..... امير ... وديتهه للقبر مال صديقتهه وشفت حيلهه نهد ضليت حاير شسوي صعب اشوفهه منكسره كدامي وما سوي شي
كتلهه حبيبي اني يمج ومن هالحجي المهم خذتهه وره ساعه ورجعنه للبيت وصلنه ولكيتهه نايمه مدري مغمى عليهه لانه تعبت حيل وبجت هوايه وهيه بلا اكل نزلت ونزلتهه وصعدتهه شيول تلكاني محمد كال هاي شنو كتله تخربطت كال هسه خلي مرتي تصعد وراكم انتظرني خاف بيهه شي كتله خوش ... *تره امير ساكن بمجمع مال ضباط يعني منطقه وحده وبيوت واحد بصف الثاني ومحمد بصفه وعدهم باب مشتركه لان اصدقاء ..
صعدت مرت محمد وسما تسوي علي ..علي وينه ..كتلهه هذا يمي
المهم كعدت ومابيهه شي الحمد لله بس مكسره من التعب وكلتهه ونامت ونيمت علوش وخلص اليوم والاسبوع الوراه يله بدت ترجع تضحك وتسولف وكمت اسمعهه تتهارك ويه امهه لانه امهه متريد نبقي اشياء علا بلغرفه يعني نذبهن علمود متظوج صدك ضجت بس ردت اشوف رده فعل سما .. ماما اني كتلج مستحيل اغار من علا لانه علا مرت امير امهه يعني شنو سما.. يعني من توفت توفت وهيه مرته وحقه يضوج وحقه يشتاقلهه بس لو منفصلين هوه وياهه اغار بس هسه هيه مرته وبعدين سمعت عنهه حبابه ليش هيج تسوين انتي
اخذو فتره همه يحجون بنفس الموضوع خلال سبوعين همه نفس الحديث ....
بعدين اجه يوم كلش صعب يلي هوه يوم الحادث دخلت لكيت سما شابكه علوش وتبجي وتكله شنو ذنبك تعيش هيج بلا ام ووف الله ياخذه الجان سبب وجرتهه ب اوف طويله وسكتت دخلت لكيتهه تباوع عليهه ومدمعه عيونهه يعني منقهره عليه (هففف اني الكاهه منج مني يعني اذا انتي متعرفيهه هيج ضايجه اني شون بيه )بيني وبين نفسي ف كتلهه. هاي حبيبي شونج كالت تمام وانت كتلهه يي تمام كالت تاكل شي كتلهه لا بس عادي ترحين وتاخذين علي كالت صار ... اخذت علي وراحت للمطبخ باوعت ع صوره زواجنه اني وعلا وختنكت وضليت ادور بغراضهه صدك اكو فراغ بداخلي اني احب سما بس علا ام ابني ماكدر انساهه
درت وجهي لكيت سما غاصه بدموعهه وتباوع عليه شافتني درت وجهي وتقربت عليه وخلت ايدهه ع جتفي وكالت تهون حبيبي تهون ..اني هنانه صدك حترمتهه وحسيتهه تقدر اللي اني بيه
ف مشت الايام ويوم رجعت لكيت اهل علا يمنه وسما بالمطبخ ميته بجي كتله شبيج حبيبتي كالت يريدون علي امير والله مياخذو والله اموت كتلهه حبيبي ميكدرون
ياخذو ..ف رحتلهم وضلينه نحجي وماقبلو يتفاهمون وعافوني وطلعو وتوعدو بمشاكل ومحاكم كتلهم الله ويدكم شتكدرون سوو
رجعت لكيتهه شابكته وتكله والله لو اعرف اموت ولا خليك تربه بعيد عن ريحه امك (قصدهه علا يعني بين غراضهه وريحتهه )رتاحيت من سمعتهه هيج كبل جتني فكره انه اودي تسجيل للباحثه الاجتماعيه وتشوف سما شكد تحبه يعني مارح تاذي لو تعذبه وهوه طفل كلت خل اسجل شغلت التسجيل مال الصوت ودخلت كتلهه سما اريد احاجيج كالت ثواني نيمت علاوي وجتني ... سما ... وره ماطلعو اهل علا ضليت بس ابجي وفكر شون بيه بدون علي وكتله لو اعرف امو ولا خليك بعيد عن ريحهه علا
ودخل امير وكال اريد احاجيج نيمته علي ورحت يمه ... كال حبيبي اني اكول ننطي لاهلهه ونخلص واني ونتي حياه جديده ونخلف بيبي جديد ونربيه سوه شتكولين ونشيل هاي الغراض
..سما ..كتله امير نحجي هسه احسن من بعدين واني مو كدامك بس بصوره عامه علي لو اخلف 10 جهال ماحبهم بكده و غرفه علا احسن حته يتربه ع ذكرهه ويدعيلهه من يصلي ومن يدخل مدرسه يعرف عنده ام مو يجي يكلك اكو اسم غير اسم سما بالجنسيه مو صح لو غلط امير ووو هسه نحنه نعلمهه عليهه ونعلمه يحبها وومنخليه يكول شنو يعني امين عندي لا نعوده عليهه ونظل نشوفه صورهه ونسولف عليهه كدامه صح لازم اضوج بس هاي مو الي هاي لعلي لانه جوز تصير مشكله عمره اذا كبر وميدري بيهه من جهه ومن جهه ثانيه مستحيل اخلي بعيد عني وكمت ابجي وكتله انت تطلع 6 ساعات شغل وين اروح لما علي مابقه ساكته جان متت من الانتظار يعني 6 ساعات وحدي حته اخاف وكمت ابجي بشهكات ... **ملاحظه تره سما كاعد تحجي من كل كلبهه مو حته تكسب امير **
