مرحبا بنات يلا خلي نبدا
ابو يزن: انشالله يابا اشوفك يوم تخرجك واشوفك احسن عريس يلا اني دا اروح عندي شغل يلا فيمالله
يزن ومحمد: فيمالله
يزن هجم على محمد:خوب ماتكدر تمسك لسانك
محمد: وال اخ وخر اشكد سمين خاطر الله
ايات: وخر منو عمو
يزن: وهذا خاطر ايات راح اوخر منك
محمد: اويلي يابا خاطر ايات مو خاطر احد
يزن: ولك هو الي يشوف هيجي جمال حتى ينسى امو تعاي حبيبي اشو انطيني بوسا ايمتا تكبرين دا اشوفج احلى عروس ليا والله لا اخليج ملكة والله
محمد: يمعود على مهلك ابو الحب رحت بيها طاير على احلامك الوصخة
يزن: هو ياهيجي نعمة ياماحاجة بس خلي تكبر وكتها الله كريم
محمد: اي والله الله كريم اكول باجر ماتروح عالجامعتك
يزن: امبلا باجر اروح رايحلي دروس جثير والله
محمد: شد حيلك حتى نشوفك احسن دكتور
يزن: لا اخوي اني اريد كلية العسكرية جنت اتمنى من اني واصغير اصير ضابط
محمد:تخبلت وال خلي ابوي يسمعك شنو عسكرية
يزن الله يخليك لاتسوي شيء بدون ماابوك يعرف بالله اذا يعرف والله يتبرى منك اكعد عاقل
يزن:لا محمد اني من البداية كن كلت خلي يطلع القبول بعدين احجي مع ابوك بس باجر اروح ودا اشوف اش سو واش ما سو
محمد: بس كول ابوك على الاقل ترا اذا ماكتلو اني اكولو
يزن: لا اني اكولو افاتحوا بليل الموضوع واكولو
ديلا: امش دا نروح اني وولد عمك نروح نشوف المزارع
يزن: يلا امش
ايات:اني هم اجي معاكم
يزن:وين
ايات: عالمزارع
يزن:دا اكسر راسج اذا طلعتي هيان تكعدين تلعبين ويا نور ومصطفى والله خوش هذا العايزني تجي عالمزارع هالمرة
محمد:خلي تجي هسة اجيب نور ومصطفى هم خلي يلعبون هناك وهم يتونسون
يزن:لا يروحون يضيعون وخاصتن البلوة مالتي جثير تتحرك
محمد بضحكة:لا يمعود اش يضيعون نخليهم كدام عيونا وخلي يلعبون
يلا اني اكوم ابدل واخبر ولد عمك علما تحضر نفسك وتحضر ايات يالله
يزن:تعاي دا ابدلج شوفي ايات اذا سويتي وكاحة بعد مااخذج اي مكان
ايات: والله مااسوي شيء اكعد عاقلة
يزن:عفية بالحبابة الي تسمع الكلام يلا تعاي دا ابدلج
بدلتها فستان وردي ومشطلها شعرها ولبستها طوق وحذاء وردي وعطرتها والله طلعت مال كرط تعاي اشو انطيني بوسا😘
الله اشون بوسا حلوة تعاي اكعدي هينا علما اسبح وابدل واجيج ماتتحركين من مكانج مفهوم
ايات:مفهوم
يزن رحت سبحت بدلت بنطرون وقميص وفوكوا جاكيت ورتبت شعري وتعطرت وشلت ايات واخذتها معايا ركبنا بالسيارة علما جا اخويا وويلادو ركبوا
يزن: يلا نروح
محمد:يلا توكل ماعدنا بعد شيء وويلاد عمك كن سبقونا رايحين قبلنا
يزن:وصيت ويلادك حتى مايروحون مكان بعيد
محمد:اي وصيتهم واندار عليهم مثل ماكتلكم ماتروحون مكان بعيد ترا اكو جلاب يعضون اني ماعليا بعد
الاولاد:لا مانروح مكان بعيد
ايات: بجي
يزن:اشبيج عليش عاتبجين
ايات بجي: الجلب راح ياكلنا
يزن:وال ماياكل جلب حبيبي عمو عايتشاقى معاكم
بالله هذا حجي وخوفتهم
محمد بضحكة:تعاي دشو بحضني الله اشون طالعة طالعة مثل اميرة هذا منو جابلج هذا الفستان
ايات وهي تمسح دموعها: عمو يزن جابلي ياه
يزن عين عالطريق وعين عليها:اي هو يزن ماكادرة عليه بس عمو اي مو مرمرتي كلبي باسم عمو ها
محمد:دشو دي اكف وصلنا وانت بعدك عاتسوق اريد اعرف ماشاييف ايات بحياتك عوذا منك لوما اربعة وعشرين ساعة مكابلها وكاعد يمها
يزن: دجيبها وعينك على ويلادك
محمد ويزن: السلام عليكم
وعليكم السلام
طارق ابن عمهم وزوج اختهم:ليش تاخرتو
يزن:والله الطريق جان ازدحام ومن ورا محمد طولنا
محمد ضرب كفخا على راس يزن: ايا جذاب كلو من وراك اتاخرنا ليش تزتو براسي،،،،?
ايات بصياح وبجي:عموووو يييززززن
مرحبا بنات لاتنسون التصويت حبايب كلبي انتم
تحياتي الكم😘😘
بنت: الدليم ❤️💖
أنت تقرأ
طفلة ضيعها القدر
Science Fictionطفلة عانت من الدنيا ومن عمامها يتيمة الأبوين وينقذها فارس احلامها تابعوا القصة وشوفوا كلش حلوة
