#صدفة_ مصيري
#الحلقة_ 7
للكاتبة : توتي الحاسي 🍃
تقى :
نراجي في محمد يوصل و حالتي يعلم بيها ربي شعري نازل على وجي و دموعي مش قادرة نوقفهن قاعدة خايفة ان امجد يقتل محمد لانه مجنون اي شي يديره عارفة
قعدت ساكتة و مقمعزة و امجد يخبط و يكسر جنبي بعدين حسيت بنغزة في قلبي 💔 شي مش كويس توا يصير متأكدة
خش واحد : سيدي في اثنين يبوك برا
امجد بحت فيا و ابتسم : اني جاي
تقى : لا يا ربي لا يا ربي احفظه لي يا ربي ما تكسرني فيه يا ربي
محمد يوتي في المسدس و انور كذلك
محمد : انت مش مجبور تدخل معاي في المشكلة هادي ما نبيك تضرر و الله
انور حط ايده على كتفه : معقولة الكلام هادا يا برو ؟ انت خوي نصبي معاك في اي وقت ما تخافش
محمد ابتسم : مشكور و الله
امجد طلع عليهم : اخيراً وصلت
محمد يوتي في المسدس : خليه هذا شوري عدي انت هربها
انور : تمام يا برو
امجد : نبدوا ؟ بس هاي ! اعزق المسدس خلينا راجل لراجل
محمد : مش مشكلة
و في لمح البصر خشوا في بعضهم و بدا الضرب و انور خش يدور ع تقى
تقى تبكي و منهارة خش عليها انور شوي قعدت تصرخ و تبكي
انور : هششش بتفضحينا ؟ محمد باعتني نهربك
تقى هدت شوي : محمد.....محمد وينه
انور: برا مع ولد سيدك
انور فكلها ايديها و صبت و مشت وراه بعدين لمحت محمد و امجد من الروشن شوي وقفت
انور : ليش وقفتي؟
تقى : استنى بنشوفه
انور : بسرعة
محمد كان اقوى من امجد نتيجة انه يمشي للتمرين طبعاً اما امجد كان جسمه هزيل من كثر المخدرات و هكي
محمد صبا و طاح امجد ع الارض
محمد : تفو عليك 😡
تقى بحتت في محمد و ابتسمت و هو ابتسملها و برم بيش يجي شورها
و هووووب 🔫💥
امجد طلق في من لاورا
محمد بحت ع الارض لقى الدم يسيل و مسرع ما طاح و فقد الوعي
تقى : محمممممممدددددد لا لا يا ربي لاااااااااا
انور طلع يجري يشوف صاحبه و امجد هرب و تقى قاعدة تصرخ و تبكي
انور عزق عليها تلفون : اتصلي بـ بوكي
تقى مقمعزة جنب محمد و تبكي و مش معدلة
تقى : لا يا حبيبي ما تسيبنيش هكي .... و الله ما نقدر نعيش بلاك امسك روحك خليك معاي ما تسيبنيش ارجوك ما تخلينيش محمد ..... محمد لااااااااا
انور : رني على بوكي بيش نسعفوه كان ما هذا توا يموت صاح
تقى اتصلت و هي تبكي و طول جا و حضنها و هي تبكي و تشكيله
محمود : ما تخافيش يا بنتي و الله توا ناخذلك حقك منه
تقى تبكي و حاضنة امها
بعد روحوا مشت تقى للمستشفى طول
تقى : دكتور حالته شنو ؟
الدكتور : حالته غير مستقرة نقدرش نحكموا عليه توا
تقى تبكي : نقدر نشوفه ؟
الدكتور : اسف نقدرش
تقى زادت تبكي : ارجوك نشوفه 5 دقايق بس لو سمحت بس 5 دقايق
الدكتور : به بسرعة
تقى خشت و قلبها وجعها من منظر الاجهزة مركبة عليه و تخطيط النبض ضعيف جت قمعزت جنبه
تقى : محمد ؟ محمد تسمع فيا حبيبي ؟ نبيك تكون قوي و تبرا بسرعة عشاني 💔..... خليك قوي عشان تردلي و نقعدوا مع بعضنا ديما 💔 خلاص معش في امجد في حياتنا ...
نحنا بس 💔 محمد اياك تستسلم للمرض
خليك عارف ديما بس اني حتى انا نحبك و نموت فيك و نبيك تبرا و تردلي
باساته على راسه و طلعت سيباته و مسحت دموعها
بعد ايام ردت للمستشفى اخرى بعد سمعت انه تعافى بشكل كامل جت تجري في الممرات بسرعة
الممرضة : ما تجريش لو سمحتي
تقى بحتت فيها و ضحكت : خليني اليوم اسعد يوم في حياتي
عدت نجري للغرفة متاعه و وقفت على الباب تلق في نفسها و تبحت في فيه و هو مصبي و يسقم في دبشه
عزقت الشنطة و جرت و ضبطاته و هي ميتة من فرحتها و هو مرايفلها و خايف عليها من الدنيا كلها
تقى : اخيراً ؟ اخيراً رديت
محمد : مستحيل نسيبك الا اذا متت
تقى : ما تجيبش سيرة الموت مرة اخرى
محمد : شن صار في امجد ؟
تقى : بعد هرب خبطاته سيارة و توفى
محمد : لا اله الا الله
تقى : ما تخوفنيش عليك هكي مرة اخرى و خليك قريب مني ديما
محمد : حنكون قريب منك ديما تعرفي ليش ؟
تقى : ليش؟
محمد : لاني حـ نجي لباتك الاسبوع الجاي و حـ نخطبك منه
#النهاية
