قلبي والانتقام

4

صباح الخير متابعيني😍
..........................
شاهين: كعدت الصبح نزلت صبحت عليهم تريكت وطلعت الشركة لكيت عمامي هناك سلمت عليهم وضلينا نحضر بالصفقة الي راح نعقدها وي ناضم طبعا خلينا مدير وهمي يعقد وياهم صفقة واني علساس ابنة راحنا اني والمدير الشركة ناضم طبينا الشركة ورحنا الإستقبال طلبنا انشوف ناضم ضلينا ننتضر شوية واجت سكرتيره صاحتنا دخلنا المكتب شفنا ناضم وابنة قائد سلمنا علية جان يباوع علينا بتكبر ضليت كاعد على عصابي خلصنا شغل وطلعنا واني بداخلي حقد وانتقام تجاهم😈
...............................................
قدر : كعدت الصبح سبحت ونزلت صبحت على امي طبعا ابوي التحق واريج نايمة واني اليوم عدي اووف مانداوم بيوم الاحد تريكت ونضفت البيت ورحت البيت جدو طبيت من ترك لكيت جدتي ومرت عمي بالمطبخ سلمت عليهن وكعدت سيبم جدتي اساعدها بالحشوا مالت الكبة ومرت عمي تنضف بالمطبخ خلصت الحشوا ضلينا نسولف إني وعمة رغد خطية عمة رغد شابعا ضيم من جدو وعمي مايدري بتعامل جدو لمرتة ماتكلة مرت عمو فقيرة ماتحب المشاكل تضل ساكتة من جدو يحجي وياهة حتى جهالها فقيرين وهادئين مهدي عمرة9 سنوات وروان6سنوات مرت عمي بعد ماحبلت ضلت شكثر تراجع دكاترة يكلولها ما بيج شي وعمي هم فحص روحة هم مابية شي جدي ضل يحجي علية يكلة اتزوج وخلي اشوف ولادك وعمي يكلة مهدي و روان كافي علية وجدو تشيلة الحركة ودكة يضل يغلط على مرت عمي وعمي ياخذ مرتة ويصعد الغرفتة وجدو يضل يحجي وحدة ضليت العصر عد جدادي ورحت البيت الكيت امي رايحة البيت واريج بعدهي بالمدرسة كعدت واحدي بالبيت ضلينا نتراسل اني وكوثر وفاتن خلصنا مراسلة وصعدت الغرفتي أقر بالمحاضرات شوية وسمعت صوت امي واريج نزلت جوة عزلت المسواك بالثلاجة وكملت رحت شفت رقم نفسة الراسلني البارحة دازلي مقطع فيديو مكتوب بية أنتي الي وقلبي ملك لكي وسوف ينبض لكي وحدك أنت لي من انضرة الاولى❤خفت من عندة هذا شيريد وليش يلاحكني مسحت الفيديو وكلامة يرن باذني مر اليوم عادي وضل يومية يراسل صراحة نجذبت آلة بكلامة وسلوبة الحلو عرفت اسمة رضوان وعمره 29 ويشتغل وي جدو بالشركة ضلينة باليل نتراسل تعودت علية اسولفلة يومي وهو يسولفلي يومة بهل فترة ابوي نزل من دوامة مر اليوم عادي وبليل راسلني رضوان وطلب يشوفني آسفة ماكدر
رضوان: شبيج اشوفج من بعيد ليش خايفة
قدر: انتة مو شايفني بعد شنو
رضوان: اي شفتج مرة وحدة اريد اشوفج مشتاقلج
قدر :بس مااكدر اطلع من البيت
رضوان: شبيج اشوفج بالكلية
قدر :لا لاماكدر اخاف تجيني حجاية تمس سمعتي
رضوان: منو يكدر يفتح حلكة كولي اني خطيبج ومحد راح يحجي
قدر: مادري خايفة
رضوان:لا تخافين محد يشوفج حتى لو إني راح اجي وخطبج تفقنا
قدر:اوك اشوفك باجر نهيت المراسلة و رحت الكنتور أكلب بالملابس اشوفلي شي ألبسة ما عندي شي حلو رحت الاريج لكيتها نايمة ضليت ادور باملابسها لكيت فستان أحمر قصير جو ركبة  بية قلب اسود خذتة ورحت الغرفتي علكتة ورحت نمت كعدت الصبح سبحت والبست الفستان وكعب اسود رفعت شعري ليفوك وحطيت مسكارة ومرطب شفايف و خذت ملازمة ونزلت صبحت على ابوي وامي تريكت وطلعت البو الخط سلمت على الموجودين وصلنا الكلية سلمت على كوثر اليوم فاتن ماموجدة غايبة طبينا المحاضرات والمحاضرة الأخيرة لدكتور ضرغام طب سلم وضل يشرح إنتبه على مكان فاتن سأل عليها كال هاي طالبة لهنا وين جاوبتة كوثر كالتلة غايبة كمل شرح وطلعنا حاجيت كوثر كتلها هسة رضوان يجي يشوفني
كوثر: قدر لو يريد يشوفج يجي ويخطبج كدام اهلج مو يجي يشوفج بالختلات
قدر: بس هو كالي يخاطبني عن قريب وانتي تعرفين هوة يشتغل وي جدو أكيد جدو راح يوافق علية
