#مؤامرة_خسيسة
قصة حقيقية ح 4
_انتي بتتكلمي ي ندي ، يعني مش فاقده النطق زي مالدكتور طلع وقال 😊
_ششش بهدوء..انا لازم انتقم منهم واحد واحد مش عشان يتيمة وماليش اخ ابقي لقمة سهلة المضغ بصي مش عايزا حد يسمعنا وخصوصا فهمي اللي المدعو جوزي في البطاقة ..
_ في حاجة انا ماعرفهاش ،،؟
_ قولي حاجات المهم خلينا نتفق علي كام حاجة من بكره لازم تبقي جامبي وماتسبنيش لتهاني وحماتي دول مش بني آدمين اصلا
خلصت كلامها وعيطت أفكارها خدتها لعند وجعها والم بطنها اللي بدون فايدة ولا حتة عيل تشيله وتشم ريحته فيهون عليها الوجع ..
_احكيلي وانا معاكي علي اي شئ احنا مالناش غير بعض
_ بصي ي ستي اول امبارح كنت نازلة اجيب فاكهة اصلا مافيش حاجة ف تلجتي كله عند حماتي تحت …
_بتهزري ايه الكلام القديم دا هو لسه في بيوت جعانه كدا ،، طب وصباحيتك اللي امك تعبت وشقيت علي ماجهزتهالك ،، الفراخ والحمام والبط والفاكهة والرز والمكرونة ..و و و
_كله تحت رفضت تطلعلي حاجة وقالت احنا بيت عيلة يعني نأكل كلنا سوا 😔
طب وبعدين …
حكت لها كل اللي سمعته ودار بين حماتها وولادها الاتنين والمصيبة اللي دبروهالها ..
_______________________
النهار طلع تاني يوم كان فهمي نايم برا وهو قاعد علي الكرسي ساب اسماء مع أختها عشان تعرف تنام براحتها بيتصرف برجولة أحيانا بس مع ندي الغيرة عمته وخلته مش شايف الحقيقية ،من كتر الخونة وولاد الحرام أصبح الشك سهل والطلاق اسهل 💔
الدكتور بيمر علي الاوض وجه عند ندي
_صباح الخير ،عامله ايه ندي النهاردة
_تعبانه ي دكتور ومابتتكلمش
فهمي واقف جامب ندي صعبت عليه قام ماسك أيدها وقال
_خرجها ي دكتور وأنا هاخد بالي منها
بصت له بتعجب من كلامه في صمت طويل اختارته لنفسها عشان تبقي ف امان من أسئلته أو أي كلام يتوجه لها ..
_انا هاخد إجازة واجي اقعد معاها مش هسيبها انا كمان ي دكتور
_لا تعليمك ومستقبلك ..
مسكت ندي ايد اختها فسحب كلامه وفهم أنها عايزاها
_تمام اللي تشوفيه صح
_طب تقدروا تخرجوا واتمني تاخدوا بالكوا منها وتمشوا علي العلاج في ميعاده ..
_امرك ي دكتور
_يالا بينا ي حبيبتي ..
_حبيبتي ،، ايه المعاملة الرومانسية دي ي جوز اختي
_طلعت من غير قصد
ولا بقصد وايه المشكلة هو تعبير الراجل عن حبه جريمة ولا بينقص منه حته …!
_ ساعدي اختك ف لبسها وبطلي لماضه احنا في الفلاحين مش في المدينة
_مافيش فرق علي فكرة الراجل الشرقي هو بدماغه في كل مكان ..
_هكمل حساب المستشفي واطلع تكونوا جاهزين. .
_شوفتي هرب من الكلام كان نفسي اتجوز راجل قوي وشجاع يواجه العالم بحبي اشوف فيه جوزي وسندي لكن ي خساره حكم القدر عليا بالعذاب في جوازتي 💔
_ايه ايه هنعيط تاني ،،امال فين هنتقم وهعمل واسوي
_ع رايك انا لازم اموت قلبي وانسي العواطف والهبل دا ..
