(المقدمة)
. (حقيقيه)
أصعب قرار انك تتخلى عن شي انت تحبه تتخلى عن أحلامك يلي رسمتها من صغرك تتخلى عن حب حياتك عن كل شي بس لأنك مجبور وخايف من المجهول..........
في يوم وليلة تاخد قرار إجباري يحدد مصيرك ومصير حياتك ومصير الناس اللي تحبهم تسكت عن الغلط تختار طريق انت مش راسمها تختار حياة انت ماتمنيتهاش وتستسلم لضعفك لخوفك وهالشي يشابه الموت بحد ذاته والأصعب أن يكون هالقرار
#قرار_إجباري 💔.........................
🔥للكاتبة fa toom 🔥
ميار منهار كامل جسمها تحاول تسند نفسها وتوصل في الدوش وتولع لميه لآخر درجة سخونة ميار خدت نفس وغمضت عيونها بوجع ولمية تنزل عليها تحرققق في كل شبر من جسمها حرققق.....
ميار بدت تعيط بهستيريا وتخبط في جسمها ووجها بدون وعي...ياربيييييي لالالا ياربيييييي..تعيط وتفرك في جسمها بقوة يبوش يتنحو آثار ايديه الوسخه انتهك برائتي وشرفي ودمررررني ...طاحت تحت الدوش وتبكي ....
ميار حطت يديها على وجها وتشهق بالبكى...ياريتني متت يارييييت مش قادرة نحكي لاني مجبوووورة نسكت عشان مانخسرش سمعتي على شنو ولا شنووووووووو بنبكي اااه ياربي اااااااه اااااااه 🔥💔
قبل ساعات في حوش عبدالله
مقيوم الحوش بعرس بنته لكبيرة منى
وكانت حنتها
لبنات👩👩👧👧 :لبست بودري وتحنت هذا وين عروس تسمت 👏
لبست بو خطين توامه💞وعروستنا تقول حمامه💞
لبس البودري محلاه كل بنية تتمناه 💗
ميار لابسة قفطان لعند الركبة لونه وردي هافت شعرها حاطاته على جنب مع مكياج بناتي خفيف جدااً
ميار يعني غدوة حفلة اختي منى خلاص حتمشي لحوش راجلها حتسافر معاه ااخخ مش مصدقة أن كبرنا بسرعة هكي اليوم حنة اختي لكبيرة وغدوة بنزفوها لعريسها وحنقعد بروحي حتخلي مكانها والله
عبير (امها):يزي ماتبكينيش راه نمشي نلغي لعرس
ميار ضحكت لالا خلاص اي شي الا هدا خلي تمشي نفتك منها وناخذ حوايجها وسريرها 😂
عبير بالك تبي نزوجوك حتى انتي 😏
ميار:😂لا مزال بكري شوي ماما مش حتتخلصي مني بهالسهولة راه 🌝
نعرفكم ميار 20سنة مواصفاتها حنطية شكلها عادي نقشها ع الاكحل رقيقوون شعرها اكحل لعند كتافها ضعيفة وطويلة شوي ملامحها طفولية بس حلوة كلها على بعضها
ميار احنى بنتين بس اني واختي منى أكبر مني بسنتين ماما وبابا تزوجو عن حب 🙊 جابونا احنى ثمرة حبهم ومدلعينا هلبا غير شن نبو نلبسو نطلعو على راحتنا عايشات كيف مانبو لحمدلله
منى يلي تحظر لعرسها حالياً العرس يلي كانت نتمنا فيه من الشخص يلي هيا اختارته اسمه كمال يكون ولد صاحب بابا أعجب بيها وتعرفو على بعض فترة بعدين خطبها وتوا عرسهم 🙂
اختي منى سريعة عكسي اني 😓
لمهم نكملو 🙂هادم بنات عمي 👇
نهى:وقفت رقيص وجبدت ضحى على جنب
ضحى:خيرك قطعتي عليا الرقص 😒
نهى:ضحو حبي اني ماشية ع السريع ونجي نبيك تغطي عليا
ضحى:😒وين ماشية
نهى:وشوشتلها في ودنها
ضحى:اها باهي ردي بالك يشوفك حد
نهى:لبست عباتها يلا اوقفيلي فم لباب مرات فيه حد
ضحى:سرحت شوي بتفكيرها .....وبسرعة بعدت ع هالإحساس
نعرفكم
ضحى ونهى 18سنة خوات توأم ونفس المواصفات
حنوصفلكم ضحى لأنها أكبر منها بدقايق بس 😂ضحى مواصفاتها حنطية مايلة للسمرة قصيرة وجسمها معبي شوي وحلو شعرها طووويل ونااعم ومايل للبني يلي يميزها عيونها كبار مشوكات ولونهم عسلي عندها خدود وفيها غمازتين الفرق الوحيد بينها وبين نهى أن نهى عندها غمازة وحدة 😂 وضحى غمازتين 🙆♀️
طبعاً لكل كانو يتلخبطو بين أما وحدة فيهم ضحى وأما فيهم نهى 😂لان مافيش فرق واضح بينهم نهائي
ضحى لأنها أكبر من نهى بدقايق تعتبر في نفسها امها مش اختها ومهتمة بيها اكتر من نفسها وكل شي كانت نهى تبيه أو تطلبه ضحى بدون كلام تعطيهولها
نهى كانت بسهولة ماتحصل على أي شي تبيه تمت ضحى كانت ديما هيا المضحية
ضحى طيبة لين خلاص ويلي في يدها مش ليها وعندها اختها بالدنيا كلها مستعدة تخسر كل شي على خاطرها وكانت حتى لو نهى دارت شي غلط ضحى هيا يلي تتحمل مسؤوليته واأحياناً تحصل في الضرب من خوتها بدال نهى 💔
بوهم متوفي عندهم اتنين خوت ولاد واحد متزوج وساكن بعيد عليهم والتاني باني بجنب حوش بوهم بالضبط خوتهم واعرين هلبا هلباااااااااا ومتشددين عليهم لين خلاص كل شي ممنوع
حتى النفس محسوب عليهم حتى اللبس يقيدو فيهم عليه وممنوع انهم يطلعو أو يمشو لحد الا لشي ضروري جداً وكل شي بالاوامر والضرب 💔
يعانو هلبا منهم مسكينات وامهم ماعندهاش كلمة معاهم الله غالب 😓
