❤️❤️❤️❤️❤️❤️❤️❤️
هلو حبايبي اشلونكم
انتمنه تنال اعجابكم القصه
للكاتبه nosa@
❤️❤️❤️❤️❤️❤️❤️❤️
مرام - كعدت من النوم اباوع عله الغرفه بيظه ماما جانت كاعده بل السرير الي يمي
ركزت عرفت اني بل المستشفه
امي يمي كالت
ماما - ها بنيتي شلون صرتي
مرام - واني بل الكوه امركزه اجاي تحجي
كتلهه زينه باوعت عله ايدي بيهه مغذي
اني عمري او حياتي محاطتته
كلت ويه روحي اني ليش بل المستشفه
ماما - اتريدين شي ابنيتي
مرام - يمه ماريد شي بس المغذي ظوجي شيلي
ماما _ ما بقاله شي هسه يخلص
مرام - طلعت روحي بس اريد المغذي يخلص
واخيراً بعد العناء خلص اجتي الممرضه شالته
كتله ماما يله خل اروح
ماما - ارتاح اشويه بين ما يجي ابوج
مرام - وره هيج نص ساعه اجه بابا
اخذنه كال هابابا شلون صرتي كتله الحمدالله
رجعنه لبيت اتحمدولي عل السلامه
مرت الايام او هذه الاسبوع ماداومت او حسين اسوء من حال
صار يوم الاربعاء بل الليل صفنت
كلت اني التهيت اب سالفه حسين ونسيت سالفتي
باوعت معقوله اني راح اصير ملك لحبيبي
احس كلبي كام ايدوك عل السريع بمجرد فكرت بيه
معقوله اتحقق حلمي
كعدت لازم اداوم باجر طبيت سبحت
حضرت اهدومي مال مدرسه
نزلت كلت الماما كعديني باجر اداوم
ماما - بكيفج
صعدت نمت
كعدت الصبح رحت للمدرسه ممل ورده ماكو افتقدتهه كلش
انوب جنت غايبه اهواي واجبات منطيني
رجعت للبيت واني هلاكانه
طبيت للبيت ماكو شي جديد صار العشه
بابا كال حضرو روحكم باجر جدكم راح يجي يمنه
ماما- خيرر ان شالله خوما اكو شي
بابا - والله علمي علمج كالي راح اجي عل الغده او بس
احسين ذب الخاشوكه حيل او كام من الاكل كال الحمد الله
مرام- حمدالله شبعت
ماما- تعاي كملي ماعونج لاتخلين بيبيتج تحجي عليه
مرام - ههه اسمعي او طنشي
كمت رحت حظرت اهدوم خظيت جسمي
شعري كويته
نمت كعدت الصبح عله صياح امي كالت كومي
يله كافي نوم تعبت وحدي
كمت بلكوه
لبست ملابسي نزلت عطرت البيت
شغلت بخور بل الاستقبال
شفت من جوه بابا الحوش سياره عرفت مال جدي
كمت اصيح بل البيت اجه جدي اجه جدي
حسن - اي افتهمه احد كالج احنه طرشان
مرام - يمكن
حسن - اشكلتي
مرام - عباله راح انكر كتله ابصوت عالي يمكن
او ركضت رحت عل باب فتحته طب جدي سلمت عليه بست ايده واني اللهث
بسته كتله هلاو جدو اشلونك كال زين باوعت ماكو حبوبتي
كتله شنو حدو بيبي مااجت
جدو - او هوه يمشي حجه كال لا ماجتي
كتله ليش
جدوه - اتلحك تجي عدنه مناسبات اهواي طب وراه عمي اليغير
مرام - مافهمت قصده سكتت طيبت جوه
بعدين دك الباب راح احسين فتحه طلع عمي هوه او نمر
كمت اباوع عليهم من الشباك اجت مرت عمي هيه او ضحى بس سجى ماكو
اباوع عله ضحى اشلون اتباوع عله احسين او هوه مامهتم
اجتي مرت عمي سلمت عليهه كالتلي هلا ببنيتي
شلونج
كتلهه زينه حمدالله
سلمت عله ضحى ابحراره ما اعرف بس يمكن نزلت الحنيه علينه
ههه
بابا كال يله صباً ما ضل وكت كعدنه انصب مرت عمي حجيهه خفيف تنحط بلكلب من وره اللسانهه ضلينه نضحك
واني او ضحى هيه اصب التمن واني احط فوكاه الشعريه
كملنه كامو يجون الولد ياخذون الصواني
اني شلت الصينه دانطيه طلع ابوجهي نمر انطيتياه بدون حس
بس احس كلبي يدك طبل
صاح النه جدو كال يله تعالن اكلن اني كتلهم ما اجي استحي اكل
اهنا ماما كالت ابكيفج
ضحى كالت لعد تعاي انصب صينه اني وياج فهمت شعورج مثلي
ضحكت كتله يله امشي انصب
صبينه اصلن ما اكلنه خلصناهه كله ضحك
اخررر شي صمعت اعياط جدو كال وينهن ذني
تعالن اهنا
كمزنه ابساع لزمت ايدهه اخاف
وكفنه اباب الاستقبال
كالت ضحى - اؤمر جدو
جدو - تعالن اهنا اكلن
رحنه كعده ماما سوت النه مجال باع الحظ منو كدامي
نمر
ما اكلت اصلن الزلاطه كدامي اكلت خاشوكتين منهه
او كمت كلت حمدالله مرت عمي كالت مشفتج اكلتي شي ابنيتي
مرام - حمدالله عمه شبعت (متدري اني جنت اكل بل المطبخ )
رحت غسلت
