واقفة قدام لبحر وتبكي بشهقة ماشي مأمنة واش صرالها حاسة روحها في مسلسل
ليث حب يتقرب منها وخاف تصدو ☹️
سيليا: تقدر تروح وتخليني ...
ليث: منروحش
سيليا: روح خليني روح عند ليلة راهي تسنا فيك مالڤري تو تبقى مرتك
ليث: من قلبك هاد هدرة !
سيليا: ..... قتلك روح
ليث: منيتك حابة تبعدي عليا مكنتش حاب تعرفي حقيقة هكا بهاد طريقة عبالك كي نشوفك هكا تبكي قلبي يبكي و يتحرق ملداخل سيليا خليني نفهمك اهدري اضربيني مهم متقعديش هكا ساكتة تقتليني اففف خلاص راني رايح باي
كان يمشي حتى تحبسو
سيليا: مترووحش !! ليث اقعد معايا ( ذبل في عينيها بدمع ) سيتوبلي نتا لي بقيتلي فهاد دنيا 😭
عنقها وشم ريحتها لي كان محروم منها توحشها وحتى هي مكانتش من معارضين
قعدت محضنة عندو كي قطة فوق صدرو وهو معنقها حتى غفات 🤭 قعد يتبسم ويشوف في تفاصيل وجها برأة قدامو كل مصايب طاحو عليها ضحية اهلها ...
قلبو تزير وخاف عليها يفيقو بيهم بلي راهم مع بعض قرر يحكيلها علاه تزوج ليلة فطنت وحكالها نهار تبعها هداك نهار وكي شافها مع ايمن غار معرفش كيفاه يتفاعل وحب يسألها
ليث : بلا كذب سيليا شكون هداك علاه خبيتي عليا هداك تهار احكيلي كل بتفصيل منيش حاب نخسرك عمري
سيليا: بصح نتا مخليتليش فرصة نحكيلك 😭😭 وجعتني تاع مديرش فيا ثقة هداك ايمن وليد خالتي كي خويا اصلا يماه رضعتني كي ماتت ماما والسبب باش رحت ليه .. سكتت في قلبها بين وبين خايفة يقرا نتيجة ويلقاها سلبي راح يزعف وتفتحلو جرح
بصح تشجعت بلاك تكون اجابية
سيليا: تشفا نهار كنا فبحر وشفت وشم في صدرك ؟
ليث: ايه نشفا كان احلى نهار عشتو معاك
سيليا: كي شت هداك وشم عرفتو بسكو شيفاتو من قبل
لية: مقصود محكاية واش ؟ وين شتيه !
سيليا: كي حكيتلي بلي لقاوك بيه ، نفس حكاية تاع انيسة كي كانت فميتم لقاوها بيه وهي كانت فاقدة ذاكرة الشي لي تعرفو بلي لقاوها بيه🤭
ليث: قصدك انيسة تقدر تكون ختي ونتي شكيتي وتخفتي تحكيلي باش منتجرحش رحتي مور ضهري تتأكدي !
سيليا؛ ماشي قصدي نخدم مور ضهرك 😔 كان من نيتي نفرحك بصح حبيت نتأكد قبل باش منجرحكش محبيتش نحكي 💔😭 منزيدش نخبي عليك
ليث: علبالي نيتك ماشي سيئة وعلبالي خفتي تجرحيني وانا مسامحك او هاديك ورقة تسما فيها روزيلتا وانا بحرتها 🙁
سيليا: وي يعني تقدر تكون ختك وتقدر لالا بصح حابتك تكون قوي مام الا ماشي ختك منفقدوش امل ونا نعاونك
ليث : تخلطولو احداث ماهرش مأمن يعني قادرة تكون ختو 🥰🥰 لي كان سنسن يحوس عليها فرح من فرحة باسها وهي حشمت ولات حمرة ....
—————————- عيت نخمم بنات
نحبسها هنا ونزيد نجيب افكار جدد تهلاو باي
