#احببت_عمياء (6)
"في شقة حمزه"
_في اي ياأم حمزه مالك مش ع بعضك
_الواد ابنك داه هيجنني ياابراهيم قالي هيبات بره النهارده
_طيب واي يعني هو صغير
_مش قصدي بس أنا خايفه من الحربايه الي هو بيحبها دي ولا اكنها سحرالو
_واي علاقتها بالموضوع دلوقتي
_مانا حاسه أنه بايت عندها اصل اسم الله عليها والدتها اتوفت
_لا حول ولا قوة الا بالله وبعدين ياستي هو ابنك صغير ما طالما بيحبها ماتسبيه
_انت بتقول اي انت اتجننت اجوزه لواحده عاميه مبتشوفش
_ياشيخه اتقي الله مش هي عجباه اله
_والنبي لو ع جستي البت دي مش هجوزها ابني ولا هتطولو
_طب أنا قايم انام بدل ماتعصب عليكي أستغفر الله العظيم
_روح ياخويا بلا نيله انت كمان
_____$
"شقة ملاك"
"اتعشو وخلصو اكل وقاعديين ف البلكونه شويه"
_متشكره جدا ياحازم ع وقفتك جمبي
_ماقولت بلاش كلمة شكرا دي مبحبهاش ولا انتي بتطرديني بالزوء
_هو فعلا كدا لاني عايزه انام
_ماتنامي هو أنا حايشك
_انام فين انت اتجننت اتفضل روح يلا ع بيتكو
_وإن قولت مش ماشي أنا من هنا
_لا خد بالك أنا شكلي كيوت بس ميغركش أنا نرفزتي وحشه
"ضحك وقرب بالكرسي منها" لا بجد يعني اخاف
_احم مش تخاف اوي يعني
_طيب أنا مش مروح
_يابني مينفعش تبات هنا انت ليه مش عايز تفهم
_لما هو مينفعش خلي عندك دم ووافقي تتجوزيني بقى
_نعم اتجوزك
_ايوا اي قولت حاجه غلط
_لا خالص قوم روح لامك
_انتي مالك ومال امي يازفته انتي قولتلك متخفيش منها
_مش خايفه منها بس أنا علشان اتجوزك لازم اكون بحبك وانا مبحبكش
_ياراجل بجد امال بتحبي مين
_بحب بحب
_خدي بالك لو قولتي اسم حد غيري هزعلك
_"ابتسمت"لا خلاص مش قايله حاجه أنا مبحبش حد
_تمام اوي حبيني بقى بسيطه اهيه
_احبك ازاي يعني
_مش عارفه تحبي ازاي
"زعلت وحتط وشها ف الأرض"انا حبيت قبل كدا واتجرحت ومش عايزه اكررها تاني
_مانتي غبيه وزوقك بيئه اوي هو دا شكل بني ادم يتحب
_بس متقولش عليه حاجه وحشه
_ليه معقوله لسه بتحبيه
_لا مبحبوش بس بلاش وخلاص
"اتعصب وقالها ماشي"
"سكوت ثواني"
_حمزه
_ها
_اوصفلي السما
"ابتسم وقالها" السما صافيه النهارده اوي وشكل السحاب جميل
_بجد
_ تعرفي كمان مفيش غير نجمه واحده بس ظاهره قدامي رغم أن في نجوم كتير بس أنا مش شايف غيرها
_لي بقى
_النجمه دي جميله اوي وجمالها طاغي ع كل النجوم الي حواليها نفسي توافق وتخليني ابقى جمبها
_هتبقي جمبها ازاي يعني هتطلعلها الفضاء
_ملاك انتي غبيه صح انا كنت عارف
"ضحكت وقالتله"
_قوم روح بقى علشان عايزه انام
_بصي أنا مش هروح علشان نقفل الموضوع داه وبالنسبه للنوم أنا هنام ف البلكونه ياستي ولا تزعلي نفسك والشقه مش هدخلها كدا تمام
"استغربت" طب وليه كل داه
_علشان بحبك وخايف عليكي ومش هقدر اسيبك لوحدك
"ارتبكت وقامت من ع الكرسي"
_طيب أنا هدخل اوضتي بقى
_انتي هتفضلي تهربي من كل كلمه بقولها
_وعايزني ارد عليك اقولك اي
_قولي انك موافقه تتجوزيني
_بس أنا مبحبكش علشان اوافق اتجوزك
"اتصدم من كلامها ومنطقش"
"سابته ومشيت فضلت تحسس لحد ما دخلت اوضتها"
بعد مااترمت ع السرير فضلت تفكر مع نفسها
"انا اسفه بس أنا لازم ابعدك عني علشان والدتك وعلشانك أنا واحده عاجزه وعمري ماهنفع زوجه"
ف نفس الوقت كان هو بيفكر فيها
