مؤامرة خسيسة

الفصل 7

#مؤامرة_خسيسة
قصة حقيقية ح 7

_صور أخت جوزك انتشرت علي النت وهي ف لبس البيت وكأنها مدام وبتعرض جسمها ،،
_ يادي المصيبة. ازاي دا حصل ؟؟
انتي بتسأليني ؟؟ لو اعرف ماكنتش كلمتك
_ تهاني ماتعملش كدا ي مدحت اكيد في حاجة غلط
_انا قولت كدا برضو ،،لازم نوقف جانبها ونساعدها
ايه النون دي نساعدها مين ؟؟ انا مش عايزا مشاكل مع اهل جوزي ولا سيرتي تيجي ف الموضوع المنيل دا  ..

في ايه ي ندي كل ماكلمك تقولي جوزي جوزي وأهل جوزي هو انتي اول واحده تتجوز ولا اخر واحده ،، بطريقتك دي بتحسسيني انك مخبيه حاجة عليا

_ مافيش حاجة ي مدحت كل الحكاية انهم صعبين شويه واحنا ف أرياف لو حد عرف اني بكلمك اصلا مش هيحصلي خير ..

_ طيب أنا هتصرف أنا وشباب المنطقة ماتشغليش بالك انتي ،، مالكيش فيه ولا كأني كلمتك

_ هتعمل ايه ،، مدحت .. الو
تيت تيت .. قفل الخط دمه حامي اووي مدحت مش عارفه انا ازاي استعجلت وسمعت كلام امي اللي فضلت تزن عليا اخد فهمي عشان جاهز وعنده شقه وصنايعي .. نفسي كل الامهات تفهم أن الجواز النهاردة بقي له مقاييس تانية خالص ،، الرجولة والحب والجدعنة لازم الشاب يبقي شهم وقد كلامه مش عنده وعنده وفي الاخر بصه من امه يدلدل ودانه 😏😏
سببت الفون من ايدي ودخلت الحمام اخد دش
____________________
مصطفي بيلبس ويتشيك عشان يروح لتوتا خطيبته طلعت له أمه بهزار وقالت
_ رايح فين ي عريس بالحلاوة دي

_حلاوة ايه بس ي ماما والله مافي غيرك رافع من معنوياتي ههههه
_ طبطبت علي ضهره بحنان وقالت
فشر هو في حد في القرية كلها زيك عنده عيون خصرا وطول بعرض زيك بسم الله الله أكبر ي رب ي ابني نفرح بيكوا قريب وتطلع خطيبتك بنت حلال

_اوووي ي ماما تهاني جدعه ومحترمة وقلبي حاسس انها هتكون بنتك وام اولاد صالحة

_ان شاء الله ماتنساش تاخد معاك تلت انواع فاكهه اتنين بس قليل ي حبيبي لازم تقدر نسايبك عشان يحترموك كدا وانت قاعد ف بيتهم ،،اوعي في يوم تبقي كالح ي مصطفي

_الله ليه بس النغز دا ي ماما والله باخد لها كل حاجة حلوة طب دا انا المرة اللي فاتت خدتلها مانجة وتفاح وخوخ وشوكولاتية خصوصي كدا ..

_تعيش وتجيب .. يالا عشان ماتتأخريش ..
تمام .. سلام ي ام مصطفي ..
_____________________
دخل فهمي الشقة سمع صوت المية في الحمام افتكر ايام جوازه اللي ماكملتش شهر فراح لندي وحاول يفتح الباب صرخت شكل البعد نساها انها زوجة
_انا فهمي ي ندي مالك

_ماتدخلش انا بستحمي ،، استني شوية وهخرج

وايه المشكلة انتي مراتي ،، حاول يفتح الباب طلع لحسن حظها مسدود من جوا ضحكت بصوت عالي وقالت

_احسن أنه مقفول عشان ماسمعتش كلامي وكنت هتغفلني وتدخل ..

_دا ظلم ومايرضيش ربنا ،، افتحي الباب ي ندوشه عندي ليكي خبر حلو

_خبر ايه ؟قول بسرعة
_ طب افتحي الاول ولا اقولك خلاص انا حجزت شقة وهنسافر إسكندرية اسبوع نرجع أوقاتنا الحلوة علي البحر ..

_ اسكندرية ..!! مش عايزا اسافر واسيب تهاني لوحدها 
_انتي خلفتيها ونستيها ما امي معاها يالا بس اطلعي من الحمام عشان في فتورة لازم تدفع قبل ماقولك التفاصيل ..

_ خلي اللي مهتم يدعها انا مش متحمسه اصلا هههههه
____________________
تحت عمارة مصطفي في سيبر بيقعد فيه مع الشباب اصحابه واول مانزل
_انا هقوله ..
بلاش ي ابني هيزعل
لا لازم يشوف بنفسه ،، يعرف دلوقتي احسن مايدبس فيها
_ تعالي ي مصطفي عايز اوريك حاجة

بعدين ي فتحي لما ارجع ،
لا ضروري ،، بت جاحدة منزله صورها والصراحة شبه خطيبتك خالص
مسكه من قميصة وانفعل
خطيبتي مين انت مجنون .. وريني
اتصدم لما طلعت تهاني فعلا ،،سابهم ومشي
وراح لخطيبته مش شايف قدامه ،،
تهاني .. ماما ساعديني عشان البس مصطفي زمانه جاي ،، هو مابعرفش أن رجلي اتكسرت مش كدا ؟
ايوا
طب يالا اوام قالي أنه نزل من البيت .
_انتي مش هتشوفيه ي تهاني
ليه كدا ي ماما ؟؟
شوفي صورك وانتي تعرفي المصيبة اللي احنا فيها
لا لا دي مش صوري ،، عيطت بصريخ نزل فهمي وابوها وكل البيت يجري في لحظة وصول مصطفي
اول مادخل البيت لقي حسين ف وشه وف أيده ….

تمت الحلقة
#أماني_عنان