❤️فاطمةالطاهر ❤️
جعفر جهزي بنتك بش تتزوج حتى هيا
نعيمة:شنو؟؟
جعفر :اي يلي سمعتيه وحتتزوج زياد ولد....
ضحى:نزل عليها الخبر زي الصاعقة......
نعيمة:اختك كيف متوفية خطبت شن وزواج شن يلي طلعتلنا بيه هالوقت
جعفر اختي الله يرحمها بعدين مش توا لعرس قلنا بعد شهر ومش حنديرو لا عرس لاشي حاجة بسيطة وخلاص
ضحى ناضت وقفت وصوتها فيه رعشة مم من قالك موافقة اصلاً يلي تقرر عليا
جعفر ضربها كف...انا خوك ياحيوانة تعلي في صوتك عليا
ضحى طاحت تبكي في حضن امها
نعيمة بالشوي على اختك راهو من حقها تعطي رايها بعدين كبدها مشوية على اخييتها مش بالتها في زواج
جمال:خلاص عااااد بنتك ماتت شن تبي حتى هادي تلحقها يزي من العار
نعيمة :اختك هادي يلي تتكلم عليها بدال ماتترحم عليها
جعفر :بنتك مدايرة العار...وتوا قبل مااختها ادير العار والناس تبدا تحكي علينا.....لازم تتزوج هالكلب زياد غصباً عنها ولو ماتبيش عادي مش مشكلة حتى القتل اسهل واريح
جمال: تي وربي نطلعها من قبرها ونعاود نقتلها ونلحقلها اختها التانية
نعيمة:اختك يلي تتكلم عليها راهي مزالت كيف ميتة وترابها مبلول واختك التانية مزال محروق قلبها وانا كبيدتي مشوية عليهم وانتم تزيدو فيا
جعفر:وانا شن قلت ااه قلتلك بتتزوج يعني خلاص علاش تخلي فينا نديرو شي تاني مايعجبش
نعيمة:اااه ياربي اااااااه ماطلعتوش لبوكم الله يرحمه كان حنين مش عارفة لمن طالعين هكي
جعفر:يزي عاد يلي نديرو فيه كله لمصلحتهم بس انتي تبي تفسديهم مدلعتيهم وشوفي الدلع لوين وصلنا
ضحى:تشوفلهم وتبكي وخلاص...لأن عارفة مش حيطلع بيدها شي لو تكلمت ووقفت في وجوههم كل يلي حيصيرلها أنها حتتعرض للضرب منهم 💔
جمال:شوفي احنى مش جايين ناخدو في رايها احنى عطيناكم علم بس وباش تجهز روحها يعني سواء رضت أو لا مايهمش
نعيمة:حطت يدها على راسها 😭😭😭
ضحى:مستحيل يكونو بشر هادم مش خوت هادم 💔الله يرحمك يا بابا لو كنت عايش مستحيل كنت سكتت على الظلم
جمال:خلي تمشي هادي ونفتكو منها خير مااديرلك عملة وتقعد في رقبتك
نعيمة :😭خواتكم هادم انتم في مكان بوكم الله يرحمه مفروض تحنو عليهم
ضحى تتكلم وتبكي شن شافت منكم نهى غير الذل والقهر ارتاحت منكم قسم بالله ارتاحت
جعفر شدها مع شعرها ونزل فيها ضرب هوا وجمال
نعيمة:خشت بيناتهم وتجبدفيها منهم..خلااص بتقتلوها خلاص الله يربحكم
جمال كلميها وفهميها بنتك طولة اللسان هادي معش تعاودها...
نعيمة:محاوطة ضحى بيديها وتهدي فيهم..خلااص خلاص تو نفهمها
جعفر احنى طالعين توا عندنا شوية خدمة نرجع مانشوفش خلقتها قدامي بنتك والا راسها نكسره طويلة اللسان هادي
ضحى حضنت امها وتمسح في الدم من فمها وتبكي لين شافتهم تباعدو طلعو ....................
بعد مرور تلات أسابيع.......................
خفة الزحمة
ميار تجنبت تطلع من الحوش حتى ماتتلاقاش مع جعفر وطول الوقت حابسة روحها في دارها 💔
ضحى مش طالع بيدها شي غير أنها تبكي وخلاص
وطول الوقت في دار امها ترقد معاها ماتفارقش فيها لأن معش تقدر تخش لدارها يلي كانت ليها هيا ونهى من يوم ماتت صعبت عليها تخشلها وترقد فيها زي قبل وكل ما تفوت بجنبها تتخيل منظر نهى وتجيها زي الحالة النفسية وتقعد تريش وتخبط لين يعطوها مهديء
