السلام عليكم ورحمة الله وبركاته
قصة بسيطة من تراثنا القديم:
كان ياماكان في قديم الزمان كان أكو واحد بشر اسمه جلعوط. (ماأدري اهله شچانوا شاربين من سموه بهالاسم😁) المهم هذا جلعوط چان أفسد واحد بالمنطقة لا صوم لاصلاة حرامي سلّاب يعني بمصطلحاتنة الحديثة نگول عليه (حشاكم) زايعته الدنية
لكن بالمقابل هذا الجلعوط رب العالمين ناطيه أب وأخوة اثنين على النقيض منه: دين وأخلاق... الخ. وهذولة الاخوة واحد منهم اسمه ابراهيم والثاني اسمه موسى (بس هوة ليش اسمه جلعوط أموت وأعرف ) ورغم أبوه چان دائماً ينصحه ويريدة يهتدي للصراط المستقيم لكن بدون فايدة إلى أن....
في ليلة من الليالي چان جلعوط يريد يسلب رجل عجوز وديهدده بالسچين فالرجل العجوز باوعله بنظرة قهر وگاللة وين تروح من رب العالمين بجرايمك متخاف من دعوة المظلوم؟. وفجأة جلعوط صحة ضميره بدون سابق إنذار چان يرجّع الفلوس الباگهن من العجوز واعتذر منه وقرر وية نفسه أن يتوب عن أخطاءه السابقة ويلتزم بالدين ورجع للبيت وخبّر أبوه بقراره
يتبع...
