مؤامرة خسيسة
قصة حقيقية
باركولي وزغرطوا فرحي كان من أسبوع ومش هحكي عن ليلة الدخلة ولا اللي حصل فيها لان البيوت اسرار😉 المهم أنا الدنيا مش سيعاني من الفرحة صحيح في بيت عيلة وأهل جوزي علي قد حالهم لكن مش مشكلة هبدا مع جوزي من الصفر وهعيش كل الستات كدا لازم تضحي بحاجة عشان تكسب حاجة مافيش ست بتاخد كل حاجة وعايشة سعيدة ، فهمي بيشتغل نجار وعنده ورشته بس هو قافلها الاسبوعين دول
_ ندي بتعملي ايه ؟ سيبي التليفون دا من ايدك مش عايز حد يقول عنك كلمة
_يعني ايه يقول عني كلمة ؟
_يعني بتكلمي ناس عليه ماحدش عارف انك مصلحة اجتماعية وبتنزلي قران وادعية
_ههههه كدا بتتريق عليا ماشي
_لا استني بس وماتزعليش انا بتكلم جد ماتخليش البتاع دا ياخد وقتك ،انا بكره الفيس وبيخرب البيوت
_ماتخافش مراتك جدعة وتعرف تحافظ ع نفسها
_دا كلام ي شاطرة .. ولو ف وسط راجل تطلعي صاغ سليم صح ..؟؟
_فهمي انت كل ماتكحلها بتعميها ليه ؟
_مش عارف اقفلي الفيس وتعالي حضرلي اكل انا جعان
_لسه ميعاد الغدا مجاش
_يعني ايه ؟؟ اموت من الجوع مثلا
_حبيبي انا مالي مش امك اللي عامله دستور البيت يرضيك انزل افتح التلاجة واجيب الاكل فتتخانق معايا
_لا انزلي بس هاتي فاكهه حتي
ماشي ..
نزلت اجيب الفاكهة سمعت امه بتتكلم مع أبنها التاني وبتقوله
_ماتقلقش هتتجوز بعد شهرين زي ماحددت مع نسايبك
_ازاي بس ياما كل فلوسي حطيتها ف اجار الأرض ومش هترجع غير بعد سنة
_هنطلع ندي وفهمي من شقتهم وتتجوز انت فيها
_ادي الشقة اتدبرت هعمل ايه ف العفش ؟؟
_عفش ايه ي خايب بقولك هطلعهم من الشقة يعني انت هتاخد كل حاجة هندي للبت جهازها بس عشان الناس ماتاكولش وشنا
_طيب يالا بينا
_خد هنا يا اهطل
ايه تاني ؟
لازم نتخانق مع البت ونخليها وحشه قدام جوزها ؟
ماتنجزي بقي ي امه الله ،انا مستعجل
_ماتقلقش انا خليت اختك تبعت رسالة لخطيب ندي الاولاني من ع النت وسمعت فهمي كلمتين كدا عشان يتنحرر ويدور وراها
_اخ منك ي ام حسين بس الموضوع دا لو اتعرف ممكن فهمي يطلقها مش نطلعها من شقتها بس
_عيب امك موجودة لو الواد نخ هنزود الشطة ونسخنه عليها لو اتنحرر وضربها وزودها هلم الدور واقف جامبها ..
_اشطه ي ست الحبايب
_كفك هههههه 👋👋
ندي قالت ي خبر اسود التليفون علي الترابيزة فوق قدام فهمي اكيد هيمسكه انا ماكنتش مديه خوانه لاخته وأمه 😬😔
طلعت علي شقتها تجري فهمي قاعد ومديها ضهره وف أيده التليفون …
#أماني_عنان
