#اسيرة_الشيخ_شاهين
بارت 6
صباح الخير عليكم غوالي رجعتلكم من جديد ❤️
الدكتور..خلي ايمانكم بالله قوي
شاهين..دكتوور شنو السالفه شبيها زوجتي ترا وكعت گلبي
...زوجتك بيها الخبيث وللأسف جيتو بوقت متأخر جدا
منتشر بكل جسمها
وهسه هيه بمراحل المرض الأخيره
ضليت مصدوم مثل الواحد وضربني على راسي
خله الدكتور ايده على متني وگال ...هذا اختبار الكم من الله
لتياسون من رحمة الله
بعدها عافني وراح ...سمعت شهگات وراي التفتت واشوف علاهن مخليه طرف عبايتها على حلگها وتبجي
اجيت يمها حصرتني البجيه
شحجي وشگول وهيه عرفت كلشي مو مال اجذب عليها ..دنگت راسي مغمض عيوني
اريد اتمالك صبري ومااضعف گدامها ...خليت ايدي بأيدها ومشيت
اجرت سيارة ورجعت للبصرة
بدون اي كلام دار بينه ..هيه جانت دايرة وجهه ع الجامه ودموعها تحجي بدل عنها
وصلنه للبيت فتحتلها الباب ودخلنه جانت امي گاعده
بس شافتنه گامت
...هااا يمه شگاللكم الطبيب
ليش ماتحبل مرتك
شاهين ..باوعت ل علاهن بجت وركضت لغرفتها ..
يمه ه مو وكتها
بسعاد...لا شنهي موش وكتها
شبيها علاهن تبجي
بس لا الصوج منها ..اي انه عرفت هيه الماتجيب منها السبب بس لاضوج يمه ازوجك الأحسن منها
صحت بيها ...يمه الخااااااطر الله كاااافي
گتلج مو وكتها
صعدت ورا علاهن جانت گاعده على طرف الجربايه وتبجي بصوت عالي
گعدت يمها وضميتها لصدري ..لا تبجين
وداعتج اخذج للخارج واسويلج تحاليل ياهو اليگول تحاليلهم مضبوطه
علاهن..بصوت متقطع..راح امووت شاهين
...لاتگولين هيج ياگلب شاهين
اذا رحتي روحي تروح وراج شلي بدنيا مابيها انتي
علاهن..كله مني
چيف ماخذت حچي ابوي وتزوجت غصب عنه
كله منييييي هاي حوبته طلعت بيه
...لاتبجييييين مو زين علييييج كااافي
علاهن ..بصياح. وبجي ...گاليييي عساج ماتتهنيييين دعا عليه ابوي
ودعائه ماطاح للكاع صابني
شاهين ...هذا قدر مكتوب عليج
بس تتعالجين والله ماخليچ بس لاتبجين مو جاي تگطعين گلبي وتعذبيني
مسحت ادموعهه خليتها لمن تهدأ شويه
نطيتها العلاج وبيه مسكنات حسيتها نامت غطيتها وطفيت الضوه
طلعت من الغرفه ..اريد اطلع برااا مختنگ واحس الدمعة بطارف عيني
بسعاد..يمه شاهين شبيكم صوتكم طالع
شعدكم ماتفهموني
هاي هم عاجر وهم تصيح
شاهين ...يغمض عيونه ويحجي..يمه علاهن بيها سرطان وراح تموووت ارتاحيتي
حجيت هيج واحس نار وجت بصدري طلعت عنها
أنت تقرأ
#اسيرة_الشيخ_شاهين
ChickLitليش ولج ...تغدريني وتنهزمين مو هذا السويته كله علمودج ضحيت بحبي ..بس حته مايكتلونج وتطبق عليج اصول العشاير تالي بكل سهوله تنهزمين وياها ليششش يحجي وراص على اسنونه ..مو بيدي شاهين لاتلومني والله ضحكو عليه وقشمروني سامحني ابوس ايدك ..تركع يم رجله وتب...