عارف انك بتعملي دا كلو علشان الكلام اللي سمعتيه من والدتي بس انا هعرف اراضيكي ازاي ونام زي ماهو ع الكنبه ف البلكونه
______$$
"نهار يوم جديد"
"الباب بيخبط جامد"
حمزه: ايوا ايوا مين
ملاك قامت مخضوضه: هو في اي
حمزه فتح الباب
لقا راجل واقف وزقو ودخل
_الله الله اول لما والدتها ماتت بقت تجيب رجاله البيت
حمزه شدو جامد وقالو انت رايح فين انت مين
"ملاك خرجت من اوضتها لما عرفت أن داه صوت عمها"
ملاك بصدمه :عمي
_ايوا عمك ياصايعه جايبه راجل غريب يبات معاكي ف الشقه
"حمزه اتعصب وقالو ماتبطل هري وكلام فاضي وانا مش عايز اعملها معاك وانت اد ابويا كدا"
ملاك:اهدى ياحمزه دا عمي مينفعش الي انت بتقولو داه
حمزه: وهو يعني كان ينفع اللي هو بيقولو
عمها :وكمان انت ليك عين تتكلم دا انت راجل معندكش نخوه ازاي تبات مع واحده ف بيت واحد وانتي ياهانم ازاي تسمحيلو بكدا
رد حمزه بعصبيه: لا انت كدا ذودتها
ملاك متوتره: طب اقعد ياعمي وانا هفهمك كل حاجه
عمها : تفهميني اي انتي هتيجي معايا دلوقتي كفايه كدا جبتلنا العار وشدها من أيدها
"حمزه راح شدها منه وقالو انت اتجننت انت واخدها فين"
عمها: سيب البنت بقولك
حمزه رد بارتباك: دي مراتي اسيبها ازاي
"عمها وملاك ف نفس اللحظه"
مراااتك
_ايوا مراتي
عمها بدأ يهدى: ازاي يعني
_زي الناس ردي انتي ياملاك فهميه
_ملاك واقفه جمبه راحت دايسه ع رجلو وقالتلو بصوت واطي من تحت سنانها ارد ااقول اي انت كدا نيلتها
عمها: انتو بتشقطوني لبعض انتطقي دا جوزك
"ملاك محتاره "
حمزه راح شدها لحضنه وقالو ايوا مراتي
عمها واقف مستغرب: ودا حصل امتى وازاي
حمزه: ياسلام ع اسألتك الكتير ياعمي طب تصدق بالله
_لا اله الا الله
_محمد رسول الله ياعمي ياسكره انت لا بس أنا زعلان منك ياملاك ازاي متقوليش انك عند عم جميل كدا
_ملاك واقفه متنحه
عمها انشكح من كلام حمزه
حمزه:اتفضل ياعمي اتفضل اقعد داحنا لسه مفطرناش حتى هجهز الفطار واجي بسرعه
عمها اقعد وقال يااه هو كمان الي بيجهز الفطار
ملاك قعدت جمبه: انت لسه فاكر تسأل عليا ياعمي دانا افتكرتك نستنا من بعد وفاة بابا
_غصب عني والله يابنتي سامحيني بس أنا اتبصتلك جدا لما عرفت انك اتجوزتي اصل بصراحه مكنتش متوقع أن فيه حد يوافق يتجوز واحده مبتشوفش
"كلامه جرحها جدا بس كانت بداري"
_اه شوف النصيب بقى صحيح احمد اللي قالك ان في واحد غريب ف الشقه عندي صح
_اي دا عرفت ازاي
"حمزه ف المطبخ وسامع الكلام : يااحمد الكلب اصبر عليا بس"
بعد كلام بينهم كتير حمزه جهز الفطار وجه
_معلش ياعمي أنا مليش ف عمايل الاكل كتير بس بحاول اتعلم يارب الفطار يعجبك
_طبعا لازم تتعلم علشان ملاك مبتعرفش تعمل حاجه وراح ضاحك هههههه
"حمزه بصوت واطي" ياتقل دمك
"ملاك بتحاول تداري أن كلام عمها جارح وبتبتسم"
ف وسط الاكل عمها قال : ها ممكن توروني قسيمة الجواز
حمزه وملاك شرقو ع الاكل: اهؤ اهؤ
_اي ياولاد في اي
حمزه: لا مفيش حاجه خالص
عمها: طيب انا كلت الحمدلله ممكن بقى اشوف قسيمة الجواز علشان اطمن ع بنت اخويا وامشي
حمزه:اه طبعا من حقك
ملاك قالتلو معلش بس ياعمي ممكن اخد جوزي حبيبي اقولو كلمتين بس
_اي دا في اسرار ولا اي
_لا لا دانا بس كنت عايزه اكلمو ف حاجه
_اتفضلو اما اشوف اخرتها
يتبع.......
