امي سبب تعاستنا

بارت 1

#امي_سبب_تعاستنا
.
.
.
.

اني زهور عمري 27 سنه عائلتي متكونه من 3 بنات و ولد واحد
وامي وابوي
امي ربت بيت
وبابا ضابط بعهد النضام السابق
حياتنه جانت كلش حلوه حسب ماسولفولي
لكن شاء القدر  ...
اترك الكلام لأمي تعرف عن نفسها
الأم . اني بشرى مواليد 65 عمري بالثلاثين حاليا
مزوجه ياسر ضابط حالته الماديه كولش زينه
عدنه بيت قريب ع سوك جنه بانينه طابقين الطابق الأول بي 3 محلات
محل نداف ومحل صايغ ومحل نجار
والطابق الثاني كان كوله النه جبير لأن البيت مساحته 200 متر
جان بي 3 غرف واستقبال ومطبخ وحولي وحمامين
جنت كلش مرتاحه بي واحبه زوجي جان مددلني كولش
ضابط وعدكم الحساب
جان عنده هوايه فلوس وسيارة آخر موديل
ومحلات ماجرهن وراتبه كولش زين
بلاضافه للاكراميات وأكل الجنود جان كوله يجيب النه منهم

ونبيعه ع الناس الزايد جان بسنة التسعين حصار
والناس حصره عليها الخبز وإني وجهالي نأكل احسن
اكل ونلبس احسن لبس
عندي 3اخوان علي وحسن وحسين
علي شهيد بحرب إيران
وامي وابوي ميتين الله يرحمهم
😢
وعندي 3اخوات وحده أكبر مني مزوجه واثنين أصفار
جنت اساعدهم لاخواني الأكل الزايد اجيبه الهم
الملابس لجهالهم
افلوس انطيهم لأن بالأساس افلوس هوايه عندي
وزوجي مخولني بكل شي وميحسب وراي
جنت اكوله انطي تره لهلي يكلي عادي احسن الغربه الي نطيهم لأن اخوي متدين كولش
كلي زوجج يعرف بالمساعدات الي تجيبيها النه
اذا ممترخصه منه حرام عليج وعلينه
فجاوبته اي مترخصه وهو كلي أحسن مننطي للغرب

المهم فجانوا اخوتي وأخواتي يحبوني
ويحترموني كولش

هسه راح احجيلكم عن حياتي عندي 3 بنات الجبيره نور عمرها 10 سنوات وسرور عمرها 6 سنوات وزهور عمرها
3 سنوات
عندي محمد عمره 8 سنوات
زوجي ضابط يجي بالشهر أسبوع ويرجع للوحده مالته
زوجي احسه معقد خالي من المشاعر يمكن اذا اكللكم عمره ممسمعني كلمه حلوه مصدكون
جان ع كد حاجته ويعاملني كأنما جندي عنده اني
كله أوامر حجيه وياي

جان بس عنده الحياة فلوس وبس يجيب ويذب فلوس
علينا
بلا ميفكر نحتاج اله
جان كل شهر يكلي انزلي اختاريلج قطعة ذهب
من سعد هديه الج
ا
اني سعد مأجر محل من بيت أبو محمد
أبو محمد ضابط ومدلل زوجته كل شهر يشتريلها حاجه
وتنزل تختارها مني
اباوع عليها تخبل كلش حلوه وفوكاها تلعب بالفلوس لعب
وزوجها ولا يحاسبها فكرت بيها
خرب حضي هاي تلعب هيج بالفلوس
وإني الذهب ع التصريف جايبه مأجر المحل ايجار
دخلي اتقرب منها اشو حلوه وعدها فلوس
والمره تتقشمر بسرعه
خلي اجرب واشوف شخسران اني

بشرى نزلت لسعد كتله جبت شي جديد
تعرف أبو محمد كل شهر ياخذلي قطعه ذهب
كلي جبت بضاعه جديده
باوعت عجبتني كلاده ع شكل سمجه كلش حلوه
اول وحده اني البسها
أخذتها ولبستها بركبتي واباوع على المرايه إلي بالمحل
اني اصلا ممحجبه بس من اطلع البس عبايه أم الرأس