سما هنانه كاعد تحجي من كل كلبهه تره هيه طيوبه حيل وذا حبت تحب من كل كلبهه ومتعرف تجذب يعني التكرهه تكله اكرهك عادي جدا لانه هيه صريحه . .....
امير ... سما جانت تحجي واني صافن عليهه هايه صدك ووف شكد حنونه ..همزين سجلت لانه هلشي يفيد بلقضيه ومرت يومين وصار الخايف منه وشتكو واني رحت وقدمت التسجيل للمحكمه وكتلهم اذا اكو هيج ام تسوي علمود ابنهه كولولي بس محد يسوي هيج ولا يحب هيج تره هيه من جد تحبه
فاتت الايام ولسه ماكو قرار بحضانه علي .. وسمعته ماعد تحجي ويه امهه نفس الحجي وبعدين كلتلهه اني مارح اخلف من امير اني عندي بس علاوي بالدنيا كلهه وجوز علاوي يدخل مدرسه يله افكر اخلف وسدت الموبايل بوجهه دخلت للغرفه وكتله اني شسمعت كالت امير حباب اني علاوي مداريته بس شلون ادير بالي ع ثنين وبعدين لازم ادير بالي ع نفسي وع طفلي وع علاوي صعب تره ... قنعتني بكلامهه وكتلهه مثل متريدين ... وطلعت وجه الحكم وكالو علي حضانه يمنه 10 سنوات رجعت بشرتهه وكالت هاهيه ... ومشينه بحياه سعيده وصديقي كيان جان مسافر لندن وهسه يله رجع ف اجه بليل وبيته ببيتي وواني وسما بايته بغرفه علا وصديقي بصاله بس اني كعدت الصبح وداجيب هدومي من فوك وسمعت سما تصيح امير امير
نزلت لكيته واكف وهيه منتجيه ع الحايط وخال راسه بركبتهه ويكلهه كافي درينه شريفه حظرتج ..
كيان ... اني صديق امير المقرب منه وهوه يوثق بيه كلش سافرت وعفته ستوه عنده طفل ورجعت بقيت يمه بس الصبح كعدت لكيت يمه بنيه يمه تجنن بس هاي مو علا اني اعرف علا هاي منين وووف بس تجنن خل اشوف خاف مربيه بين مدخلت وضلت صافنه عليه معرفت شتسوي وتقربت منهه وكالت تره اذا تقربت اكثر .. وماحجت كتلهه شيصير كالت تره تره واني تقربت عليهه حيل وكفت كدامهه وهيه ع الحايط وصاحت امير امير ..واني راسي بركبتهه كتلهه كافي ادري بيج صرتي شريفه براسي جان دفعتني وكالت اني مرت امير يا حيوان 😢😢😢وخر عني .. اني نصدمت وضليت اباوع اني شسويت ف رجعت ليوره وكتلهه اخويه والله اسف عبالي .... وسكتت دخل امير جان هيه شبكته وضلت تبجي لانه مثل العصفوره ماتت خوف دنكت راسي كتله والله مادري ماعرفهه اني كلي هاي مرتي حيوان طلع بره .. اني دنكت وكتله صار .. وطلعت ..
امير .. شفته هيج كلهه بس هيه كلتله مرت امير وعتذر منهه ودخلت وكتله هاي مرتي وعتذر مني وكتله اطلع بره وهوه طلع ماجادلني ووكف بلباب وكال والله اسف خويه واترخص .. واني شبكت عصفورتي وضلت هيه تبجي 😡😡كتلهه وانتي تعرفين بس تبجين كالت وهيه تبجي بشهكه والله مالي علاقه وسولفت الصار مثل ماكلكم كيان .. امير ..من طلع كيان حجتلي سما شصار وطلعت من البيت ولحكت كيان لكيته ضايج لانه صيحت عليه صح هاي اول مره ارزله حاجيته وعتذرت منه وسولفتله ع الصار من اول ماسافر لهسه وكال والله اسف خويه اني مادري وانت صديقي الضلع مازعل منك وتشابكنه ...
