🔥فاطمةالطاهر 🔥
ضحى حطت لميه ع الطاولة وخشت للمطبخ عشان تجيب السفرة ....
زياد مقعمز ع الطاولة
فجأة تلفون ضحى دار صوت....جت رسالة وطلعت ع الشاشة
زياد: قام كاسة لمية بيشرب وبدون قصد جت عينه على تلفونها وانصدم بالرسالة يلي قراها..............
ضحى:طالعة من المطبخ
زياد:مش مصدق يلي شافه
ضحى:حطت السفرة ع الطاولة وقعمزت
زياد:وقف وشبحلها بنضرة تخوف....
ضحى:🙁تشوفله بستغراب تبيش تتغدى!!
زياد:تغذي انتي نبيش نتسمسم..طيح لكرسي برجله وطلع
ضحى:🙁هذا خيره....
زياد بي أعصاب.. ضرب يده على السيارة....منو يلي باعتلها هكي لو كانت صاحبتها اكيد حتكون مسجلة الرقم ضرب على راسه خيرني غبي ماحفضتش الرقم وعلاش ماسئلتهاش زياد علاش طلعت بدون ما تفهم منها علاش مولي سطلل ....عيط خيرني اناااا الزحح شن دخلني بيها تنحرق🔥.....اصحى على روحك زياد هادي مش نهى مش نهى..
ركب سيارته وطلع بسرعة.......
ضحى حطت لكاشيك...مش جاية النية في شي ولا قادرة ناكل....كيف بتقيم السفرة لين وصلتها رسالة تانية...نفخت بملل وقامت تلفونها....
قرت الرسايل
الرسالة 1 :وينك ردي ولا راجلك قعد
الرسالة2:ردي والا نجيك للحوش ياحلوة
ضحى ركزت في توقيت الرسالة الأولى
ضحى؛ هذا علاش عصب ياربي اكيد قراها هذا علاش...بس خيره ماقال شي لالا اكيد ماقراهاش...شن دخله بعدين واأصلاً مايهمش
ترن ترن ترن 📞
ضحى ردت بغيض..منو انت وشن تبي مني وعلاش تبعتلي من امبارح في رسايل زي وجهك
الرقم/ نسيتي حبيبك
ضحى:نسيت جدك
الرقم/يضحك لمهم مانسيتينيش
ضحى: ياخوي راك غالط اني منعرفكش راني متزوجة امشي اخطاني
الرقم/يضحك نعرفك متزوجة وحاسده زوجك عليك
ضحى:😐 من منو انت
الرقم/انا يلي حبيتك من اول نظره
ضحى:شنو تبي مني اني منعرفكش
الرقم/لكن انا نعرفك ياضحى
ضحى:من وين يعرف اسمي 😨..
الرفم/ضحك وسكر الخط
ضحى:وجها يصب عرق....هدا من وشن يبي مني
من وين يعرفني ومن وين جاب رقمي...
..........
______________________
ميار:سمعت صوت جعفر روح
لازم ندير حل ونطلع روحي من هالمصيبة مهما كلفني الثمن لازم نتحمل كرهي ليه ومنغلطش قدامه لين نلقى حل معاه ونقدر نهرب نقدرش نوقف في وجهه لأنه واحد قاتل ومش طبيعي ...لازم نلقى طريقة تانية بدون مايمد يده عليا
لمشكلة مش مخليني حتى نتنفس أو نطلع طول الوقت حابسني ويضرب فيا كرهت عيشتي ...
جعفر فتح عليها لباب...حبيبتي انا جيت
ميار :تحاول تبتسم بالكذب وبالغصب
جعفر:قرب منها ويمسح على راسها...ابتسمتيلي ياروحي انتي
ميار:هزت براسها
جعفر:مش مصدق..
ميار:مش حتربطني صح
جعفر:لا خلاص..دامك ابتسمتيلي وعقلتي هذا احلى يوم
ميار:خدت نفس..طيب نقدر نمشي نشوف أمي
جعفر:حاظر
ميار:😳
جعفر:يلا اغسلي وجهك والبسي نستنا فيك بش نمشو مع بعض
ميار:نمشو مع بعض 😐
جعفر:ابتسم بخبث مالا تحسابي نخليك تمشي بروحك لالالا رجلي على رجلك في كل خطوة
ميار:بمسايرة ءء اي عادي
جعفر اتكى ع السرير يلا نستنا فيك
