عشـقي لم يكن بالحسبان

بارت 20

❄❄❄❄💔
گون آلوفهہ ينبآع بسـوگ
وگون آلشـلونگ 😔مـوحجي حلوگ 😷😔
❄❄❄❄💔
الياس: اخذته لدكتور اختصاص وسويت تحاليل اله جديده كامله
وضليت منتضر تطلع النتائج
ملاك:طلعت ولاكانو صار شي ورحت غسلت وبدلت ملابسي
ابوي وجدي وعمي ابو فهد والولد راحو للمضيف وعمتي وامي راحن للبيت عمي محمد علمود مرت عمو محمد
وبيبي نامت
واسمااء نومت الجهال وكعدنه ضلينه نسولف
هنه يسولفن واني بالي مشغول اذكر كل كلمه كاله وكل كلمه نطقه وحجاه احس كانو هسه جاي يكوله
وشنو قصده من كال تردين صيرين مرتي
كله ضليت افكر بيه
مريم: جنه كاعدين نسولف بس ملاك موويانه شنو الي كاله الياس شنو الي خلاه هيج مشغوله وعيونه بيه دموع ياربي. رحمتك على هذوله الاثنين
الياس: ضليت منتضر نتائج التحاليل وعشق نامت
لان ضلت تبجي تريد ملاك شويه وطلع التحاليل
اخذتهن قريتهن تفاجئت كلامهم صحيح ياربي شلون
اخذته ورجعت للبيت والدنيا ادوربيه دخلته امي تلكتني
ام فهد.:ولك الياس شنو هذا السويته كدام عمامك
الياس: يمه رحمه الوالديج كافي
ام فهد: براحتك يمه
انطيني عشق اخذته امي وراحت دخلت على الحجيه نمت على رجله
الحجيه ام عمر: شمالك حبوبه روحك رايحه وعصبي دومك ودمك فاير وطايح بهل مكروده
الياس:حجيه والله تعبت شوكت ارتاح
الحجيه ام عمر: حبوبه والله حقك بس على كيفك ويه المكروده لو شوفه اليوم مابيه روح ونزلت ترجف ميصير تراهه هيه هم بنيتنه ومنرضه عليه
الياس: الله كريم
ملاك: كمنه اني والبنات صعدنه بدلن البنات وتمكيجن اني مالي خلك بس البنات كوه كومني بدلت لبست فستان زيتوني وستره كابوي فوكه وشال ومكيب خفيف خليت ودخلت عمتي شايله عشق انطتني اياه اخذته بدلتله لبسته شورت كابوي وتشيرت زيتوني ومشطت شعره طلعت اجنن
ونزلنه جوه كعدنه واجوي الولد كضيناه سوالف وضحك طلعت بيبي كل واحد ضربته بالعوجيه كالت انو الياس نايم لحد يطلع صوت
هههه متنه ضحك وكعدنا نلعب صراحه جرئه
فرينه البطل طلع عله امير واني اني اسئل امير
سئلته جرئه لو صراحه
امير: جرئه
ملاك: كوم شيل زهرااء وافره وبوسه
امير :لا غيره
الولد والبنات :لا لا يله كوم سويه
ازاد:عوفو جبان
اسد:لاتخليهم يستهزون بيك
امير: نعله على يومج
ملاك، :ههههه. خطيه زهراء خدوده حمر. من الخجل
زهراا:كلش ستحيت ومن خواني الله لاينطيج ملاك متعرفين اله اني
كام امير شالني وحضني وباسني بخدي
امير: بهمس خد لو كيمر
زهرااء :☺☺
كعدو. ضلينا نلعب
شويه وكعد الياس،تردون واحد كاعد بمكانه ماكو كل واحد طفر بمكان هههه اني والبنات سوينه عشه
وحضرنا سفره وحلويات سوينه اني ومريم وطبخ امي وعمتي وزهراااء واسمااء يخبزن والولد كعدو بالستقبال
خلصنا كلشي حضرنا وكل عاده لتمينه على السفره امي يم ابوي وعمتي يم عمي وبيبي يم جدو واحنه كل وحده يم زوجهه اني مريم زهرااء اسمااء