وكال اني مقرر ازوج بس ماكو شريكه حياه مناسبه كتله ان شاء الله تلكه ف رجعت للبيت ولكيت سما ع نار كتله حبيبتي شبيج كالت همزين جيت شوف هذا الرقم منين جاوبت طلعت بنيه فتحت سبيكر كالت مرحبا مو رقم سما عفيه اذا موجوده اريد احجي وياهه كتلهه منو حضرتج باوعت ع سما جان تكول كلبي وجعني عرفتهه هاي بتول كتلهه منو انتي كالت اني اسمي بتول اريد احجي ويه سما تعرفهه انت كتلهه اي اني زوجهه ونطيت التلفون لسما وعفتهه تحجي وياههه وهيه بعيونهه دموع بس طايره فرح (خل اعرفكم منو بتول سما عدهه 2 صديقات وهنه جانن 3 مرح كلش ويحبن ونسه وروح بروح وحده توفت اسمهه ياسمين وهاي بتول نفس عمر سما وكلش حبابه وعدهه اخو جبير هوه السبب بزواجهه بالمستقبل )(امير خله سما تتقرب من بتول لانه نفسيتهه رتاحت وبقن دومهن ع ذكر ياسمين ومانسنهه ابد وفد يوم من الايام كيان يم امير واجتي بتول واخوهه لبيت امير همين وشافهه كيان ونعجب بيهه كلش هواي بس محجه بعدين من طلعو صاح كيان ع سما وكلهه خويه لكيتهه هيه هاي زوجتي المستقبليه كلتله صدك والله كلللوووش (تره سما وكيان نسو الصار من زمان يعني همه هسه تقريبا اخوه)ودارت الاحداث وحظر كيان بيته واخذ بصف امير من الجهه الثانيه يعني صار(محمد-امير-كيان)وامير بالوسط وقبلو اهل بتول وتزوجو وكامو كل سنه يحيون ليله سنويه صديقتهن ومانسنهه مشت السنوات وسما تدلل علوش ومره سالهه امير بليل كلهه انتي شلون كاعد تربيه يعني ع اساس شنو كالت اني كاعد انطيه احله 5 اشياء ممكن يتعلمهه ... برايكم شنو هاي الاشياء خلونه نشوف ....
1 يحب امه علا ويدعيلهه
2 الاحترام لكل الناس
3 يتعامل ويه البنات برجولهه يعني مثل ما امير يعامل نسوان اصدقاءه بحدود وحترام
4 وانه كل دنيته شي ونحنه شي ثاني
5 من يتعصب يسكت لحد ميهدء ويحجي بنزاكه وترتيب
(ع فكره علي عمره صار 5 سنوات وهوه حافض ذني الاساسيات ويتعامل ويه الناس بشكل صحيح وهوه من يحجيهن سما تحس نفسهه طايره بيه صدك حبته لعلي وتخاف عليه من روحهه) وجان سما كل عيد ميلاد فكره وشكل جديد ومفاجاه للجميع وبتول صار عدهه طفل وكبرو سوه ودخل علي للمدرسه ورجع كال ماما ليش اني عندي امين (هذا السؤال الجانت سما تخاف منه )كلتله ماما اني عندي مامات ثنين كلهه شون كلتله اني عندي ماما ام امير وماما امي صح لو غلط ... وبعدين كلهه ليش عافتني كلتله مو جان لازم لو اني لو ماما علا كلهه يعني هيه متحبني وعافتني وانتي بقيتي يمي كلتله لا هيه عدهه شغل بالدنيا خلصتهه وراحت للاخره واني همين اخلص شغلي واروح للاخره وبابا وانت كلنه نخلقنه نكمل شغلنه ونروح للاخره .... امير ... اني دا ادخل للغرفه وسمعتهه هيج تحجي رتاحيت لانه رب العالمين نطاني هيج بينه تحبنه وتخاف علينه
كملت حجي وشبكته لعلاوي ودخلت وضلينه نسولف ونظحك ونلعب ... ومشت السنوات وصار علي عمره 11 سنه وخلصت مده الحضانه ورحنه محكمه وكال علي اني ابقه يم بابا وماما سما وماريد بيت جدو وكبرنه ..... وصار عمره 19 سنه ونحنه روتين وشغل ودراسه وسما كملت دراستهه متحنت خارجي وجابت الكليه التريدهه ودرست وتخرجت وصارت محاميه واخذت ماجستير
وبعدين دكتوراه وصارت الدكتوره المحاميه سما .... بس ماشتغلت علمود علي يعني هيه متكدر تعوفه
وحته من كبر ماعافته واجه علي وطالع قبوله بالجامعه مال لندن وطلع من البيت وخذ روحهه لسما ويا .....
بارت اليجي مليان مفاجاأت
..........
