جرب تقرب (مكتملة)

8🌸

سلسلة ستأخذ بقلبك الي الله👈 🍂🌼 *جرب تقرب* 🌼🍂

🍂🌼 جرب تقرب 🌼🍂

       🌾الصلاة💚

8⃣ الحلقة الثامنة8⃣

📣 إزاي تقول بقي إنه حلال إنك تسيب الصلاة علشان العمل عبادة أو المذاكرة عبادة؟؟!!!

✅ يبقي اتفقنا خلاص إن وقت الصلاة، الصلاة هي اللي عباده ولازم أعملها في وقتها .. وبإذن الله ربنا هايباركلي في شغلي ويرزقني من فضله العظيم..

📌 هتقول :
🍁👈🏻 بس أنا كل ما أروح أصلي تحصلي مصيبة!!!!  مش عارف ليه ياأخي؟؟!!
🍁👈 مره الجزمة الجديدة تتسرق !  ومرة العربية تتسرق !  ومره أنسي الموبايل ! ومرة خرجت من الصلاة قالولي الحق ابنك حصله حادثة ونقلوه المستشفي !!
🍂👈🏻 وكأن ربنا لا يريد ليا إني أنتظم في الصلاة!!!

🔊 هقولك :
🍥👈🏻 طيب وليه سوء الظن بالله ده ؟؟؟؟؟  إزاي بس تقول إن ربنا مش يريد لك التوبة وإنك تاتزم وتثلي ؟؟!!

⏪ ده ربنا بيقول:
{وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا}
[النساء:27]

⬅ إزاي بقي تقول الكلام بتاعك ده ؟؟؟
🍁👈🏻 وبعدين ما إنت ممكن تحصلك كل المصايب دي وإنت مبتصليش!!! ممكن عربيتك تتسرق وموبايلك تنساع وابنك يعمل حادثة ، و....... و...... !!!
🍂 كل ده ممكن يحصل وأكتر من كده كمان!!

💛 بل اللي إنت متعرفهوش إن الصلاة هي اللي هاتخفف عنك البلاء اللي نازل...!
⏪ يعني إبنة كان هايعمل حادثة وهيموت ، وبصلاتك ودعائك  ربنا خفف عنه ولطف بيه، والوالد الحمد لله نجا من الموت !

🍥 ف ربنا بيختبرك حتي يعلم هتصبر ولا لأ..

🍥 ربنا بيبتليك علشان تقرب منه وتقول يارب..

📌 هتقول :
🍁👈🏻 بس أنا حاولت أصلي كتير، ولكن بحس إن الصلاة تقيله علي قلبي ومش بخشع في الصلاه نهائيآ !!
🍥 مجرد ما أدخل في الصلاة الاقيني سرحت في الدنيا لحد آخر الصلاة! وعلشان كده بطلت أصلي علشان صلاتي بالشكل ده مش مقبولة!!

🔊 هقولك:
🍥👈🏻لازم تصلي حتي لو الصلاة تقيله علي قلبك ، حتي لو مفيش خشوع..والقبول وعدم القبول ده من عند ربنا ولاااااااازم تعرف إن الشيطان مش هيسيبك أبدآ.. فالموضوع محتاج مجاهده و صبر علشان تخشع..

📣 لازم نجاهد في الوصول للخشوع... ولازم نعرف إن أي عباده بتمر مع الإنسان ب 3 مراحل:
  🍂👈🏻المجاهد ثم الإعتياد ثم التلذذ
⏪ يعني متفتكرش إنك أول ما  هتبدأ تصلي هتلاقي نفسك تمام والصلاة كلها خشوع ! هو ممكن يحصل ، بس لو محصلش ؛ إوعي تيأس، واعرف إن الخشوع عايز وقت ، وبإذن الله يا حبيب قلبي "مع الوقت" هتلاقي الراحه واللذه والمتعة والخشوع وهتبقي الصلاة أحب شئ اليك في الدنيا كلها.. بإذن الله يا أختي "مع الوقت" الصلاة هاتبقي هي جنتك في الدنيا

💛 وتأكد إنك لو جاهدت نفسك وصدقت مع الله ، ربنا هيقرلك وهيرزقك لذة الخشوع بفضله وكرمه..

⏪ قال الله تعالي في الحديث القدسي:-
🍁👈🏻 « ومن تقرب مني شبرآ تقربت منه ذراعآ ومن تقرب مني ذراعآ تقربت منه باعآ ، ومن أتاني يمشي أتيته هرولة »رواه مسلم.

✅ وياريت لو تقرأ كتاب ليا اسمه (جنة الدنيا) هايساعدك بإذن الله للوصول للذة والخشوع في الصلاة..

📌 هتقول:
🍁👈 بص بقي.. أنا مش هضحك عليك ، أنا مبصليش علشان كل اللي بيصلوا دول ناس مش كويسه..
🍂👈أصل أنا أعرف فلان الفلاني بيصلي وبيسرق ، وفلان الفلاني مبيسيبش صلاة وبيكدب ، وفلان وفلان...!!

🔊  هقولك :
🍥 -أول حاجه.. الأشخاص مش حجة علي الدين... الدين هو اللي ححة علي الأشخاص..
🍂يعني لو واحد سرق وهو بيحج نقول الحج مش كويس ونمنع الحج !!!!
🍁 لأ طبعآ... !

🍥 - ثاني حاجه..أنا عاوزك إنت تدخل المسجد وتصلي وتكون أمين ، وتكون صادق ، وتقولهم هي دي الرجاله اللي بتصلي صح ،
🌻 تعالوا بقي وأنا أعلمكم تصلوا صح ، وتبفي إنت قدوه ليهم..

___

#نكمل في الحلقة القادمة بإذن الله تعالي🌼
#تابعونا......🍂

🌼🌼🌼🌼🌼🌼
#جرب_تقرب
#حياتي_دعوة