اني بس كعدت صار عندي مقص قوي بطنني ذكرت النتائج باوعت لمريم نفس حالاتي
ولاوحده اكلت
الياس: شبيج متاكلين
ملاك: مااريد 😔
الياس: بكيفج
ملاك:ضليت كاعده خلصوا اكل والبنات شالن الاماعين وغسلنهن واني ومريم رحنه لازاد
مريم: ازوذ 😁
ازاد:😂 خير شكو
ملاك: انته. ابو كلب الطيب طلعنه النتائج
ازاد: ييي هسه نزلت يله تعالن خل نشوف شمصخمات
البنات: راح وركضنه وراه
الحجيه ام عمر،:على كيفج شمالجن طايرات
رحنه وراه نزل الابتوب وكعد يمهم
ازاد:انتضرن ساعه وتنزل
مريم: اهوو هم اكعد انتضر
ملاك: كلبي من الخوف مات بالحسين
ام فهد: اكول حتى ماتعشيتن شمالجن
مريم: كلبي راح اموت اسدد الحك عليه
اسد:كلبي مكان كللبج يروحي
الحجيه ام عمر: ياااا شوف شوف فلك طرج ولا
اتستحين
مريم: يا عليمن استحي جا غير رجلي واذا مادلعته ياخذ عليه مو انتي لكلتي هيج
الحجيه ام عمر: دلعي بغرفتج مو هنا
مريم:يابيبي هسه شكلنه
الجميع: ههههههه
ملاك: مريم السان ومتستحي ابد واسد اضرب منه لايكن لبعض ربي يسعدهم
ضلينه كاعدين هل ساعه على احر من الجمر وفوك كل هذا الياس يخزر
الياس: والله الي معدله ناصي واقل من السته وتسعين تحلم تدخل جامعه
مريم: ياعزه منين اجيب التسعين دخل اجيب السته اول شي يله التسعين
ملاك: فوك خوفنه الياس ياربي شنو هذا من بشر
ازاد:نزلت
مريم :اني اول شي
ملاك: اني قبله
الياس: نجبن وكعدن
اززاد:مريم عمر سلمان
مريم. :ييي يي احجي شمالك سكتت راسبه مو يي راسبه 😭😭💔
ازاد:انطيني مجال احجي الله يطيح حضج على هل معدل
مريم: شكد احجي
ازاد:امداج خمسين
مريم: شنو 😳😳 هواي عليه
ازاد:هههههه لعد خل اصدمج اكثر
مريم: اصدم اصدم بعد اخيتك
ازاد:معدلج 97.45
مريم: 😳😳😳😳😳😳
اصلا كلش هواي عليه لو شيلون التسعين وينطوني السبعه
الجميع:هههههههههه
الله يطيح حضج
ملاك: الف مبروك يله كافي شوفني
ازاد:مدرستج
ملاك:........
ازاد:ملاك علي سلمان
ملاك :يييي
ازاد: ملاك ماتوقعت منج هيج معدل جنت واثق منج معدل عالي
ملاك: ازاد لاتحجيه والنبي قريت والنبي ذبيت كل جهدي 😭😭😭😭
ازاد:اسف معدلج. سبعين
الياس: مستحيل دخلين جامعه
ملاك: والنبي قريت والله ماما
ازاد:على كيفج جذب
ملاك: كول لااموتك
ازاد: مبروك معدلج99.95
ملاك: شكرا الك يارب ماقصرت وياي
ام ملاك: مبروك بنيتي
ملاك: الله يبارك بيج ماما
وتباركولي اهلي ومتت فرحه. وجدو كل وحده خله بيده 500 الف وكال تجهيز الجامعه عليه وعمي انطانه كل وحده ورقتين

اني صعدت للغرفه ميته فرح حتى نسيت الزعل
صعد الياس
الياس :مبروك ملاك انشالله الكاج بااعلى المراتب
ملاك:شكرا الك
الياس :بس ميحتاج ترحين اطلبين من ازاد يطلعه الج جان اجيتي الي اني شنو بهل بيت
ملاك:ليش اجي واكلك وانته تكره. تباوع بوجهي
