جرب تقرب (مكتملة)

18🌸

سلسلة ستأخذ بقلبك الي الله👈 🍂🌼 جرب تقرب 🌼🍂

        🌾 الصلاة 🌻

الحلقة الثامنة عشر8⃣1⃣

⏪ عايز كل واحد بيصلي في البيت يشوف الحديث المرعب ده !!!
🍥 قال رسول الله ﷺ :-
«والذي نفسي بيده ، لقد هممت أن أمر بحطب فيحطب، ثم امر بالصلاة فيؤذن لهت، ثم أمر رجلآ فيؤم الناس ، -ثم أخالف إلي رجال -لا يشهدون الصلاة- فأحرق عليهم بيوتهم» متفق عليه.

⬅ النبيﷺ الرحمة المهداة، كان عايز يروح للرجال اللي بيصلوا في بيوتهم ويولع عليهم بيوتهم !!

🍁وده يدل علي إن الموضوع فعلآ خطييييير!!
⏪ أصل لو أنا صليت في بيتي ، وإنت في بيتك ، وكل واحد صلي في بيته..  المساحد هاتبقي فاضيه !!
مين اللي هايعمر المساجد بيوت ربنا ؟؟؟

⬅ وفي تكملة الحديث اللي فات..

🍥 النبيﷺ بيقول :-
« والذي نفسي بيده، لو يعلم أحدهم أن يجد عرقآ سمينآ أو مرماتين حسنتين لشهد العشاء» متفق عليه.
🍂[عرق : عظم عليه قليل من اللحم]
🍂[مرماتين : ما بين ظلفي الشاه من اللحم،  والظلف :الظافر]

⏪ النبي ﷺ بيقول إن لو قولنا  للناس إن فيه لحمة هتتوزع في الجامع للي هيصلي، هتلاقي الناس كلها جريت علي الجامع تصلي !!! لأ ومش أي لحمه؛ ده النبي ﷺ بيقول لو حتي شوية عظم !!!

🍁وده بيدل علي إن معظم الناس _ إلا من رحم الله_ بيفضل أقل حاجه في الدنيا علي الآخرة!!
🍂 للدرجة دي هانت الآخرة في قلوبنا ومبقتش تهمنا؟!

🔅هتقول :-
🍥 بجد أنت نفسي أصلي في الجامع ، بس أصل أنا ساكن في الدور الخامس ومافيش أسانسير وعلي ما أتوضا والبس وأنزل، بيكونوا خلصوا صلاة الجماعة!!  يعني اللي أنا طلعت بيه هو المشوار والتعب من طلوع السلم ونزول السلم !!!

🔊 هقولك :-
🍥 ابقي جهز نفسك للنزول من قبل الأذان ب 5 دقائق ، ويعني إنت قاعد في البيت مش بتنزل منه خالص؟؟؟ ولا بتنزل في اليوم أكثر من مره علشان رايح عند واحد صاحبك ، أو علشان نازل تجيب حاجه، أو رايح تعقد علي القهوة ، وغيره من الأسباب كتييييييييير !! يعني مشوار الصلاة هو اللي تقيل عليك وبقية المشاوير مش تقيلة ؟؟! ده كلام بردوه؟؟

⏪ وبالنسبه ياسيدي لموضوع إنك علي ما بتنزل بتلاقيهم خلصوا صلاة ، فخذ مني الحديث ده هدية..

📣 قال رسول الله ﷺ :-
«من توضأ فأحسن الوضوء ، ثم راح فوجد الناس قد صلوا، أعطاه الله مثل أجر من صلاها وحضرها لا ينقص ذلك من أجرهم شيئآ» صححه الألباني.

☑ يعني هتاخد الأجر هتاخده..  أبشر ياعم..

💛 وخد مني البشري دي كمان،
🍥قال رسول الله ﷺ :
«من تطهر في بيته، ثم مشي إلي بيت من بيوت الله، ليقضي فريضه من فرائض الله، كانت خطواته إحداهما تحط خطيئه، والأخري ترفع درجه» رواه مسلم.

☑ يعني كل خطوه بتزلها علي السلم وبتمشيها للمسجد بتكفر من ذنوبك و وترفع درجاتك في الجنه .
    
     🌻👈 إيه رأيك بقي؟؟؟
⬅ هاتنزل تصلي في المسجد ولا لسه شويه ؟؟؟

✨ هتقول :-
🍥👈بس أنارمبصليش في المسجد علشان ببقي في الشغل ، لسه بقي هقلع الجزمه والشراب واشمر القميص وأبلل نفسي ، وأرجع تااااااااااااااااني بعد الصلاة البس !!!! فأنا باختصر ده كله وبأجل الصلاة علي ما أروح وأصلي في البيت وخلاص !!

🔊 هقولك :-
🍥👈 ياحبيب قلبي مينعش تأخر الصلاة ولا ينفع تصلي في البيت .. وأنا لسه قايلك إن صلاة الجماعه في المسجد فرض علي الرجال ! فكده مينفعش خالص !
   
🍥 ووالله عيب أووووي لما تقول الكلام ده!!

⬅ فيه حد بيحب حد مستكتر عليه إنه يقلع الجزمه والشراب علشان يدخل بيته؟؟؟؟؟!

☑ وكمان لمعلوماتك ياسيدي إنك لو متوضي في البيت ممكن تمسح علي الشراب والجزمه، وممكن تصلي بالجزمه كمان..شوفت بقي الدين يسر ازاي.. ؟؟

❤️ياللا كلنا يارجاله نبقي رجاله بجد ونبدأ بإذن الله من دلوقتي نحافظ  علي الصلاة جماعه في المسجد ومنصليش في البيت تاني..

____

🌼🌼🌼🌼🌼🌼
#جرب_تقرب
#حياتي_دعوة