#احببت_عمياء (13) الاخيره 😥
"حمزه طلع يجري علشان يلحق ملاك لقاها مشيت فعلا"
رجع لوالده ووالدته بخيبة أمل كبيره
"والده اول ما شافه دخل من الباب جري عليه"
_ها ياحمزه عملت اي لحقتها
_للاسف لا يابابا مشيت
والدته واقفه بعيد قربت منه وقالتله
_واي يعني مشيت
"حمزه أتخض من كلامها وافتكرها غيرت رأيها تاني"
_بتقولي اي ياماما
_بقولك واي يعني مشيت احنا نروح نجبها من عند عمها واهو نبقى خدناها بالأصول بردو
"حمزه اتبسط جدا من كلامها وحس ان روحه رجعتلو تاني "
حمزه رد بلهفه_ طب يلا
والده ووالدته ضحكو
_يلا فين ياواد مش تستني لبكرا حتى نكون جهزنا داحنا رايحين نتقدم لعروسة حمزه نروحلها اي زياره كدا دي عايزه ترتيبات ياحبيبي
_وطى ع ايد والدته وباسها وكان فرحان جدا
دخل اوضته اترمى ع السرير وبيكلم ف نفسه
"هانت ياملاك كلها 24 ساعه وجايلك "
_______$$
نهار يوم جديد
حمزه بصوت عالي دخل ع والدته ووالده الاوضه
قومي ياماما
قوم يابابا في اي انتو نايمين لحد دلوقتي
والده أتخض: شوف ابن المجنونه هيتجنن علشان يروحلها
والدته بتضحك: سيبه ياابراهيم الواد فرحان ربنا يسعدك يابني يارب
حمزه : خليكو اتريقو عليا وضيعو ف الوقت
والدته: لا ياحبيبي أنا قايمه اهوه بس في حاجه خايفه منها
حمزه: في اي تاني ياماما
والدته: خايفه يابني متسمحنيش أنا كنت قاسيه عليها اوي
ابتسم وقالها ملاك دي زي النسمه وطيبه اوي معتقدش أنها هترفض تسامحك
والدته: طيب ياحبيبي ربنا يهنيكو ببعض
والده : وفي حاجه كمان
حمزه مدايق: اي تاااني
والده: احنا منعرفش عنوان بيت عمها
حمزه:ودي حاجه معقول انساها أنا واخد منها العنوان طبعا
والده ووالدته بصو لبعض وضحكو: شوف الواد
بعد التجهيزات وكل حاجه مابقت تمام ركبو العربيه وسافروا ع بيت عم ملاك
_____$
"في بيت عمها"
_صباح الخير ياعمي
_صباح النور يابنتي تعاالى افطري
_لا مليش نفس أنا هنزل اتمشى ف الجنينه شويه
"ملحوظه بيت عمها ليه جنينه كلها ورد"
"حمزه وأهله وصلو وملاك كانت تحت ف الجنيه عمها اول لما شافهم اتعصب علشان الي حمزه كان عمله وهما ف القاهره"
_انت ليك عين كمان تيجي بيتي
_ اهدى بس ياعمي احنا جايين نطلب ايد ملاك منك مش جايين علشان مشاكل
_عمها اما عرف كدا فرح وقعدهم ورحب بيهم
"حمزه طول ماهو قاعد عمال يبص يمين وشمال علشان يلمحها بس مشفهاش"
عم ملاك خد باله: متبصش كتير هي مش هنا
حمزه أتخض : امال فين
_ف الجنينه تحت
_اها طيب خلصو انتو بقى كلام واتفقوا ع كل حاجه وانا هنزلها
كلهم ضحكو
والدته: اعذرو الواد مش قادر بقالو 24ساعه بحالهم مش شافها
"ملاك موطيه ع الورد وبتشمه ولابسه فستان ابيض هادى وجميل وشعرها القصير طاير ع وشها من الهوا "
حمزه شافها اتسحب بالراحه وجه وقف جمبها بيبص عليها
_اول مره اشوف ورد بيشم ورد
"اتخضت"
حمزه!
_وانتي كنتي فاكره اني هسيبك
"راحت مرميه ف حضنه ومعيطه"
_افتكرت اني مش هشوفك تاني
"حضنها جامد واكنو كان غارق فيها مش حاضنها "
_هو أنا أقدر أعيش من غيرك يوم دانتي الهوا الي بتنفسه وحشتيني اوي
"والدته واقفه بعيد وهو مش واخد بالو راحت مقربه منهم"
_ها مش كفايه احضان بقى وتسيبو شويه للفرح
"حمزه اتكسف" اي ياماما مش تقولي انك هنا
"ملاك اول لما سمعت صوت والدته اتخضت وزقت حمزه ورجعت لورا
راح شاددها ليه تاني_ متخفيش ماما قالتلي كل حاجه وهي جايه تعتذرلك
_انا اسفه يابنتي ع اللي حصل
ملاك مسكت أيدها وقالتلها : متعتذريش اي ام ف الدنيا مترضاش تجوز ابنها لواحده زي وانا مقدره داه
ردت والدته بحزن: امال أنا جايه اطلبك من عمك لابني ازاي
"ملاك مندهشه من الي بيحصل"
_تطلبيني ازاي يعني
حمزه رد بسخريه: معلش ياماما ملاك الذكاء عندها محدود شويه أنا هفهمها
_ملاك خبطتو ف دراعه : بطل رخامه قولتلك
_طيب خلاص بصي ياستي أنا جاي اطلب ايدك من عمك علشان تبقى مراتي ونعيش مع بعض باقي العمر
ملاك فرحانه وف نفس الوقت زعلانه وفي مشاعر متلخبطه كتير حست بيها وأفتكرت أنها كدا هتظلم حمزه معاها
حمزه واقف ماسك أيدها: ها سرحتي ف اي
ملاك: أنا مش موافقه
حمزه : زغرتي ياماما دي هبله محدش بياخد ع كلامها😹
والدته ضحكت وراحت مزغرطه
ملاك واقفه مش مستوعبه الي بيحصل
حمزه: ماما ممكن تسيبينا بقى شويه علشان في كلام مهم عايز اقولو لملاك
والدته: حاضر ياحبيبي ربنا يهنيكو
ملاك مستغربه: كلام مهم اي
حمزه : كلام مهم زي اللي قولتو ليكي ف الاوضه وقت عمك ماكان عايز قسيمة الجواز تعرفي إن دا احلى كلام مهم قولته ف حياتي كلها
ملاك زقته وبعدت لبعيد: بتهزر صح قول انك بتهزر
حمزه شدها ليه: لا مبهزرش
ومش هقلوكو عمل اي علشان انا كدا هتاخد اداب بسبب الروايه دي🤭😹
