جاسر بغضب.....هو انتي بتترمي في حضن اي حد كده
ريم بصدمه....ايه
عبد الرحمن بغضب ......انت مين
ريم.....عبدالرحمن جاسر يبقا زميلي في الصحافه
جاسر بغضب.....بس برضو مقلتليش مين ده
عبدالرحمن.....انا اخوها انت بتسال ليه
جاسر باحراج 😞......انت اخوها انا اسف مقصدتش بس كنت خايف احسن تكون بتدايقها
عبد الرحمن ....انا مقدر أن انت كنت عاوز تاخد بالك منها زي اخوها بس ريم راجل وتقدر تاخد بالها من نفسها كويس
جاسر باحراج......انا اسف مره تانيه
عمر كان واقف مصدوم توقع أن جاسر هيقتل عبد الرحمن بس لقاه بيعتذرله
عمر ......جاسر انت كويس يا بابه دا سرق البت منك
جاسر بديق ......عمر غور من وشي السعادي
( ريم كانت طول الطريق متدايقه من الي جاسر عمله ومش مصدقه أن هو ممكن يفكر فيها كدا وكانت بتحاول تهزر مع عبد الرحمن عشان ميخدش باله بس طبعا اخد باله )
عبد الرحمن وصل ريم البيت وذهب ليري حبيبته
عبده بعد ما فتحت ليه ملك ....... ازيك يا ملك وحشتيني اوي
ملك بخجل .......الحمد لله كويسه انت ايه اخبارك .
عبد الرحمن .....ايه موحشتكيش ارجع الجيش تاني طيب
ملك بسرعه ....لا وحشتني اوي كمان وكنت خايفه عليك
ملك بعد أن أدركت ما قالته.....قصدي وحشتنا كلنا وكنا خايفين عليك
عبد الرحمن باستفزاز.....والله طيب يا شيخه كنتي تسبيها كدا مش لازم تقوليلي قصدك ايه وبعدين هقف علي الباب كتير
ملك.....لا اتفضل ادخل هتلاقي خالتك جوه هتفرح لما تشوفك
عبد الرحمن ......ا زيك يا خالتو عامله ايه وحشتيني جدا
هنا...... وانت كمان وحشتني يا ابني
عبد الرحمن بغمز ......وحشتك انتي بس يا هنون
هنا بعد ما فهمت ....واخدني كبري يا ابن حنان
عبد الرحمن .....حبيبتي والله يا هنون
( نابذه عن عبد الرحمن وملك
ملك من يوم ما وعت علي الدنيا وهي عارفه أن هي لعبد الرحمن وعبد الرحمن ليها كانت بتدايق اول ما تلاقيه بيكلم واحده غيرها وعبد الرحمن نفس النظام بيعشق ملك تقريبا من يوم ما اتولدت وهو مانع اي حد من قرايبهم الولاد يقربلها )
( ملك احمد ٢٠ سنه تمتلك عيون زرقاء كا اختها قصيره القامه من عائله متوسطه الحال في كليه هندسه )
عبدالرحمن قعد مع ملك وعيلتها شويه بعدين استأذن ومشي
وفي جها أخري
سهيله كانت بتكلم ريم علي التليفون
سهيله.....يا بنتي فكي بقي
ريم....منا فاكه اهو انا بس مدايقه ازاي اديته فرصه يدخل في حياتي بالشكل داه احنا نعرف بعض من فتره بسيطه
سهيله.....كل داه ومش مدايقه امال لو متدايقه هتعملي ايه
ريم ....انتي عيله مهزقه ومش هرد عليكي بس أنا الي مدايقني الكلمه الي قلهالي ديقتني اوي اول ما قالي انتي بتترمي في حضن اي حد كدا
سهيله .....يا بنتي كان غيران عليكي انتي مشفتيش وشو انا حسيت انو هيقتل عبده انا خفت علي اختي تبقي ارمله قبل ما تتجوز
ريم.....لا يا سهيله ما كنش غيران دا كان بيتهمني اني واحده مش محترمه وانا الي اديته الفرصه لكدا
سهيله .......يا بنتي انتي مدتيش حد فرصه انو يغلط فيكي انتي كنتي بتكلمي في حدود وهو اكيد ماقصدش يكلمك كدا والله كان غيران
ريم.....طيب ماشي يا سهيله باي احسن عبده جيه وانا عارفه انو هيفضل يحقق معايا
عبده.......ريم ممكن ادخل
ريم.....اه اتفضل
عبده .....ممكن بقي تقوليلي مين جاسر داه وبالتفصيل
ريم ....بص يا عبده انا مبخبيش عنك حاجه زي ما انت عارف بس مفيش حاجه بنا والله احنا مجرد زمله في النشاط وبس لا كن انا معرفش هو عمل كدا ليه وانا اصلا مستحيل اتعامل معاه تاني
عبد الرحمن .....والله يعني مفيش مشاعر ليكي نحيته كدا ولا كدا
ريم بسرعه.......لا لا مفيش حاجه زي دي اصلا ومستحيل افكر احبه أو احب غيرها لأن كلهم واحد ( ريم عندها عقده من الرجاله بسبب.....)
