اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اصل كلمة كليجة😋 😋 يقال { على ذمة من قال }.. ان اصل كلمة كليجه جاي من قصة أمرأة فقيره متزوجه من واحد ( بخيل كلش ) .. هاي الزوجه جابت امهه العجوز لبيتهه حتى تداريهه .. رجلهه ( عينه ضيكه ) ويباوع على ام زوجته شتاكل وشتشرب .. الامايه العجوز خطيه كالت لبنتهه ( يمه بعد ما آكل كدام رجلج لان هذا يطلع اللكمه سم عليه ) .. وبما انه الزوجه تدري برجلهه شكــد ( بخيل ) كامت تصب أكل لأمهه من يطلــــع رجلهــه من البيت .. فـ , فد يوم الزوج ابو ( نفس الدنيه ) اكل الغده كله وطلع .. فالزوجه خطيه ما ظل عدهه غير بس طحين وتمر .. عجنت الطحين وحشته بالتمر وشوته بالتنوروراحت تقدمه لامها ..وجان يجي رجلهه .. ركضت الزوجه على امهه وانطتها العجين المحشي بالتمر وكامت تصيح ( اكلي أجة -- أكلي أجه ) يعنــــــي يمه اكلي بسرعــــه لان ( الشفيه ) اجه .. بس الام لان سمعها ثكيل عبالها اسم الاكله اكليجة ثاني يوم ( وصادف العصر ) امهه كالتهه يمه ماتسوينه من هاي ال ( كليجة ) .. ويوم وره يوم .. ومن واحد لواحد مشت كلمة كليجه على العجين المحشي بالتمر !!! اللي يدعم هاي الروايه ويثبت صحتهه انه الكليجه لازم يجــــي بعدهه كلمـــــــــة ( أم ) .. مثل كليجه أم التمر .. أم اللقم .. أم السمسم .. ام اللوز .. ام الفستق .. ام جوز الهند وكل عام وانتم بالف خير
