احببته دون أن أشعر

أحببته دون أن أشعر 4

بسم الله الرحمن الرحيم
وبه نستعين

من اساسيات السعادة ان تؤمن
بقضاء الله وقدره، وتردد دائمًا
ربي اختر لي ما تراه خيرًا لي..
--*--*--*---

الفصل الرابع 4

حجز لي كيران اوضه لوحدها وكيران غيرت ونامت من التعب وكريم كان مع لؤي
لؤي:- مالك يا كيمو مش معبرنا يعني
كريم:- ليه يا عم منا معاكم اهو
لؤي:- طيب خلينا نطلع ننام شويه دالواقتي الساعه1:00 هنصحا الساعه 3:30م وهنروح علي الشاطئ وبعدين في حفله بالليل تبع القريه ماشي
كريم:- ايه يا عم كل ده خلينا نطلع ننام يخربيت راغيك
وهما رايحين اوضتهم
اشراقت:- كريم
لف كريم:- نعم
اشراقت:- ممكن ثانيه
لؤي:- همشي انا وابقا تعاله ورايا
اشراقت:- كريم هو احنا ممكن نطلع من القريه  ونروح مول ولا مش هاينفع
كريم:- مين اللي يروح
اشراقت:- انا و دنيا صحبتي
كريم:- اسألي المشرفين وهما يقولولك عن اذنك انا طالع
اشراقت:- كريم
كريم:- في حاجه تاني
اشراقت:- ممكن أسألك سؤال
كريم:- يا نعم
اشراقت:- مين البنت اللي معاك ديه
كريم:- هقولك مع انه حاجه متخصكيش و ملكيش إنك تسألي اصلاً ديه بنت عمتي سلام
اشراقت:-انا اسفه يا كريم لو ضيقتك بس انا كنت حابه اتعرف عليها وفكرتها اختك
كريم:- ماشي _ وسابها مكانها وطلع نام
اشراقت لنفسها:- انا عارفه انها مش اختك بس لو اللي في بالي صح يا كريم يبقا حكمت عليها بالموت _ وبعدين طلعت اوضتها هي ودنيا وكانت متعصبه
دنيا:- مالك عرفتي هي مين
اشراقت:- بنت عمتو
دنيا:- طيب عادي اخته يعني
اشراقت:- انتي غبيه هتشليني والله اسكتي
دنيا:- حقق عليا انا هنام
اشراقت:- اتخمدي
ونامت دنيا واشراقت نامت بعدها وجت الساعه 3:30م والكل صحي
لؤي:- قوم يا كريم يلا
كريم:- سبني. انام شويه يا غلس
لؤي:- طيب مش هاتروح تصحى بنت عمتك
قام كريم لبس(تشرت ابيض و شورت اسود لحد الركبه) وراح عند كيران وخبط علي الباب
كيران:- مين
كريم:- انا يا كوكو افتحي  ..كيران فتحت الباب
كيران:- تعاله ادخل
دخل كريم وقعد علي الكنبه
كيران:- انت صاحي من امته
كريم :- لؤي صحاني لبست و جيت علي طول عارف انك مش هتطلعي بره لو هتموتي
كيران:- انت حجزتلي الاوضه مش معا الكليه صح
كريم:- ايوه علشان تكوني براحتك ومتضيقيش
كيران بابتسامه:- شكرا
كريم:- انا هروح الاوضه وانتي غيري وتعالي الاوضه اللي جنبك علي اليمين
كيران:- ماشي
وكريم بيفتح الباب كانت اشراقت بتفتح الباب وخارجه من اوضتها اللي في وش اوضة كيران ابتسمت لكريم وهو ابتسملها عادي وداخل اوضته يستنا كيران واشراقت نزلت عند دنيا وكل اللي معاهم وكانو علي الشاطئ كانت لبسه (شورت لفوق الركبه لونه ازرق وبادي كات لونه ابيض وفرده شعرها وكانوا اكتر البنات لبسين زيها
وخرجت كيران و خبطت علي كريم فتحلها الباب
كيران :- يلا ننزل(لبسه بنطلون اسود برموده وبادي اسود وفرده شعرها الناعم وكان معدي ضهرها )
كريم:- مفيش نزول
كيران بزعل طفولي وتربط ايدها عند صدرها:- ليه بقا انتي جايبني تحبسني في الاوضه
كريم:- روحي لمي شعرك وحطي كاب علشان الشمس
كيران:- لاا مش بحب في الرحله الم شعري ولا احط كاب وكمان كل البنات اكيد بشعرهم
كريم:- خلاص متزعليش يلا ننزل _
كيران وهي تمسك ايده بفرحه :- يلاااا
كريم باصصلها بحب وسرحان وفاق علي صوتها
كيران:- كريييم يلا
