قصة ثمرة حبي 💕
بقلمي : SouadElyou
عند علاء_افانين
أفانين : علاء نن نوض نوض نوض سير منهنا ليجي بابا ويلقاك هنا
علاء معنقها خاشيها فيه : نن ليوما انعس مع حبيبتي
أفانين بصدمة رفعات فيه راسها : كك كفاش واش حمقيتي راه ايجي بابا وايلقاك هنا ايتخاصم معايا
علاء هبط فيها عينيه ساهي فعينيها : متخافيش باباك مغيدير ليك والو
افانين : وو...
علاء قطعها حط صبعو على فمها كيشوف فعينيها : ششششوو نعسي لحال مشى
افانين وكلات امرها لله وغمضات عينيها ونعسات وهيا مخشية فحضنو اما علاء فقدها فبلاستها منعس راسها على صدرو ووجهو خاشيه فعنقها كيشم ريحتها لي كتحمقو طفى ضو ونعس
عند #زينب_بثينة
زينب منشورا على ناموسية : ياولله متنعسي فيها لهيه كنتو باغين تلعبوها عليا كنتو باغيني نعس على لفطوي باش ضهري يتقسم ايوا نعسي عليه نتي دابا ولله منوضليك من هنا
بثينة كتجرها من تيشورت : تيي نووضييي يالق**ة نوضي راه انفرشخ دين موك نوضي كحزي خليني نعس معاك معنديش مع لفطوي
زينب ضارت شافت فيها : أنا ماشي شغلي وانا معنديش مع لبنات باش تجي تنعسي حدايا هاا لرض فرشي ونعسي فيه اما هاد نموسية ولله لنعستي فيها جوج ميترو باغا تكحاز معايا فيها ايخليها قاعيدة تفوو
بثينة ضرباتها لطرمتها : ايلى بقات فيك انا ماشي بثينة بنت فريدة يوجه لويل
زينب مغمضة عينيها : وجهك داير كيف لبسطيلة نص طايب ونص لا مسوسة ياربي سلامة خخخ
بثينة جرات لفراش فرشاتو فلرض خنزرات فيها : نعسي راه انجي نعجن على موك
زينب نعساات والا نقولو غغرقاات : اممم خخششخششخشش ( كتشخر 😂)
بثينة ضحكات بشر : هااهااهاا نعستي واجي نوري ختي
مششات عندها بشوية شداتها فيديها جراتها لجنب ناموسية وزينب لا حيااة لمن تنادي نااعسة والا ميتة لوعلم ومشات لجنب ثاني نعسة فيه تغطات بيزارها ونعسة هههه
أصبحنا وأصبح لملك لله
صبح صباح فاقت أفانين كتكسل غير تفكرات علاء ناضت قافزة كتشوف فجنابها شافت يمين ويسار ملقاتوش وهيا تنفس برتياح شوية وصلها ميساج هزات تيليفون
علاء : صباح نور حبيبتي بلى متخلعي راني فقت قبيلة لقيتك نعسة وخرجت تهلاي فراسك نصوني ليك جوبي💬
تبسمات وحطات تيليفون تتحل لباب ودخلات لممرضة فحساتها وخرجت دازت 19 دقائق تحل لباب ودخلو باباها وماماها بحدهم جاين يديوها
أنت تقرأ
قصة ثمرة حبي
Actionالقصة كتحكي على زوج اشخاص ايتلقاو بسباب القدر البطلة# : هيا شخصيتها مريحة عندها غير ضحك كتخلي gاااع لي حداها يضحك ولكن نهار لي تعصب تقدر تقلب عليك فأي دقيقة البطل# : هو شخص صارم عندو خدمتو هيا كلشي مكاينش ضحك فيها عصابي بزااف ايلى ضحك ضحك يدير ب...
