ثالثة اعدادي(تاسع)

التعليم 🙂

اهلا

طبعا زي منشوفو اغلبيت الناس وقفوا القرايا بسبب (فيروس كورونا) وبدو يعطو في دروس على التلفزيون فنصيحة مني لكل طالب شهاده يحضر هذي دروس على تلفزيون توقعو مرات يجوكم بعد رمضان ويقوللكم هيا بنديرولكم امتحانات طبعا انتو تقعدو تقولو  مقريناش مخدناشي درس هذا  ومش عارفه شن فاهما يبو يبرو دمتهم دارولكم هذي دروس على تلفزيون باش وين حد يتكلم يقولوله انت وين كنت وين كنا نشرحو على تلفزيون فاحنى علاش نقعدو نعاودو في سنه ونديرو درو ثاني وقصه والبلاد على سبله شي كورونا شي حرب انت كان تقسم يومك مثلا تاخد في اليوم رياضيات وعلوم واليوم يلي بعده انجليزي ونحو وهكذا تلقا روحك اغلبية الدروس مكملها وطبعا مننسوش دروس الفتره الاوله حتى هما كل يوم خدو درس من كل ماده واحفضوه وراجعوه قولو لي امك اختك خوك بوك اي حد من العيله يسمعا عليك باش وقت الامتحانات تبدأ تراجع بس وفي رمضان انشاء الله مش تمشي يومك نوم ونت ولا البنات تمشو يومكم كله في المطبخ خدو وقت واقرو فيه عارفه في ناس تساعد في امهاتها في المطبخ بس انتي شهاده سعاديها مثالا صبح ومن العصر اقري والولاد مش تقضو يومكم كله نوم تنوض ع المغرب تفطر وتقعمز على البوبجي قعمز اقرا واللهي البوبجي ماهي نافعاتك حاجه شدو في صلاتكم متسيبوهاش لانها هيا يلي رح تفيدكم في الوقت هذا

وانشاء الله ربي يفرج على البلاد ويبعد علينا هذا الفيروس

طبعا اني الدروس منحضرش فيهم على التلفزيون نحضر فيهم على اليوتويوب نزلهم ونحضر فيهم

الدروس ساعه عشره الصبح يبدو على ليبيا الاحرار
وينزلو فيهم على صفحتهم على اليوتيوب #ليبيا_الاحرار

وكل يوم على صفحة الوزاره ينزلو في المواد يلي بيشرحوهم ثاني يوم مثلا اليوم الجمعه بتاريخ20\3

ووغدوه السبت بيشرحو
•العلوم للصف التاسع 10:00
•وتقنية المعلومات للشهاده الثانويه ساعه10:45
•والرياضيات للشهاده الثانويه ساعه11:35

ربي يوفق كل طالب شهاده انشاء الله ❤❤❤