السلام عليكم ورحمه الله وبركاته 💮🌹💮
قررت ابدا بترتيب الحاجات اللي كتبتها وفي الاخر هختم باذن الله بالداء اللي اسمه التليفون زي ما طلبت غاليتي ام صهيب
هي
بداية صعبة شويه بس بصراحة بقيت اكتر حاجة بتدايقني في المجتمع اللي انا عايشة فيه
تعالوا نتكلم عن حاجة بقت رائجة اوي في مجتمعنا اليومين دو اسمها ⚪الكراش⚪
كراش .... كراش ايه الكلمة دي قصدك كلمات كراش دي لعبه يا بنتي ايه اللي جابها للحب وللموضوع اللي هتكلمينا عنه
الحب وسنينه ✋
الا ما رحم ربي كل فتاة بيدها هاتفه وهي في منتصف الليل تكلم ☹️الكراش☹️
كراش ايه دا هو دا اللي انتي متغيرة علشانه
هو دا اللي انتي مبقتيش تصلي قيام الليل علشان خايفة تقفلي شويه يروح يكلم غيرك
هو دا اللي خلاكي فرطتي في تربيتك وفي ثقة بابا وماما وقبل اي حاجة فرطتي في حق ربنا
ايتها الدرة المصونة لما
متقوليش بحبه وبيحبني لو بيحبك هيدق بابك لو بيحبك مش هيكلمك لو بيحبك مش هيلوث قلبك بكلمات الغزل وما شبه
الكراش ☹️
شوفي البنت اللي هناك دي بتكلم الكراش
شوفي البنت اللي هناك دي بتقابل ولد
طيب ايه اللي وصلها لكدا
الحب الحرام
لو هنعرف الحب هنقول:هو الميل الي الشيء أنواع شتى منه منه ماهو مشروع ومنه ما هو.
مذموم ومنه الجبلي الفطري ومنه الاختياري المكتسب (منقول)
حبيبتي الحب انواع
حب الله ورسوله ودا فرض علي كل مسلم ومسلمة بأن تلگ المحبة شرط من شروط الايمان قال تعالي
[ومن الناس من يتخذ من دون الله انداداً يحبونهم كحب الله واللذين آمنوا أشد حباً لله ]
تاني نوع بقي حب .....اهلي وصحباتي
وفيه كمان حب الحبيب (الحب بين الفتيان والفتيات) ودا بقي يختلف تماماً عن أي حب من اللي فات وفيه منه قسمين
1_رجل قُذف في قلبه حب امرأة ..فاتقي الله تعالي وغض طرفه حتي إذا وجد سبيلاً إلى الزوج منها تزوجها وإلا فإنه يصرف قلبه عنها
لئلا يشتغل بما لا فائدة من ورائه فيضيع حدود الله وواجباته
2_من تمكن الحب من قلبه مع عدم قدرته علي اعفاف نفسه حتي انقلب هذا الحب الي عشق
وغالب علي ذلك عشق صور ومحاسن وهذا النوع من الحب محرم وعواقبه وخيمة
النوع التاني دا هو اللي بقي اللي منتشر في مجتمعنا اليومين دول هو دا اللي بيبقي قلبه خالي من حب الله ورسوله بيحب بالطريقة دي
بلاش ندخل في دوامة العشق الحرام دا
بالنسبة للولد لو بتحب واحدة بلاش تلوث قلبك وقلبها بكلام العشق بلاش تخلوا الشيطان يزين الحرام ليكم ويبقي حلال حبيتها يبقي زين حبك بالحلال مش قادر يبقي أبعد
البنت بلاش تسهلي طريق الشيطان يدخل منه احب اقولك لو انتي محافظة علي نفسك وحاطة حدود مفيش ولد هيقدر يتخطي حدوده معاكي ولو حاول يبقي هو الجاني علي نفسه ....بصي يا قمر انتي بتتأثري بأي كلمة حلوة بتاقالك اه والله مش مجرد كلام قلب البنت بالذات بيتعلق باي حد يقولها كلمة حلوة المشاعر عند البنات بتبقي عالية جدا يبقي نحافظ علي قلبنا بقي من اي كلمة تتقال ومش اي ولد يقولك كلمة حلوة يبقي بيحبك لاء احنا في زمن الفتنه يعني ممكن تكون طريقة يقرب منك فيها وخلاص يبقي نخلي بالنا كويس وقلبنا نحافظ عليه لحد ماجي اللي هيدخل قلبك بس بحلال ربنا حبيبتي اوعي تتأثري بصاحبتك اللي بتكلم ولد دي وتعملي زيها لا انتي أنصحيها لو رفضت ابعدي عنها ممكن اكون غلطانه في موضوع أبعد عنها دا بس بالنسبة ليا دا الاحسن الشيطان بيزين الحرام ومحدش معصوم من الخطأ
"قربي من ربنا وسيبيه يدبر امورك سبحانه"
السلام عليكم ورحمه الله وبركاته 💮🌹💮
