********** ياقوته محمد
اليوم هو اسعد يوم بعمري كله واني اشوف امونه اخيتي وحبيبة كلبي فرحانه وخدودهه مورده وخجلانه من اخوتهه كلما شافت واحد منهم ركضت ختلت بالمطبخ لو بغرفتنه لو تلهي نفسهه بالشغل حته ميشوفون توترهه وخجلهه من بعد ما انطت موافقتهه ع هيثم بعد ماكعدو خالاتي وسوولهه غسيل مخ حته يرجعون الهه عقلهه مثل ميكولن...
صار اسبوع من اجت بيبي ام هيثم وخطبت اختي امونه لابنها هيثم الغدار الخاين زيررر النساء، ،
جنه كلما نروح يم بيبي ام هيثم ويه ماما يعوف شكو شغل بيده ويكابلنه ويكعد، اعرفه الحقير يباوع لامونه وهيه الحيوانه ساكتتله متحاجيه لوترده والله لو اني منهه افكس عيونه البومه، ،
وساره بنت خالتي ام واثق جانت دوم تتلزك بي وكلما تشوفه تكعد تتنعوص و تنعم صوته وتكعد تتماوع كدامه، ،، وتكول علي يكتل تكتل كتلتج سليمه انشاء الله، ،،،، ماشايفات رجال شني اشو اني من اشوفه يصير عندي غثيان الاجلح،
اييع شكد اكرهه من اشوفه دكول شفت بومه والله يومي كله ينعفس عفس، شكد غثه الخاطر الله عودك ضابط الله يجرم هههه والله بغنماتي ماخليك تسرح
بس شاربك يكنس الفرع من الطول للطول من بيت ام سالم لبيت حجي فالح، ،،
لا والنوب عيونه من يرصد بيهن جنهن عيون ذيب الاجلح الاملح ابو كرش والله كتلهه الامونه عوفي ميفيدج هذه عنده كرش تكلي نجبي حلو ماعنده كرشه صغير وممبين ،كتله خشمه جبير واسووووود تكلي حلو ميتعيب، امداهه هم صايره متشوف عميه،
كتلهه ولج هذه جبير وعنده وجهال تلاثه تكلي ميخالف اعتبرهم جهالي ، عاااد اني هنااا تخبلت شني جهالج امداج روحي روحي لهويثم خلي يموتج مثل ماماتت سمر والله خطيه لسه اذكرهه من جانت تجي يمج تخيط ملابس شفتي موكتلج التتزوج رجله يخنكه بالمخده وتموت ،،
ضحكت ضحكه طويله وبقت دمع كالت ولج منينلج هالحجي يمكموعه منين عرفتي التتزوج رجلهه يخنكه بالمخده وتموت ههههههههه
كتله لا ولج مو سمر وره مزوجت مواجتج تخيط قطعهه وسولفت شسوه بيهه هيثم مو كالت ذب نفسه عليه وحط المخده ع حلكي وردت اموت من الوجع ،
الغبيات ليش يزوجن مادري خبلات مكيفات عالزواج حته يموتن العوبات
كفختني العوبه ع راسي وكالت ولج مكموعه اسكتي عيب شنو هالحجي ولج لتحجي كدام احد سمر الله يرحمه جانت تشاقه وبعدين هيه ماتت من ولدت بتهه سميه وكافي تفاولين يالله سدي الموضوع عيب تناقشين بي بعدج صغيره علي هالحجي، ،،،
كتله طبج طوب روحي لهيثم ينفعج اني مو اختج خلي يصير هو اخوج وشردت منهه
من هاليوم صارت بيبي ام هيثم وخالتي ابتسام يوميه عدنه يجهزن لامونه حته يزوجوهه لهيثم البومه، ،
أنت تقرأ
تٌَحَـتْ ظل المشانق
عاطفيةامرأه تنهض م̷ـــِْن حطام الماضي لتقع بمطبات ومتاهات المستقبل فهل ستصمد امام التحديات القادمه ام تبقى حبيسة الماضي ام تبقى كورقه بمهب الريح، ،، امل أمرأه عراقيه تروي حكايتها لنا م̷ـــِْن بيت صغير م̷ـــِْن البيوت البغداديه التي عاشت ويلات الحروب وجور...
