هيلووووو
نشفو رواحهم تفكرت بلي مجابتش حوايج
س: كيفاه دك نديرو
ل: ارواحي ندخلو لدار البسي كاش حاجة نديالي كاين هنا حوايج دك نروح نشريلك نسيت كامل
س: ايه اوك مطولش نتوحشك
ل: هه اوكي راح يشريلها غير لتم وهي دخلت لدار جاية صغيورة باينة كان يجي وحدو فيها بيت و كوزينة وصالون جاين ديراكت مفتوحة دخلت للبيت تقرعج فحوايجو جبدت تريكو تاعو ف بلو قعدت تشم فيه عنقاتولبساتو وتكسلت كانت عيانة
ليث كي وصل شرالها حوايج حتى سمع خدامين يهدرو
راجل: اه راح يغلقو طريق ليوم كاين خدمة دك عشية
راجل دوزيام ؛ تسما ليوم نباتو هنا ولا كيفاه منقدروش نروحو
ليث: سمحولي وشمن طريق ؟ لي تخرج
راجل: ايه كاين طريق وحدة الا راك رايح راهم بداو خدمة حتى غدوا باش تروح عندك وين تبااات ؟
ليث: اه صحا عندي يعذيك صحا مزيا سمعتكم
كمل قضى عفايس باش ياكلوهم بما انو مراحش يخرجو ملتم
عند انيسة تقلقت مجاوش كانت 18 عشيا مالف يجي هاد وقت عيطلها قالها بلي. مراحش يجو وصاها تغلق لباب
سيليا حكمتها سعلة من بحر ضربها ريح كي دخل لقاها مكسلة هكاك ب تريكو ديالو ومكمشة كي قطة راح ليها لقاها بردانة
ليث: سيليا وشبيك صافا ؟
هي: نن برد غطيني وقتاه نروحو
مهم قالها وش صرا مهدرت والو قعدت غير تتكمش فيه فاق بلي مرضت
ليث: ايما على بنتي مرضتلي 😰 نوضي نلبسلك حوايج دك تبردي بتريكو برك
قعد يهدر وهي خلاص لقاها فاشلة زاد خاف عليها
غطاها وراح وجدلها عشى خفيف وتيزانة ودواا كان عندو
عمري نوضي تاكلي باش تشربي دوا تاعك تبراي هيا حبيبي
هي: مقدرتش فشلت توجور تصرالي هكا منحملش
هو: ديري شويا كوراج
وكلها بسيف كي وزة 😂 🦢🦢🦢
كلات شربت دوا وتيزانة ورقدت هكاك قعد معاها تفكر بلي برد عليها لازم يبدللها حوايجها كان مشمخ شويا تريكو
هو: ايه دك كيفاه نديرلها راهي راقدة وكون تقعد هكا تزيد تمرض
خمم زاد شويا طفا ضو نحالها وش كانت لابسة غطاها بكوات جبدها ليه جات في صدرو قلبو بدا يخبط 😍🔥
حس بكور ديالها ضعف قدامها 🔥 منبعد بدا يلبسلها بلخف كمل جبد روحو قعد غايس فيها كيفاه راقدة كي بيبي صغير باسها بوسة خفيفة ورقد قدامها بما انو مكاش فراش وراهي مريضة محبش يخليها 😰🥺
حطها فوق صدرو قعد يخمم كيفاه يحل امورو خاف كون تسمع تخليه زعما كون تعرف بلي انا نخدم مع مافيا علبالي راح تجبد عليا كدبت عليها ياربي وش ندير ومشكل هداك مانيش حاب يجبدوها فوسط 😰
قعد على هاديك حال يخمم ويشوف فيها وخي تتحرك وتزيد تعنقو ماشي فايقة حتى هو رقد محضن عليها
😘😘😘😘😘😘😘😘😘
فصباح صوت بحر هادي نهار جديد تضرب نسمة بحر وهاديك ريحة ديالو فطنت لقات روحها فوقو راقدة معنقها قعدت تخزر فيه تتأمل فملامحو كيف راقد فجأ شافت لوشم تفكرت جبدت روحها غير بلعقل حوست على مقص باش تنحي شعرات منو
دخلت غير بلعقل دنات ليه تنحي هي غير دارت (طرق) هو حل عينيه
ليث: حكمتك وش راكي ديري فوقي ومديا راسك فوجهي .....
🤔🤔🤔🤔🤔🤔🤔🤔🤔🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤
زعما فاقلها ؟؟
تفاعلو نكملهاااااااااا باي راح نرقد بونوي ❤️🔥