كريم:-يلا يا ملااكي
ونزلوا سوا وكان في شمسيه وكرسيين وترابيزه قعدوا عليهم وكان منظر البحر خلاب الشاطئ جميل اوي
كيران:- وااااااااااووووو المنظر في قمة الجمال
كريم :- عيونك الاجمل يا كوكو
كيران:- كريم قوم روح لاصحابك وانا هفضل قعده هنا
كريم:- ليه مش هتنزلي البحر
كيران:- لاا مش عايزه روح انت لاصحابك متخافش عليا مش هقوم من مكاني _ جت في الواقت ده اشراقت
اشراقت:- عندها حق قوم لاصحابك وانا ودنيا هنقعد معاها شويه _ كيران بصت لكريم بستغراب
كريم:- كيران ديه اشراقت وديه دنيا
كيران:- اهلا وسهلا اتشرافت بحضراتكم
دنيا واشراقت:- احنا اكتر
كيران:- روح يا كريم وهما هيقعدوا معايا
وراح كريم لا اصحابه ونزل معاهم البحر وكيران كانت قعده معا اشراقت ودنيا جابت كرسي وقعدة جنبهم
اشراقت:- كريم قالي انك بنت عمتو
كيران:- ايوه
اشراقت :- بس خايف عليكي زياده عن اللزوم ليه اوي كده
كيران:- لاني مش بخرج لوحدي ومش بعرف اتكلم معا حد علشان كده بس
_ وفضلت اشراقت تسأل كيران وهي تجاوبها بكل طيبه ونيه صافيه لكن اشراقت لاا ' وسكتت شويه وقالتلها ليه لبسه بنطلون وتشيرت بنص
كيران:- كده مش بحب البس بحملات ولاا كات وكمان كريم بيزعقلي وكويس انه راضيي البس بنص واكون بشعري
اشراقت:- ليه وهو ماله
كيران:- هو بيتعصب وده طبعه
دنيا:- كيران بعد اذنك هنروح ونبقا نشوفك تاني
كيران:- ماشي
وقامت دنيا وشدة اشراقت من ايدايها وبعدتها عن كيران
دنيا بذهق من عمايل صحبتها :- حرام عليكي هريتي البت اسأله في اي
اشراقت:- وانتي مالك طلاما مش هتفديني اسكتي أحسن انا دمي بيغلي
دنيا:- ليه ديه حتي البنت باين عليها غلبانه اوي واللهي انا حبتها ومش عارفه مالك ومالها
اشراقت:- حبتيهااااا اهو ده اللي انا خايفه منه انه يكون بيحبها و دا الاكيد اذا كان انتي مكملتيش معاها دققتين و حبتيها اشحال هو بقا
دنيا:- بصي يا اشراقت يا حبيبتي كل واحد بياخد نصيبه
اشراقت:- وانا هخده حتي لو بالعافيه ماااشي
دنيا:- مفيش فايده فيكي والله وأخرت طريقك دا ذفت علي دماغك _ وسابتها ومشيت
----------
_ وعند كيران كانت قعده بتسال نفسها ليه اشراقت سالتني كل ده وقطع تفكرها كريم
كريم:- كوكو مالك
كيران:- مفيش يعني جيت
كريم:- هقعد معاكي شويه _
فون كيران رن
كيران:- الو يا ماما
شهد:- عامله ايه يا كوكو وكريم عامل ايه
كيران:- الحمد لله يا ماما كويسين انتو عاملين ايه
شهد:- الحمدلله كلنا كويسين معاكي فريده اهي عايزه تكلمك وبعدين اديني كريم
كيران :- اذايك يا فريده
فريده:- تمام الحمد لله اخبارك ايه
كيران:- الحمدلله
فريده:- شوفتي الحاجات اللي في الشنطه
كيران:- لاا لسه
فريده:- لما تشوفيهم قوليلي رائيك ماشي ،وكمان لو في حفله بلليل هتحتجيهم
كيران:- ماشي ادي التلفون لماما هتكلم كريم
شهد:- الو يا كيمو
كريم :- اخبارك ايه يا شوشو
شهد:- الحمد لله انت عامل ايه
كريم:- تمام _ كنتي عايزه حاجه
شهد:- خلي بالك من كيران متسبهاش أنا قلقانه يابني وقلبي مقبوض
كريم:- في عنيا يا شوشو متقلقيش
شهد:- ماشي سلام في رعاية الله
كريم:- سلام
وقفل كريم معا شهد واده لكيران الفون
كريم :- يلا قومي تعالي معايا
كيران:- هنروح فين
كريم:- هنتمشا شويه ولا عايزه تفضلي مكانك
كيران:- ماشي
