بقلم ،،،،،//ياقوته محمد //،،،،،،
************
....بقينه ايام الحرب كلهه يم اقارب هيثم، جانو ناس طيبين كريمين وابوهم معروف بالمنطقه المختار ابو محمد، ،
بيتهم جان مفتوح لكل اقاربهم الي اجو من المركز
احنه نطونه المشتمل مال رافد وزوجته ليلى بنت عمه كعدنه بي انه وامي واولاد هيثم وامونه جنه ننام بالصاله وغرفه لهثم وزوجته، ، تونست هناك كلش هواي جنت افتر ويه بناتهم ناديه وعفاف وزوجة ابنهم ليلى بالبساتين ويم النهر شكد تونست، هناك نسيت كل المريت بي بناتهم بعمري نادي وعفاف اصغر مني بسنه وليلى اكبر بسنتين ،بس صرنه كلش قريبات لبعض وامونه اذا زوجهه اخذ الاولاد وياه تجي ويانه وتعوف الصغار يم امي، ،
امي هم لكت ونس ويه الحجيه الجبيره ام راضي تصير ام ابو محمد وجنانينهم ام محمد وام سالم وجاراتهم يسون كعدات جوه العريشه مال العنب بباب البيت، ،،،
المنطقه جانت هادئه والبيوت شويه متباعده والزرع والبساتين والسواقي كلشي حلوو يجنن، ،
جنه كاعدات اني وامونه والبنات بالبستان يم الساقيه
جانت امونه وليلى يسولفون شلون جانت ايام زواجهن وحده ترفع وحده تكبس واحنه كاعدات فاكات حلوكنه عليهن هههههه وهنه يحجن بالخط العريض شويه وشفنه هيثم ووياه واحد يمشي وياه جايين علينه
البنات كالن هذه محمد اجه من البصره بعد مافتحو الطريق وخواته ركضو علي يسلمون علي ويبوسون بي جانو خايفين علي لان طول ذيج الفتره جان مقطوع الطريق وبقى بالبصره وماكو تواصل وخايفين علي
كمنه احنه هم سلمنه عليهم وانه وكفت يم امونه قريب من هيثم جان شاب طويل وحلو مرتب بشرته حنطيه عيونه وساع وشعره مرتب جان يختلف عن بقية اخوانه عمومته كشختهم يعني
هيثم باوع لامونه وقرب راسه منهه مدري شيهمس ويضحكون بعدين دار ع محمد كله يالله مشينه نروح نذب شص بالشط ومحمد يباوع عليه ويبتسم وبعدين باوع لهيثم وغمز ياشر عليه يكله منو
هيثم ظربه ع علباه بااشقه وكله عيب عليك هاي اخت المره ويضحكون
سلم ع امونه وشملني بالسلام وبعدين راحو واحنه هم رحنه للبيت نجهز غده
رجعنه نتمشه ولكيناهم مجمعين يم الحجيات جوه العنبه و يضحكون ويسولفون وناصبين ع الحجيات يكلولهن صدام راح يرجع ويثرم الشعب كله بالمثرامه لان فرح بالحرب وسقوط الحكومه
وهنه خطيه صدكن وظلن يتباحثن وذوله يضحكون عليهن وصلنه يمهم وهذه محمد اكلني بعيونه عبالك مشايف بنت بحياته
شكد ضايقتني نظراته وخاصه كدام هيثم استحي منه
عفناهم ورحنه للمطبخ المشترك
طبخنه مركة فاصوليا وتمن، واجه رافد جايب وياه طرح من المزرعه مالتهم كعدنه احنه البنان نثرم الزلاطه لان هواي كنه نجهز الغده والعشه والريوك لثلث عوائل ونجمع كلنه بالمطبخ نطبخ ونسولف
أنت تقرأ
تٌَحَـتْ ظل المشانق
Lãng mạnامرأه تنهض م̷ـــِْن حطام الماضي لتقع بمطبات ومتاهات المستقبل فهل ستصمد امام التحديات القادمه ام تبقى حبيسة الماضي ام تبقى كورقه بمهب الريح، ،، امل أمرأه عراقيه تروي حكايتها لنا م̷ـــِْن بيت صغير م̷ـــِْن البيوت البغداديه التي عاشت ويلات الحروب وجور...
