احببت شخصاً كالجليد (مكتمله )

البارت الرابع

السلام عل من رد السلام
للكاتبه بنت جبور
رقيه غانم

NotelJubouri

تره اليستر بنات الناس يلكَه الناس
ساترته والمأيعشك حلال يطيح
ستر اخته

.
.
.
.

اجتي امي وكفت بصفي شايله كلاص الجاي ولفه جبن

ام ليالي:- دهاج اخذي منو مداريج غيري
اذا ازوجتي يطيحون حضج وبعد محد بحالج

:- هههههه هاي مسويتلي لفه جبن ومداريتني خرب حضي

نجبي لج لعد شتردين اسويلج محترمتج
هاي الامهات كلشي ميسون الصنيه
تجي ليمهن

ليالي:- خرب انه فتحت باب عليه
يمه شو انطيني اللفه خلي اكلهه
واسكت
ما ضلي وكت باوعتلي صفح
وكالت ست ليالي تره اليوم الغده عليج
اريد اروح متت بس انضف ومحبوسه
بلبيت ادري جأيبني فصليه

ليالي:- شبيدي روحي كولي لابويه
هل حجي☻ (طبعا امي وابويه علاقه
حب ٣ اسنين جيرانهم كله من الحايط يحجون وشباج الغرفه مال غرفه البنات
يعني خألاتي يطل عل بيت جدي اهل ابويه.،، )
ابويه يحبهه حب كأرثه ويغار عليهه
واربع وعشرين ساعه لازم هيه كبال عينه
وامي خطيه طأيحه بيهه  هههه ....

سحبت الجنطه وطلعت للمدرسه
بطريق مريت بعماره ومن ضمن العماره
مكتوب( المحاميه فلان الفلاني،،) صفنت بلأسم وكالت الله شوكت اصير محاميه
وهيج اسمي ال اصير احسن وحده بلبلد
غير استقر حميت  من صباحيات الله خلي اكمل طريقي احسلي وصلت بلمدرسه كمل يومي
عادي روتين نفسه بس اليوم ختام ماكو
مأ جايه تفجائت اول تالي ....رجعت للبيت  فتحت الثلاجه بس المي بيهه حته طماطه ماكو صارت عيوني براسي هسه شأكل
خابرت امي ردت

:-ست سمسم شأكل حصوه مخليه
بس المي بثلاجه

ام ليالي:- يا ربي يا ربي اخذني يمك
شكد ثوله دخيل ربج  هسه انتي دورتي
عدل باوعتي للمطبخ بله اخذيلج نضره
وانتي عل خط

:- بلعت ريكَي من الخوف شفت عل كامنتر علاكه فتحتهه لفات همبركر
سكتت

ام ليالي:' ها يصخام الله يساعد الياخذج
امه داعيه عليه بليله ضالمه
ال اكول واصيح من يجون بنتي ثوله
وصخه

ليالي:- ليش يمه ليش كلت باجر عطله
وامي مموجوده انصف البيت واشيل
الزوالي

:- ها يبعد رويحتي حبيبتي ليالي
يمه انتي تستعجلين ميصير الخفه
مو حلوه ادور بثلاجه اشوفهه شبيهه

ليالي:- هههههههه  يابويه شهل
تحول ٣٦٠ درجه مع سلامه يمه باجر
رجعي من الصبح ما اوصيج...سديت الخط وخليت علاكه بصنيه واكلت لفتين ونص باوعت عل نفسي وين الانوثه وين
الرقه بلموضوع لا هاي لفه ريوك صبح ولفه الغده واني جايه من المدرسه
اي اي هسه شسوي اروح ابدل قبل
لا يجي محمد