الياس،:ملاك لاكلشي سوي عناد
ملاك: الياس كافي هواي سكتت مليت اني مصالي اسبوع وياك ليش الياس شنو السبب الي يخليك تكرهنني وتكره وجودي ليش زوجتني وانته متحبني
الياس: انتي هسه زوجتي وبس،
ملاك :لا مو زوجتك
الياس: ملاك انتي زوجتي،شنو مو زوجتي،
ملاك: اني زوجتك بس ورق مو زوجتك صدك
من كتله هيج جراني من ايدي،واخذاني للجربايه
الياس:مو تردين تصيرين مرتي تعاي احققلج هل رغبه
ملاك: من فهمت قصده نهضت يدي
وكفت بوجه بوقته جنت فاقده. حجيت بكل عصبييه جنت احجي،وابجي،
ملاك،:شنو قصدك اصير مرتك وشنو يفيد اذا ماجنت تحبني وشاريني وتريدني مايفيد الي هسه تريد سوي الياس لهنا وكافي انته بجهه واني بجهه شكرا الك
الياس:فقدت من شفته تبجي وتحجي لكان هل غرور الي بيه شنو يكسره وهيه مغروره اكثر مني محد ينزل للثاني راس هيج جنه كل واحد يريد يحافظ على كرامته مجنه ندري بهل شي نخسر بعض
ونهدم حياة بعض
اني طلعت اخذت سويج ورحت للشط كعدت هناك
وضليت ادخن جكاير وخابرت علاا ء اجه يمي
علاء: على كيفك يخوي شبيك ضايج ومالك خلك
الياس:علاء والله حرت ويه نفسي شنو اسوي النفسي وترضه
علاء: الياس انته هيج متحصل شي انته تحبه بس راسك يابس وتعاند اعترف اله صارت على ذمتك وبعدك تعبان ومهموم
شمحلاه من تكعد على لون عيونه ومن تنام على رجله وتخلي ايده بشعرك شمحلاه
الياس:هااا تتغزل بمرتي جنك
علااء: هههههه 💔 تدريني ماتغزل بمرتك وتدري القصد وين
الياس:الله كريم وعلي اخليك تاخذه وهاي كلمه مني
عللاء: الله يحفضك يخخوي ويخليك النه وعلي تعبت اكثر منك انته يمك كدام عينك وتعبان اله اني ولك اشوفه تكبر كدام عيني ويخطبوه وترروح للدوام والحكه لك اني شكبرني وكلبي معلك بروح طفله بكلب طفله
الياس،:يخوي كلنه هيج من جدي النه وكلنه على هل درب كلوبنه موبدينه كل واحد كلبه يمه بس هنه ميحسن اني احترك من اشوفه تحجي ويه الكل اله وياي،جافه شقاه وضحكه الضحكه ترد العافيه
عللاء: من شوكت تحبه
الياس:احبه من عمره سنتين ومن شفته اول شوفه من لمست كلبي تذكر من جدي يراقب بيت عمي وبوكته شفته لو احس اخذت كلبي بنضره من عيونه
عيونه بيهن سحر محد شايله احنه عائلتنه كلهه ورثت عيون ملونه اله هل مخلوقه عيونه حتى لونهن يختلف عن الجميع
علااء :ولك شكد تحبه تعرف ادق تفاصيله وتكابر شسويلك يخوي واكسر غرورك
الياس:ضلينه كاعدين اني وعلااء كلش اصدقااء كلشي يعرف عني واعرف عنه كلشي،هذا اعز صديق اليه ضلينه كاعدين وخابرنه الشله. اجوو يمنه وكضيناه شعر وسوالف اني اشعر وعلااء يغني وضحك وسوالف فهد واسد وامير. وازاد وخالد والشله ولد عمي البقيه وكعده يم الشط وتدخين  ونركيله

🗡🗡🗡🗡🗡💔
-
‏ ❞ ע تـَـثق بـَ ﺄحـّد فـَ ﺄبليـِس ڪـَان مـْن المـَلائڪهہ ˷🌝🖤 ٰ❞
🗡🗡🗡🗡🗡💔