كعدت بل المطبخ اخفف منه صاح بابا كالي جيبي خاولي
رحت اودي خاولي شفت نمر كاعد يغسل كلت اتاني يطلع لو لا
اوفف طبيت يمه علكته كلت هاذه الخاولي عود
او طلعت لازمه كلبي
اجه حسين - مرام صبي جاي بساع
مرام - ماشي ثواني
صبيته اجه اخذه مني كال لاتخلين احد ايفوت من النسوان بل الستقبال
مرام - ليش
حسين - مادري بس جدي كال هيج
راح
ظلينه نص ساعه كاعدات
اجه حسين وجهه مايتفسر
حسين - جدي يصيحلكم
راح
رحنه كعدنه بل الاستقبال
جدو - احنه ذاك الاسبوع اتفقنه انزوج الولد ويه بناتنه
واضن انو ماحد عنده اعتراض
عمي - بس يابه خل نأسئل البنات خاف عدهن اعتراض
جدو - او من اشوكت ناخذ رائي النسوان احنه شنو ماعدنه كلمه
اوبعدين همه ولد عمهن وين يلكن بعد احسن
حدد موعد الخطوبه انشالله ابنص السنه
حسين - بس جدي اني صف سادس مالحك واني عدت السنه علمود معدلي خاف التهي انوب اضيع عليه هاي السنه همين
بابا - والله اني اتفق ويه حسين
جدو - اني كلت شي وانتهى نص السنه المنهر والخطوبه
اوهاهيه صاح عمي الصير كال يله خل اروح ماضل وكت قبل لاضلم الدنية
بابا - بعدوكت ليش متبات يمنه
جدو - غير مره اجيكم ان شالله واتفق انته او اخوك عله كلشي
بابا - انشالله يابه
مرام - راح جدو واحس روحي الاطرش بل الزفه طبعاً ضجت من جدو لان ماحترمنه او اخد رائينه ابهيج موضوع ايخص حياتنه
المهم خلصنه كعدو بل الاستقبال يتفقون عل العرس
اني رحت بل المطبخ اعززل ًاني افكر بي انو هوه رايدني لو لاء
اجتي ضحى ساعدتني بل التنضيف
طبعاً ضحى انحطت نفس موقفي بس مادري اذا هي عدهه مشاعر تجاه اخوي
عززلنه المطبخ واحنه امغلسات عل السالفه طبعاً ضحى طلعت حبابه اني جنت حاكمه عليه انو متكبره عليه جف عود هيه احله مني
بس والله طلعت طيبه (لاتحكم عله احد من غلافه )
طلعت ماما كالت عفيه ابعروسته والله نادرات
خلود- غير هنه ميحجن
مرام ضحى - هههههه
كعدنه انسولف -
ماما - جنت ماكله هم اشلون راح يصير بيتي بدون بنتي
والله شاهد انو ضحى بمعزت مرام
خلود- والله زين سوه عمي خلاهه بوحده ابوحد علمود من حس
هم بنتي بيد امينه او هم ابني ازوج الي راديتته
———- تعرفون سوالف النسوان متخلص لو انزل ميت بارت
مرام- صارت دنيه لليل صاح عمي كال يله وينهم
خل يجون راوح بيت عمي سلمت عله ضحى ابحراره كالت بيباي مرت اخوي
- احس ابهاي الكلمه الدنيا ملكتهه
راحو
واني صعدت ابغوفتي
رحت صليت واتوضيت قريت قران ابصوتي
احب التلاوه او صوتي حلو لابأبس به 😊
كعدتمن النوم امي اتكعدني كالت كومي اقري علمود
العصر انروح للسوك
مرام - ليش
ماما- شنو ليش غير خطوبتج بعد اسبوعين
مرام - صراحه ماعرف ليش خجلت كتلهه اي ماشي
كالت حيجون بيت عمج هم
اني اهنا وكف كلبي كتلهه ليش
ماما- هم كالت ليش همه مو عدهم ابنيه ابكدج
اي يريدون اكيد نشتريلهه او شيترونله
كعدت غسلت اتوضيت صليت
رحت نزلت اتريكت كعدت اقره من الساعه ٩ الي الساعه٣ اني دك اقرايه لان جنت غايبه بلكوه خلصت
رحت ماما كالت تعاي اتغدي راح يجون بيت عمج
احس نفسي لعبانه كتلهه ماريد
رحت صعدت اخذت شاور بساع
طلعت شسورت شعري صحت من الدرج كلت يمه البس لو بعد وكت كالت عزززه اني طالعه ليش بعدج
كالت هيج اني كمزت اللبس الف الشال البس حذاءي المسات الاخير
الساعه مورد اخدود او شفه او مسكاره
لبس بنطرون كابوي او تيشيرت او فوكاه ستره لون وردي طويل
نزلت جاهزه
ضليت انتضر يمكن نص ساعه واذكر من اني فوك شون جنت مخبوصه اووووف يمه 😠
واخير اجوو طلعت بل الباب
جان اللكه
........
❤️❤️❤️❤️❤️❤️❤️❤️❤️
هلو حبابيبي شلونك
اسفه عل التأخيربس والله مو بيدي
للكاتبه @nosa
احبكم ❤️
أنت تقرأ
كفاك يا قلبي ذلاً
Romanceقصه - بلهجه العراقيه تتحدث القصه عن فتاة قلبها يعشق ابن عمها لكن لم يبادلها نفس الشعور ويتزوجان غصب وتحل عليهما سوء فهم ويدور الزمن تكون هي تكره ابن عمها لكن هوه يعشقها ووووووووو
