قصة ثمرة حبي 💕
بقلمي : SouadElyou
ناضت هزات خوها و مشات لبيتها جلسات فوق ناموسيتها كتلعب مع خوها لي كيبجغط و يضحك بأعلى صوت عندو
أفانين ( مجلسة خوها على ناموسيتها كتهر فيه و هو كيموت بضحك) : هههههه قول ن نا نا قول قول ههههه
ريان ( كيضحك تكيتحفرو ليك غمازاتو ف حناكو ) : ههه ن نا ن ههه نا نانا هههههه
هزاتو افانين معنقاه بجهد
أفانين ( كتبوسو ف فمو وحناكو بجهد ) : ههههه يخليلي نانا ديالي أناكلك انكلك انا هههه مواااح
دخلات عليهم جميلة على غفلة
جميلة : تاتولديهم و كوليهم هاكا ولدي انا ( هزات ريان للآخير حط راسو على صدرها كيغمض فيعويناتو فيه نعاس ) يااك احبيبي فيك نعاس بغيتي تنعس بلاتي نوكل حبيبي و تنعس صافي ( شافت ف بنتها ) نوضي احبيبتي راه باباك جاب دجاج سيري ديريه لغدة نعس خوك و نجي نعاونك
أفانين ( ناضت ) : واخا اني غادة نبدل حوايجي بعدة
مشات لبيتها بدلات عليها ب بيجامة ديال داار صيفية وقصيرة فلخزي رجعات حويجها لي كانت معولة تخرج بيهم فلبلاكار
ومشات لكوزينة لقات باها جايب دجاج فيه ثلاثة كيلو مزال فميكتو
حيداتو من لميكة دارتو فلاڤبو ديال كوزينة ريشاتو مزيان توالا كيشعل قطعاتو على جوج وخلاتو
مشاتت هزات من ثلاجة ربعة طماطمات و بسلة فلافلة تصواب شرمولة
جابت سينية دارت فيه دجاج دورات عليه ديك طماطم لي قطعات و لبسلامة فلافة عطراتو و دارتو فلفران ايطيب
عاد تمات ماماها داخلة هازا ف يديها لبيبرون ديال ولدها لي نعساتو خلاتو فبيت ختو
جميلة : كملتي
أفانين : مزال نصاوب شلاضة بابا مجاش
جميلة : لا مجاش حيدي نصواب شلاضة غسلي نتي دوك لماعن
داكشي لي كان جميلة جابت لمقادير ديال شلاضة كتقطعهم و أفانين كتغسل لماعن
تاتم باباها داخل
عادل : هاهوا لكونيكسيون لي بغات بنتي ( حط ليها فوق ثلاجة كونيكسيون 100 درهم تشاطي تاتشبع هههه )
أفانين ( بفرحة ) : ههههه شكرا بزااف ابابا ( بغات تعنقو ولكن ايديها عامرين برغوة هزات يديها لفوق و عنقاتو كيضحك عليها )
جميلة ( مغوبشة ) : و انا علاش مخديتي ليا كتعراف غير بنتك انا لا
عادل : هاحنا على لغيرة عواتاني معندك ماديري بكونيكسيون و انا معاك ( غمزها )
أفانين رجعات كتغسل ماعنها كضحك عليهم موالفاهم كيديرو فحال هاكا قدامها
خرج عادل جلس فصالة متبع لأخبار كملات أفانين غشيل لماعن مشات طلات على دججاجها لقاتو باقي ليه شوية و ماماها دارت شلاضة فلثلاجة لتحت باش تبرد شوية
بقات كتسانة ايطيب
دازت 15 دقيقة وطفات عليه حطاتو فطبسيل ديال طاوس كبير على حقو و طريقو ريحة تشمها من لبعيد هزات طبسيل فين جالسين حطاتو و رجعات هزات كنيتة دكوكة و طبسيل دشلاضة و لخبز و جات جلسات مشاركين لمكلة و عادل كيتبنن و يشكر فيها
عادل ( شاف فجميلة ) : شافتي ناس لي كيعرفو يطيبو ماشي بحالك دريه لينا خضر بنت و كتعرف طيب حسن منك
جميلة ( مجلسة عندها ولدها لي عاد فاق خدودو حومر ) : أوادي أوادي من تزادت ونت كتشكر فيها نسيتي قبل منولدها كنتي كتشكر غير فيا تلقا كتسانة ريان تا هوا يكبر و تبقا تشكر فيه و تنساها عليك
عادل : ننساك نتي و مننساهاش هيا هههه
أفانين : ههههه ربي ايخليك ليت ابابا
عادل : شايبتينا بلا وقت ابنتي بديك بابا هههه
أفانين : هههه صافي نقوليك عادل مزيانة هههه
ضحك عادل على هضرت بنتو ورجع كيكمل مكلتو
يتبع...
أنت تقرأ
قصة ثمرة حبي
Actionالقصة كتحكي على زوج اشخاص ايتلقاو بسباب القدر البطلة# : هيا شخصيتها مريحة عندها غير ضحك كتخلي gاااع لي حداها يضحك ولكن نهار لي تعصب تقدر تقلب عليك فأي دقيقة البطل# : هو شخص صارم عندو خدمتو هيا كلشي مكاينش ضحك فيها عصابي بزااف ايلى ضحك ضحك يدير ب...