وقامت كيران وكريم يتمشوا واشراقت كانت هتموت من الغيره وكريم كان بيجري ورا كيران وفضلوا يلعبوا وكانوا مبسوطين اوي وبيضحكو من كل قلبهم و بعد شويه جه شاب قطعهم وقال لكيران:- لو سمحتي يا انسه
كريم:- افندم هو أنا مش مالي عينك ولا ايه
الشاب :- لاا العفو من حضرتك بس في واحد بعت بوكيه الورد ده للانسه
كريم:- فين الشخص ده وهو مين _ وكانت عيونه معبره عن عصبيته وغضبه
الشاب:- معرفش والله بس هو قال كده _ سلام
وساب كريم في غضبه وفتح بوكيه الورد وكان فيه كارت مكتوب فيه(نورتي شرم يا مولاتي وملكة قلبي)
وكل ده وكيران ساكته ودموعها نزله بس
كريم بعصبيه:- بتعيطي ليه ممكن تفهميني
كيران:- كريم انا خايفه هو مين ده أنا معرفش حد والله 
كريم غمض عيونه و رجع شعره لورا وبيحاول يهدي نفسه
كريم حط ايده علي كتفها:- متخفيش انا معاكي وانتي مش محتاجه تقولي لي إنك متعرفيش حد
حضنت كريم وفضلت تعيط وهو فضل يتبطب عليها
كريم:- انا قولتلك متخفيش انا معاكي _ تعالي اطلعي ارتاحي شويه
كيران:- لاا انا خايفه اوي يا كريم وعايزه اروح
كريم:- يا كوكو بطلي خوف شويه وانا مش مالي عنيكي ولا ايه يابت انتي
كيران:- بس انا عايزه اعرف مين ده
كريم:- خلاص حصل خير كأن مفيش حاجه حصلت
رن فون كيران
كيران:- الو يا مي
مي:- الو يا كوكو عامله ايه
كيران:- تمام الحمد لله انتي عامله ايه
مي :- لسه فكره يا ختي مانتي ما بتساليش
كيران:- يا كدابه مفيش غير يومين بس
مي :- ايوه يا عم ما أنت ف شرم هتفتكرني
كيران :- لاا والله مش حكاية شرم ولا حاجه
مي:- المهم انتي مبسوطه
كيران:- مبسوطه أوي أوي
مي :- أنتي و كريم بس صح
كيران :- ايوه لكن ليه
مي :- عادي يا قلبي بسأل بس ، طيب سلام وهبقا اكلمك تاني
كيران::-سلام
بعد ما قفلت معا مي فضلوا يتمشوا شويه وبعدين قعدوا يتصورو سوا و لؤي راحلهم وهما قاعدين وقعد جنب كريم
لؤي:- ايه يا عم منفضلنا ليه ولا أنت مش جاي معانا اصلاً
كريم:- انت جيت ليه كنت نادي عليا من بعيد وأنا أجيلك ، ويلاا اتفضل قوم
كيران:- لاا هقوم انا اتمشا شويه
كريم:- لاا خليكي احنا هنقوم
كيران:- انا عايزه اتمشا شويه
كريم :- ماتبعديش عن هنا ماشي
كيران :- حاضر
ومشيت كيران ولؤي وكريم قاعدين
لؤي :- ممكن اقول حاجه يا كيمو
كريم:- احكي
لؤي انت مهتم  بكيران اوي كده ليه
كريم:- علشان هي جايه معايا ومسؤليتي
لؤي :- اممممم بس كده
كريم:- ايوه
لؤي:- اصل بصراحه هي عجباني
كريم بغيره وعصبيه واضحه جداً :-نعم انت بتقول ايه ومسكه خنقه من لياقت التيشرت
لؤي:- اهدا يعم مش قصدي والله بهزر بس ،و كنت عايز اتاكد من حاجه وخلاص
كريم ولسه ماسك رقبته :- تتاكد من ايه
لؤي :- انك مهتم بيها علشان جايه معاك ومسؤليتك وبس
عند كيران كانت ماشيه وتركه شعرها الناعم للهواء يتطاير معه ومره واحده اترامت عليها وارقه لفت حولها ملقتش حد هي راحت اخر الشاطئ اخدت الورقه وفتحتها وكان مكتوب فيها (انا محدش يقدر ياخد مني حياتي وانتي حياتي يا كيران وهو مش هيقدر يحميكي ولا يبعدك عني ياااا مولاتي ❤ أحبك ملكتي) اخدت كيران الورقه وجريت علي كريم اللي كان قاعد لوحده وسرحان والدموع علي وشها وجسمها كله بيترعش من الخوف
كريم:- بخضه وقلق حضنها :- كيران مالك في ايه
--------

رائيكم في اشراقت والشخص اللي مش عارفينه
شجعوني بأي كلمه 🙄
✍️
منار عبد الرحمن (مونه)