_______________________
دخل فهمي علي أبوه وأمه وهو شايل ندي ووراها اسماء
_حمدالله علي سلامتها ي ابني طلعها علي طول ع شقتها
_الله يسلمك يابا
_ي تهاني تعالي اطلعي ورا اخوكي شوفي هيقولك تعملي ايه لندي … لازم تهتموا بيها ي ام فهمي وتاكل كويس
_طبعا ي خويا دي زي تهاني بنتي 😏😏
ربنا يعلم بعزها قد ايه وزعلت عشانها
_دا عشمي فيكي ي حجة ربنا يديكي الصحة انا هروح اقعد علي القهوة شوية علي ماتحضروا العشا واهم حاجة اكل ندي يطلع لها
_حاضر من عيني
اول ماخرج اتكلمت بصوت واطي وقالت
يطلع لها وماله بنت بياعة الجرجير هتشغلنا عندها ..!!
_حمد الله علي سلامتك ي ندي ي حبيبتي ، ازيك ي اسماء
_الحمد لله كويسه
_ تهاني حضري كل لندي حبة رز حلوين كدا وادبحي لهافرخة
_احنا عاملين مكرونة وبيض خليها كدا النهاردة وبكره ندبح لها
_لا هجيب لها فراخ مشوية اسلقي انتي الرز ربع ساعة واجي ..
_ حاضر ..
نزل فهمي واخته وفضلت اسماء
_والله جدع فهمي ي ندي مظلوم وسط كره أمه وأخته ويمكن مايعرفش ايه رايك نكشفهم قدامه ؟
_لو باقيه عليه كنت عملت كدا ،،جوايا نار اكبر منه ومن عيلته كلها
_الانتقام وحش ي أختي اسمعي مني ..
_بصي روحي هاتي عبارات وتعالي الصبح انا مش ناقصة حكم ومواعظ المتعلمين دي
_ ماشي .. خدي بالك من نفسك
_ههههه قولي لهم هما ياخدوا بالهم من نفسهم ..
__________________
نزل فهمي وجه بسرعة عايز يعوض مراته باي شكل عن الاذي اللي سببهولها فاكر أن فقدان طفل حاجة سهله عند الست …
اسماء خدي حطي الفرخة دي مع طبق رز وطبق سلطة وطلعيها لندي ولا اقولك هطلعها انا
_ع ايه ب ابني اقعد انت عايزاك ف موضوع خلي تهاني توديه وشويه واطلع لها
_طيب خدي ..
طلعت تهاني بالاكل وحطته علي الترابيزة في نص اوضة النوم قدام ندي اللي نايمه علي ضهرها وقالت
_جعانه .. تاكلي الورك ولا الصدر اختارتلك الوووورك
هم ي جمل
وكلته قدام عنيها وبتبص لها بغل برضو يعني هي اللي بتظلمها ولسه نارها قايده وغيرانه منها ،سابت الاكل ودخلت تجيب ميه واول ماطلعت كملت اكل ومسكت الفراخ وحطت العضم ف ايد ندي ،، وندي ساكته ومستسلمة لتصرفات تعاني المجنونة كملت تهاني اكل وبعد خلصت سابت الصنية ونزلت عايزا تطلع فهمي عشان تثبت أنها اكلت ندي وايدها تشهد
عند أول درجات السلم اتزحلقت ووقعت علي ضهرها والسلم فضل يخبط فيها شمال ويمين وهي تصرخ …
_ أه اااا رجلي
جري عليها حسين وأمها وهي مش قادره تحرك رجلها
_في ايه ايه اللي حصل ؟.
_اتزحلقت من فوق كان في حد حاطت زيت وقاصد يوقعني ..!!
_انتي بيتهئلك اكيد مافيش حد هنا غير احنا وندي نايمه في همها ماقامتش من مكانها
_ تعالي اوديكي المستوصف ونطمن علي رجلك
شالت أيده بصبر وهي بتكتم الالم وقالت انا متاكده أن في زيت علي السلم ،اطلعي شوفي ي ماما
بصوا لبعض وراحت فعلا …
تمت الحلقة 🌹
#أماني_عنان
