكل كانو مستغربين من الوفاة متاعها كيف هكي
سيف ... حزن ع موتها هلبا
بيسان ... كانت مبسوطة لانه فتكت منها
و بعد فترة ايامات من وفاتها احمد القي رسالة من سوار
مكتوب فيها
انا اسفة احمد لو انت تقرا في رسالتي توا اني بنكون في الحال هذا ميتة اني حبيت امير ولد عم شهد من كل قلبي و هو قنعني بي انه يحبني بس ماتوقعت ايجي يوم ويصير الشي هذا هو خطفني من حوشنا و ارفعني لي استراحة اغتصبني فيها هو صاحبه و شي هذا صار من حوالي شهر و انا خفت انه نحكي لي حد اسفة احمد اسفة عارفة انك كنت تحبيني بس اني خذلت حبك ليا اسفة يا خوي اسفة ....))
سالم ... دمووعه كانت سابقة كل كلامه
احمد ... لما نقتله لما نقتله
سالم ... استنى لو قتله ح تفضح اختك هكي ويصيرو حاجات تانية و سمعتنا بين الناس
لكن انا ح نفضحه هو
و بالفعل سالم بلغ في امير و نحبس هو وجماعته الي نمسكو معاه في الاستراحة بتهمت دعارة

رؤيا .... مستحيل امير ايكون انسان هذا وحش حقير تافه
شهد ... فهمتي ليش خفت لما قتلي فرح انك مع احمد
هو متغير هلبا من موت اخته خفت ايديرلك شي
رؤيا ... 😢😢😢😢
شهد .... نخليك توا سالم جي توا نتكالمو بعدين
رؤيا ... خشت لي دار تكت ع السرير
احمد ... خش بدل دبشه و تكى ع سرير بدون اي كلمة
رؤيا ... احمد
احمد  ... نعم شن فيه
رؤيا ... شهد احكتلي كل شي
احمد ...  ع شنو حكتلك بالتحديد
رؤيا ... قصة سوار مع امير
احمد ...  عيونه كلها مزغلة بدموع سكري الموضوع
رؤيا ... قربت منه مسحت دموعه و حضنته جديات اسفة احمد اسفة
احمد ... حضنها و بدي يبكي ماتعتذري الشي هذا مش غلطك
رؤيا .... حضنته و تبكي
المهدي ... جواد بالله عليك افهم الوضع
جواد ... مش ح نفهم شي شنو تحسابوني لعبة انا او ضحكة عندكم بش اتوافق و ترفض  ع راحتهم لما تندمو فهمتني لما تندموو !!
جواهر .... خيرك
المهدي ... علقنا رواحنا في شي اكبر منه
جواهر ... كيف
المهدي ... قال لما ندمكم
جواهر ... كلام فاضي بس
جواد ...  فهمي وصلاتك صورة بنت نبيك دورلي عليها وين  جيبهالي حتى لو اخر دنيا
فهمي .... باهي مية مية
........ يتبع ......