عبده بديق ......يا ريم مش كل الرجاله زيو خلاص الي حصل زمان انسيه
ريم بخنقه .....مش هقدر انسي يا عبده الموضوع صعب
حنان بصوت عالي حتي تسمعه ريم وعبده....يلا ياشباب الاكل بره
بعد ما خرج عبده وريم .
ريم بديق ..... فين يا امي الاكل داه .
حنان......بحطو اهو
ريم.....اهو كل مره تقوميني كدا وفي الاخر تطلعي لسه بتحطيه
حنان ......مهو انا مخلفتش بنات فابطر اعمل كل حاجه لوحدي
ريم .....قلبك ابيض يا مامتي بقي خلاص
حنان......اهو دا الي بناخده منك
ريم.....يلا نأكل بقي احسن هموت من الجوع جعان يا بشر
عبده .....يلا يا ماما احسن هتكلنا
بعد الاكل ذهبت ريم الي الغرفه كي تنام بأمنها لم تستطيع كانت تفكر في ما فعله جاسر وما حصل معها في الماضي بعد فتره استطاعت النوم وعلي عينيها دمعه
تاني يوم الصبح فعلت ريم روتينها الصباحي وادت فرضها وذهبت مع البنات الي المدرسه
في غرفه الصحافه
ريم ......اوك يا شباب كل واحد فهم الي عليه
مش عايزين اي غلطه في الندوه دي الميس معتمده علينا
جاسر ....ريم طب ممكن ثواني عايز اقلك حاجه
ريم.......اتفضل
جاسر .....لا معلش لوحدنا
ريم......علي ما اظن يا جاسر مافيش حاجه تستدعي أن احنا نتكلم علي انفراد ولو عايز تقول حاجه اتفضل قولها هنا وكمان ممكن الناس دي تفهمنا غلط
جاسر .....تمام انا بس كنت عايز اعتذرلك عن الي حصل
ريم ......لا ابدا مفيش داعي لاعتذارك انك شككت في أخلاقي
جاسر ......انا مقصدتش والله
ريم .....خلاص يا جاسر قفل علي الموضوع دا دلوقتي احنا ادمنا شغل مهم متوكلين بيه
ريم .....شباب زي ماقولتلكو نوال سهيله سهام انا وزياد فرقه هنجمع المعلومات عن الندوه و جاسر عمر احمد وندي و محمود ونسرين انتو هتصيغو المعلومات
ندي ونسرين ......طب ما تجبونا معاكو بدل ما احنا مع الولاد
ريم ....الميس هي الي مقسمه والله
بداءت ريم في توزيع الطلبه زي ما الميس قالتلها
نوال بهمس في أذن ريم.......مالك قالبه علي الواد ليه
ريم .....اسكتي انتي متعرفيش عمل ايه
نوال......طب في الفسحه ابقي اوليلي
ريم....اوك
ريم في الفسحه حكت لنوال وكانت طول اليوم الدراسي بتتجاهل جاسر وبتعامله ببرود
( نوال ابراهيم ١٨سنه في الصف الثالث الثانوي صاحبه ريم اوي ومع جاسر في الفصل فتاه قصيره القامه لطيفه دبش جميله حنطيه البشره وتمتلك عيون واسعه عسليه )
ريم بعد ما روحت واكلت وادت واجبتها وقبل ما تنام لقت تليفونها بيرن
ريم .....الو السلامه عليكو مين معايا
..... بجد معرفتنيش
ريم .....والله لو مبتلطش استتزراف وقلت مين لاهقفل واعمل بلوك
.....لا استني خلاص هقولك انا مين
ريم.....ما تخلص انت هتستزرف
......انا جاسر
ريم....جاسر مين
جاسر .......يا بنتي انتي فقدتي الذاكره انا جاسر الي معاكي في المدرسه
ريم......اه وجبت رقمي منين يا جاسر
جاسر.....قبل ما اقولك انا بجد اسف علي الي حصل والله مقصدت ادايقك ممكن تسامحيني ونفتح صفحه جديده
ريم باحراج.....ماشي بس قولي جبت رقمي منين
جاسر ......من ميس مني
ريم ......وادتهولك كدا عادي
جاسر .....وفيها ايه دا انا عملت عليها حورات عشان ترضي تديني رقمك
ريم بضحك ......ماشي يا عم نفتح صفحه جديده خلاص مش مدايقه منك بس أنا عايزه منك طلب صغير
جاسر ......ايه
ريم .....متكلمنيش من علي رقمي تاني عشان ميحصليش مشكله وعشان حرام
جاسر ....ماشي يا ريم يلا مع السلامه خدي بالك من نفسك
ريم .... مع السلامه وانت كمان
بعد ما قفلت ريم مع جاسر كانت سعيده جدا وفرحانه
بس أنا كدا خلصت
ليه يا تري ريم عندها عقده من الرجاله؟,
ياتري عبده كان قصدو علي مين ؟
هل فعلا جاسر حب ريم ؟
كل دا هنعرفو في البارتات الجايه انا كتبت دا طويل عشان مش هكتب يوم الخميس