كوثر : بعد مادري انشاللة والله يقدم لبي خير يلة اني اروح اجة اخوي علية بأي
قدر:الله وياج حبي ضليت منتضرة رضوان شوية واجة الابس قميص ابيض يريد يطك علية سلم علية
.................
شاهين :وصلت البيت حاجيت جدي على اليصار وافق نبدي شراكة وي ناضم ا ترخصت منة وصعدت فوك طبيت اسبح و كملت البس ملابسي كعدت على جرباية راسلت قدر دزيت إلها مقطع فيديو (المكتوب فوك)نهيت المراسلة طلعت وي جماعتي باليل وجيت ضلينا نشتغل على الخطو دمار ناضم ضليت يومية نتراسل جذبتهاالي بالكلام والغزل طلبت اشوفها وافقت بعد ما قنعتها سديت تليفون ونمت كعدت الصبح رحت الشركة اتفحص شغل كملت ورجعت البيت تغديت ورحت سبحت وكملت نزلت أخذت سيارتي ورحت للكلية شفت قدر بنت الذين طالعة تموت رجليها طالعات بيض (غيرت اسمي وغيرت الجنسية حتى محد يشك) رحت عليها هلو قدر شونج
قدر: هلابيك رضوان تمام الحمدالله انتة شونك
رضوان:دومج الحمد اللة طالعة حلوة رحمي بحالي يابنت ناس
قدر: هههه تسلم عيونك الحلوة انتة هم طالع حلو
رضوان: تعاي نروح يلة
قدر: وين؟
رضوان: البيتنا شبيج اعرفج على عائلتي
قدر:لا عيب استحي
رضوان:منين تستحين بس امي بالبيت ابوي بالشركة
قدر: لاهسة شتكول علية عيب
رضوان:شبيج بابا امي تدري راح اشوفج وأصرت اجيبج البيت حتى تشوفج يلة حبيبتي شوية ووديج البيتكم
قدر:ماشي يلة مشينة البيتهم بداخلي خوف و ندم وصلنا البيتهم حلو مرتب دكينا الباب طلعت مرة عمرها بالربعينات سلمت عليها تبوس وتحضن بية بلهفة طبينا كعدنا بالستقبال المرة ضلت تسولف وتضحك بس اني مامرتاحة الها ترخصت امة وطلعت ضلينا بس اني وياة تقرب كعد يمي
رضوان:شبيج حبيبتي شو ترجفين بردانة؟
قدر:هاا لا ما بية شي شوكت توديني البيت
رضوان : شبيج مستعجلة ستونا اجينا
قدر: رضوان خايفة تقرب مني وهمس
رضوان:منين خايفة واني يمج راح احميج وما اخلي شي يذيج
قدر:رتاحيت شوي بتسمت
رضوان: اي مايلوكلج الحزن قاربت منة وطبعت بوسة عل شفايفه ضليت ابوس بيها ونت بدية ماتحملت نزلت عل ركبتهة وبستها وخرت منة خدودها راح يطكن من الخجل بستة بخدها .آسف يعمري من اشوفج أفقد
قدر :تقرب باسني بشفايفي ضليت مصدومه ضل يبوس بقوة لاراديا ونيت نزل على ركبتي باسها وإني بعدني مصدومة خجلت كلش باسني بخدي وصل يعتذر رضوان يلة وديني البيت راح اتخر فدوة
رضوان:يلة حبي
قدر : وصلني البيت سلمت علية ونزلت طبيت البيت لكيت ابوي وامي منتضريني حسيت بندم كرهت روحي وكرهت رضوان سلمت عليهم صعدت سبحت ونمت حسيت على امي تكعد بية انزل اتغدة نزلت غسلت وكعدت اتغدة ابوي ضل يسئاني على الدراسة والكلية ستحيت احط عيني بعينة جاوبته واني مدنكة
قدر:زينة بابا الحمدالله
بابا :اريدج ترفعين رأسي وصيرين احسن محامية
قدر :انشالله رأسك دوم مرفوع بابا كمت بست راسة الله يحفضك النا ويخليك خيمة فوك رؤسنا كملت غدا وغسلت المواعين وسويت جاي وديتة الهم وصعدت فوك الغرفتي ضليت أفكر رضوان وبابا قررت بد ماحجي وي رضوان إذا يريد يشوفني يجي يخطبني ضليت ماحسيت من نمت
..................
شاهين:بعد ما خذيت قدر البيتنا (أجرت بيت وجبت مرآة اسمه بشرى تلعب دور امي ) طببيتها الاستقبال ضلت بشرى تسولف وتضحك بس قدر بالها مو يمها أشرت لبشرى تكوم عافتنا وطلعت ضليت اسولف وي قدر عيوني مركزة على شفايفه ماتحملت تقربت منة وبستها ونزلت على ركبتهة بستة خذيتها وديتها البيتهم رجعت البيت بكل صعدت فوك سبحت وكملت ضليت أفكر بقدر كلبي يحن الها بس عقلي رافضها يفكر بالانتقام طردت للكفار من راسي ونمت
...........................

شتكولون شاهين يحب قدر وقدر راح تكشفة وشنو راح يصير بالبارت القادم

لاتنسوا التصويت وضغط على النجمة😆