ملتزمه تزوجت من رجل اعمال

الحلقه السابعه عشر

وقفنا المرة اللي فاتت لما خديجه كان خايفه.

خديجه بناجي ربها في نفسها. يارب انا معرفشي الصح من الغلط. يارب. طمن قلبي. يارب يكون زوج صالح ويعني علي طاعتك. يارب ميكونشي سبب فتنتي. انا سلمتك امري. لو هو خير. يسره ولو شر اصرف.

ياسمين بتحضن خديجه بسعاده. مبروك عليكي. اخويه. يامرات اخويه

خديجه بضحك. خلتيني مرات اخويه. طب ابدأيها بخطوبه حتي

ياسمين بفرح.  بجد مش مصدقه. انك ياخديجه. هتجوزي اخويه وتكوني معايه علي طول. انا مليش اخوات بنات. واتمنيت انك تكوني اختي. وربنا. استجاب لدعائي

خديجه بمزاح. اختك ولا مرات اخوكي. حددي. عشان. المواضيع دي بتفرق.

ياسمين بسعاده. اي حاجه المهم انك. هتكوني عندنا. علي طول وازهقك براحتي

خديجه بهزار. يااااه. اخيرا هتغدا. في بيتكو. كنت هموت. واقول لمامتك. يوم ماعزمتني. طبخين ايه وانا اجي.

ياسمين بضحك هههه همك علي بطنك دايما.

خديجه بتتصنع التفكير. تصدقي يا ياسمين.

ياسمين باستغراب    ايه.

خديجه بتتصنع الجديه.   لو مامتك. كانت قالت هعملك محشي علي الغدا. كنت. هعمل ايه ساعتها وازاي كان يجيلي قلب ارفض حلة المحشي. بجد الموضوع كان هيبقي صعب جدا

ياسمين بذهول.  تصدقي انا الحق اقول لاخويه انفد بجلدك قبل ماتكلك

خديجه. واهون عليكي. ده انا خديجه.

ياسمين بضحك ايوه. اتهوني.

خديجه بتتصنع الجديه.  طب والطعميه اللي كانت بينا نستيها كده.

نسبنا من الناس دي وتعالو نروح لباسم هو والجماعه.

باسم بجديه.  لوسمحت ياعمي. عايز اكتب الكتاب علي طول. وبعد كده الفرح بعد امتحانات خديجه.

ابو خديجه بضحك. ههه كتب كتاب ايه دلوقتي لسه بدري.

باسم بضيق. ياعمي ده كتب كتاب والجواز الشهر اللي جاي عشان تكون خديجه. امتحنت.

ابوخديجه بقهقهقه. ايه ده يابني هو سلق بيض.  واحده واحده. لما تتعرفو علي بعض كويس. واحنا برده نجهز.

باسم حضرتك. كده كده بنتك عامله شروط ومفيش تواصل بينا فنكتب الكتاب عشان اعرف اجي واروح براحتي. وبعدين جهاز ايه حضرتك انا الفيلا بتاعتي جاهزه ومش محتاجه غير بنتك. تشرفني فيها.

ابوخديجه بجديه.  لا يابني. لازم بنتي تطلع بجهازها.

باسم. ياعمي. حضرتك. الفيلا جاهزه. ولو علي الجهاز. ادي فلوسه لبنتك. وبكده نبقب حلينا المشكله. بس بجد مستعجل علي موضوع كتب الكتاب. ياريت ياعمي مترفضشي طلبي