طفلة ضيعها القدر

بارت23

مرحبا بنات يلا خلي نبدا

يزن :ثاني يوم كعدت من الصبح لان عندي دوام صارلي يومين مارايح من ورا الخاتون رحت سبحت وبدلت وتعطرت وطلعت على جامعتي اني وسعد، ،?

محمد وهو متمدد بغرفتوا ومغمض عيونو،،، هاليوم عندو عطلة لاهيجي ماراح وهما اصلا هاليومين چثير تعبانين من ورا ايات

سارة فاتت عالغرفة وشافت محمد نايم راحت فتحت البردات وراحت عند محمد

سارة:محمد محمد يلا كوم ترا اتاخرت ساعة 10

محمد بنعاس: عوفيني تعبان

سارة وهي تلعب بشعرو: دكوم

محمد وهو يسحبها بحضنوا: ليش ماتكعدين راحة الا تتحارشين بيا

سارة:ياا ولاتستحي دشو عوفني هسة ويلادك يفوتون عالغرفة ويشوفونا بهيجي وضع

محمد وهو حاضنها قوي:اي والله ويلادج مسوين عليا محاصرة كلما اريد ابوسج يسون مداهمة علينا وهسة علمود ماموجدين انتي ماتنطين اي مو هو بكيفج اشو تعاي، ،،راد يبوسها وكبل مصطفى فات عالغرفة وهو عايتحجج

مصطفى:ماما ليش ماتجين على نور

محمد:من دا انعل ابوك اي دشو دي تعال هينا انت واختك متفقين عليا وعلى امك شنو

مصطفى:ليش بابا كن اتفقنا عليكم

محمد:لو مامخلفلي مطاية مااحسن وال انتو راح تخبلوني والله

سارة:محمد اشبيك ويا الولد تعال عند ماما ماعليك بابا امش دا نروح نشوف نور اشبيها وياك كلو من ورا ابوك ليش اني اكدر احجي ويا نور

محمد:صوچ ابنچ هم تعال اش مسوي لل اختك

مصطفى:تتحاقر معايا باللعب تروح تاخذ ايات وما تخليني العب معاهم

محمد:وانت بنت حتى تلعب معاهم

مصطفى بجي:لعد العب مع منو اذا مالعب معاهم العب ويا منو

محمد:العب ويا الحايط

مصطفى وهو يمسح دموعو: والله الا اروح اضرب ايات

محمد كام على حيلو ومسكو:تعال ايات اش عليها دشو انت صاير فد مرة ادبسز

سارة:محمد عوفو خطية تعال عند ماما هسة اني اكتل نور دا اشوف ليش ماتخليك تلعب معاهم

محمد:بغل ماعرف اشون راح تصير رجال ....اخذ الخاولي وفات عالحمام

ايات ونور عايلعبون بيت بيوت هما والعابهم

نور:ايات علساس انتي بنتج مريضة جيبيها عندي حتى اني اضربها ابرة

سارة:نور ليش ماتلعبين اخوچ وياكم

نور:ماما يخرب لعبنا

سارة:نور بالله اضربچ لاتكولين ماتضربني لعبي اخوچ وياكم