لما سرقت قلبي 😢

البارت 7

حوراء: ضليت جامدة بمكاني ما ادري شكول شنطي ردة فعل

أبو احمد: بنتي انتي شتكولين خاف أحمد كلالج شي الة اكسر راسة

مريم: يابة اني اخذت قراري بنفسي

أبو احمد: باوع على احمد مبتسم ابستامة مال حقارة
وبنتج وين تروح

مريم: بنتي وياي محد ياخذهة

احمد: هذة احسن قرار اختي بحياتج

أبو احمد: انتى اسكت زين ما سويتي بنتي هذة قرارج راح يحدد مصيرج

مريم: حسيت قراري صح الي اخذتة بس والله ما اكدر انسة محمد باوعت على حوراء اعيونهة مغوركة كوة ضامة دمعتهة رحت صعدت فوك وكمت ابجي سمعت خطوات قريبة مسحت ادموعي

حوراء: شفت امي كوة ضلمة دمعتهة وصعدت كبل كلت خليهة وحدهة بلكي ترتاح اشوي وصعدت لان ما اتحملت ابقة بنص حياية صعدت لكيتة تمسح بدومعة رحت  مامة

مريم: هاا حبيبتي

حوراء: اني ادري انتي ما راضية ليش راح تزوجين وتعوفين بابة

مريم: انفجرت بالبجي رحت حضنتهة والله مجبورة اذا ما وافقت احمد راح يسوي مشاكل وابوي مريض وبعدين يمكن يطلع الرجال زين مثل ابوج ويعيشنة انتي شفتي اشلون صارلنة 6 اسنين يمهم وهمة صرفو اهواي علينة وهسة كل واحد عدة عالة يصرف عليهة وجدو ما عدة يادوب يكفي التقاعد يعني منو يصرف علينة

حوراء: كلام مامة صح يمكن قرارهة جان صح
مرت الايام عادية واجة الولد وشاف مامة وقررو يسون بس خطبة وعقد وتروح مامة لا الرجال مرتة ميتة وعدة جال 2 بس جان مبين عله فقير مو مثل فاطمة حقيرة وصارت الخطبة بس مامة جانت ما فرحانة بس تبجي ورة اسبوع من الخطبة جنت باليل طالعة ادور شي اكلة جوعانة لان نسوان خوالي ميخليني اكل عسفرة وياهم ابد رحت للمطبخ دورت الاكل كلة ذاباتة بالزبالة الحقيرات طلعت سمعت صوت على درج شفت مرت خالي فاطمة تحجي على تلفون ختلت خفت اذا شافتني تكتلني سمعتة تكول بتلفون بصوت ناصي
 
فاطمة: اكلك انتة اشبيك معقولة ما عدك عقل شنو اتخلي هاي الكلبة تكعد وياك انتة وامهة  انتفق وية مريم انو بتهة تروح عند بيت عمهة ما اريدهة وياكم هاي حية من تحت التبن اذا بقت يمكم راح اتخرب علاقتكم لان هية ما راضية امهة تزوج على ابوهة وكل يوم اتحرض امهة عليك اي اي لعد اشعبالك

حوراء: كمت ابجي اني شسيتلهة وهية هيج تكرهني انوب اتريد اتبعدني عن امي انتضرتهة اتكمل وصعدت غرفتها واني صعدت لغرفتنة وكمت ابجي بلكوة نمت كعدت الصبح سوينة الريوك اني وهج كلش احبهة ما ادري ليش تنحب بس الي اصغر منهة رفيف اكرهة سوينة الريوك وكمنة انسولف وتكلي حرامات راح اتعوفينة كلتلهة اف اني هم ضايجة لان راح اعوفج كملنة ريوك وصبيناه محد كعد من ستات الحسن نايمات لل11 صبينة الريوك وتريكنة اني ووهج ومامة وجدو وخالو احمد راح قبل الريوك للشغل وخالو رزاق كعد اتريك اشوي وراح كملنة وكمنة على البيت امي واني ووهج اني على مطبخ وامي على برة يعني الحوش ووهج على جوة الغرف كمنة وصارت بال10 الصبح وندك الباب رحت لبست شالي وفتحتة فجئة شفت عمامي على باب اتفاجئت حتى ما كلولنة سلمت عليهم وعمي رحيم ضل يصلي على محمد كال كبرانة صايرة مرة حيل خجلت كلش احبةعمو هوة وعمو سجاد طبو جوة واجة جدو ومامة سلمو عليهم وانوب حجة عمو

رحيم: مريم صحيح الي سمعنا

مريم: شنو خوية للي سمعتة

رحيم: انج انخطبتي

 
حوراء: باوعت على مامة وجهة صار اصفر وعيونهة غوركت

مريم: نزلت راسي وكلت الحوراء حوراء مامة اطلعي برة روحي وية وهج

حوراء: حاضر مامة

رحيم: لا بنتي اكعد انريد انشوفج

مريم: اي انخطبت واني منزلة راسي

رحيم: الف مبروك اختي ان شاء الله الزوج صالح

مريم: انصدمت صدمت عمري ليش

رحيم: شنو ليش انتي اخيتنة واجينة انباركلج

مريم: الله يبارك بيك خوية

رحيم: هاا حوراء اليوم شو ما اجيتي يمي

حوراء:: صدك جنت محتاجة حنان الاب رحت يمة وحضني انوب قدمنة الهم عصير وكعدو اشوية وراحو

رحيم: بعد ما رجعنة للبيت سجاد راح رحت غسلت وبدلت ولفيت راسي ونمت وكعدت الضهر واني اتذكر حوراء صايرة اجكد حلوة صايرة مرة اااه يا خوية ليش رحت وعفت بنتك ومرت وعفتنة جان هسة بتك مربيهة كدام عينك باوعت حوراء وين راح تبقى اذا تزوج امهة اذا اتروح وية امهة عيب وما صايرة تكعد وية رجال غريب حتة لو رجل امهة وهية ما شاء الله مرة زين يمكن تبقى يم خوالهة لا منو راح يهتم بيهة اشو همة لو صدك زينين ما يزوجون اختهم وبعدين امبين على مريم انوب مجبورة عرفتهة يا ربي وين تبقى حوراء لعد باوعت لعد احنة وين مو احنة عمامهة بس سحاد عدة ست بنات ويادوب يلحك يعيش روحة هوة وبنات لعد اجيبهة يمنة باوعت الشغلة اذا اجيبهة للحلال ولحرام حرام لان احمد شاب وما مزوج ما من المعقول اجيبهة اتعيش يمنة واحمد موجود باوعت للسالفة احمد شاب وفاهم واعي وعندة راتبة وهوة يصرف على روحة وما ناقصة شي وحوراء جمال واخلاق وطيبة وكلهة عدهة كاملة مكملة ليش ما ازوجهة الاحمد وهوة ابن عمهة يعني اولة بيهة من الغريب بس احمد رافض فكرة الزوج يلا اني اقنعة بس صدك اتخذت قرار اني واثق راح اسعدهم